Tawbuid, Eastern by OMF International, Philippines Non-Drama (NT)

Tawbuid, Eastern by OMF International, Philippines Drama (NT)

<div class="version vid3617 iso6393bnj" data-vid="3617" data-iso6393="bnj">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Sik Burangday at Anyun</div><div class="r">(Mar. 12:41-44)</div><div class="p"> 1Ay Isus gulit at mabalan fag ngay taw nu gsuwad at singku sas fagsuwadan. 2Ay nalag yangay sik yud e kwa fag burangday#21:2 burangday: Sis Faniganun, balo. fag mangena nu gsuwad duwak salafi. 3Ay Isus nalong te, &#8220;Matuyan iglong aw te, ka fag burangday at nasuwad, glabi yay sa tiba fagayu at nasuwad sas fagsuwadan singku. 4Anway si tiba at nafon fagngayuun at labi wan. Ay roro sanya fag burangday dewa yud ngayu at nafon, kayunya wan at singku, anggan wa at fasad famul fakonun.&#8221;</div><div class="s">Umrasras ban Diyus Bale</div><div class="r">(Mat. 24:1-2; Mar. 13:1-2)</div><div class="p"> 5Ay tibak taw nalong te, &#8220;Linggati, agbvt nin fag ngay batu at fangawat Diyus bale, ay anggan ngay taw at nafon fag ngay famasinean.&#8221; 6Ay Isus nalong te, &#8220;Fagayu ay nalag katsi, bandi ban gina umdasug ka fag ngay menit, wa ban e batu magamut nus di sadi. Fagayu umrufa wan.&#8221;</div><div class="s">Umdasug ban at Mataka ay at Nanfauri</div><div class="r">(Mat. 24:3-14; Mar. 13:3-13)</div><div class="p"> 7Ay at ngay tagadal ginto sas Isus te, &#8220;Em Takamoyung, seduge ban nu msure aro am ngay nafoyung? Ay tain ban em fagsafulan te, gasureun wan?&#8221;</div><div class="p"> 8Ay Isus nabalus te, &#8220;Matagakani tuwa laman di ban am malukan tibak taw, anway ngayu bank taw at kumdasug ay lumong te, aw wan Diyus at nafili fag Fun. Ay anggan lumong yangay te, indasug wan ka fag ngay menit. Lag gafanud sat ngay longan. 9Ay dewa ban am e dungganan garingangan gbarangyan sa tibak talun, lag am kalimu. Dewa katanya, bunya ginanya at fakatabuwan.&#8221;</div><div class="p"> 10Ay Isus nalong yangay te, &#8220;Tibak talun ban at ngay taw at fagfabarangyanun tibak talun yangay at ngay taw. Ay sik fun at ngay taw ban at fagfabarangyanun sik fun at ngay taw yangay. 11Ay sa tibak talun gfaleleg ban dawdaw. Ay sa tibak talun at taw kalunus ban dawdaw. Ay e ngay daylan ban dawdaw. Ay e fakalimuun ban dawdaw, ay anggan e madulawan fag ngay fagsafulan sas banwa.</div><div class="p"> 12&#8220;Ay kanya fagayu nu gakagurunganun wan, e gumamat yay ban ayu ay gfauri ayu. Ay tumaban ban ayu sa sangay taw Udyu at ngay bale fakafulan ay anggan sas bale sungsungan. Ay anggan e tumaban ban ayu sa at ngay fun ay sa at ngay fun sirut, teway gafanud tuwam sa angku. 13Ay ginanya wan at fasakan nu gfoyung am at matuyan fag longan sanya fag ngay taw. 14Fatvngvdi ay amatanganan. Ay lag am gafanawa te, tain ro siring ay famalus. 15Anway igfoyung akyay ban ayu at mamatanganan fag longan. Ay at nansalag ayu wa gbabo ay wa mafafamayud sa ay longan. 16Ay ay ngay magurang, ay ay ngay fadugsay, ay ay ngay kalongan, ay anggan ay ngay fagwes nantaban ban ayu sas mauri fag taw. Ay e fate ban ayu tiba. 17Ay fagayu taw umlimata ayu, teway gafanud tuwam sa angku. 18Dewa katanya, nus di sadi ay buk wa malyam. 19Ay nu nasungatan tuwam ay nabaris, umlangfe ban am.&#8221;</div><div class="s">Isus Naguna Nafoyung te, &#8220;E Rumasras ban Fulan Erusalem&#8221;</div><div class="r">(Mat. 24:15-22; Mar. 13:14-19)</div><div class="p"> 20&#8220;Ay nu nalag wam sik ngay sundalu nu gsafungan Erusalem, nasaful wam te, makbang wan nu e rumasras Erusalem. 21Ginanya ban sik ngay taw tagsis talun Udiya, lagyui sa sangay muyud. Ay sik ngay taw tagsis Erusalem, alfasi wan. Ay sik ngay taw at malakloan sa sangaba talun, lag guli sas Erusalem. 22Anway ka fag ngay menit, at lungud wa nu gfaurianan, laman umgurungan wa fiya at marirukan sis Diyus at longan. 23Ay mafanyu ban dawdaw tagfafiyon ay tagfasusu ginanya fag ngay menit. Umdasug at mason ban dawdaw fag ngay faurianan ste fag lungud talun, anway Diyus kadotama ste fag ngay taw. 24Ay tiba ste fag ngay taw e masing wan laman igfate. Ay tiba tumaban wa ban sa tibak talun. Ay at yud Udyu fag ngay taw mabo wa ban Erusalem, ay kanya wan tagmagurang kaduge yap ngay Diyus kaumsig.&#8221;</div><div class="s">Taw at Baguwama nu Kadasug ban</div><div class="r">(Mat. 24:29-31; Mar. 13:24-27)</div><div class="p"> 25&#8220;Ay e ngay fagtoglagan ban sis menit, ay sis magdanun, ay anggan si sangay galeme. Ay ste swa daga fagayu talun at ngay taw kalimu ban dawdaw. Anway kanya wa nasaful at masuwad dagat at fagfawasun dawdaw ay at faglumbakun. 26Ay at ngay taw kalyam wan at amatanganan katvngvdan nu kalimu sa tagadasugun ste swa daga. Ay fagayu at ke fagmadaragangun sis banwa muwigan wa ban. 27Ay ginanya ban, at ngay taw lumag ban angku, Taw at Baguwama, nu kadasug ban aw sis ngay linyabu. Ay e fagmadaragangun aw dawdaw ay anggan e fagmasineun. 28Ay gina ban umgurungan aro ku longan, malindugi ay tangdai, anway makbang wan nu e gbalabag ayu.&#8221;</div><div class="s">Isus At Fafaskudanan sa sik Alibas</div><div class="r">(Mat. 24:32-35; Mar. 13:28-31)</div><div class="p"> 29Ay Isus nafafaskudanan sanya fag ngay taw te, &#8220;Linggati sik alibas, ay anggan tiba yak kayu. 30Nu nalag wam sik alibas at don nu karabas wan, nasaful wam te, gakasudyangun wan. 31Katanya yangay ban nu lumag am ku longan nu kagurungan. Sumaful yangay am te, makbang wan Diyus nu gmagurang. 32Ay matuyan iglong aw ayu te, katsi fag ngay taw ya mkate yap ngay umgurungan fagayu ku longan. 33Tam banwa ay tam daga e fakatabuwan way ban. Ay roro ku ngay longan fagayu wa ban e fakatabuwan faggugat.&#8221;</div><div class="s">Matagakani</div><div class="p"> 34-35&#8220;Matagakani, laman ay amatanganan di kaalo ste swa daga fag ngay fagalabianun, ay laman di am ginum fangaranug, ay di am gafanawa. Ay nu katanya tuwa, dewa daw umdasug ka fag menit, di am umsiyuk sa sik lulang. Anway ka fag menit umdasug wa ban fiya sas fagayu tagbanwan sas fagdaul daga. 36Nu katanya, matagakani tuwa faggugat. Ay darangini laman malagyu tuwam dewa ban umdasug at ngay nanfauri, ay laman umkakbang tuwa ban am sa angku, Taw at Baguwama.&#8221;</div><div class="p"> 37Kayu menit Isus gfoyung sis Diyus bale. Ay nu nyabi wan, kanya nalo wan sas Bugsul Ulibu ay sanya wan nu gtiyug. 38Ay fagayu taw masurip tuwa gugat nu glo sas Diyus bale, laman nandungugan Isus nu gfoyung sanya.</div>
 </div>
 </div>
</div>

Ay Isus gulit at mabalan fag ngay taw nu gsuwad at singku sas fagsuwadan. Ay nalag yangay sik yud e kwa fag burangday fag mangena nu gsuwad duwak salafi. Ay Isus nalong te, “Matuyan iglong aw te, ka fag burangday at nasuwad, glabi yay sa tiba fagayu at nasuwad sas fagsuwadan singku. Anway si tiba at nafon fagngayuun at labi wan. Ay roro sanya fag burangday dewa yud ngayu at nafon, kayunya wan at singku, anggan wa at fasad famul fakonun.”


Ay tibak taw nalong te, “Linggati, agbvt nin fag ngay batu at fangawat Diyus bale, ay anggan ngay taw at nafon fag ngay famasinean.” Ay Isus nalong te, “Fagayu ay nalag katsi, bandi ban gina umdasug ka fag ngay menit, wa ban e batu magamut nus di sadi. Fagayu umrufa wan.”


Ay at ngay tagadal ginto sas Isus te, “Em Takamoyung, seduge ban nu msure aro am ngay nafoyung? Ay tain ban em fagsafulan te, gasureun wan?”
Ay Isus nabalus te, “Matagakani tuwa laman di ban am malukan tibak taw, anway ngayu bank taw at kumdasug ay lumong te, aw wan Diyus at nafili fag Fun. Ay anggan lumong yangay te, indasug wan ka fag ngay menit. Lag gafanud sat ngay longan. Ay dewa ban am e dungganan garingangan gbarangyan sa tibak talun, lag am kalimu. Dewa katanya, bunya ginanya at fakatabuwan.”
Ay Isus nalong yangay te, “Tibak talun ban at ngay taw at fagfabarangyanun tibak talun yangay at ngay taw. Ay sik fun at ngay taw ban at fagfabarangyanun sik fun at ngay taw yangay. Ay sa tibak talun gfaleleg ban dawdaw. Ay sa tibak talun at taw kalunus ban dawdaw. Ay e ngay daylan ban dawdaw. Ay e fakalimuun ban dawdaw, ay anggan e madulawan fag ngay fagsafulan sas banwa.
“Ay kanya fagayu nu gakagurunganun wan, e gumamat yay ban ayu ay gfauri ayu. Ay tumaban ban ayu sa sangay taw Udyu at ngay bale fakafulan ay anggan sas bale sungsungan. Ay anggan e tumaban ban ayu sa at ngay fun ay sa at ngay fun sirut, teway gafanud tuwam sa angku. Ay ginanya wan at fasakan nu gfoyung am at matuyan fag longan sanya fag ngay taw. Fatvngvdi ay amatanganan. Ay lag am gafanawa te, tain ro siring ay famalus. Anway igfoyung akyay ban ayu at mamatanganan fag longan. Ay at nansalag ayu wa gbabo ay wa mafafamayud sa ay longan. Ay ay ngay magurang, ay ay ngay fadugsay, ay ay ngay kalongan, ay anggan ay ngay fagwes nantaban ban ayu sas mauri fag taw. Ay e fate ban ayu tiba. Ay fagayu taw umlimata ayu, teway gafanud tuwam sa angku. Dewa katanya, nus di sadi ay buk wa malyam. Ay nu nasungatan tuwam ay nabaris, umlangfe ban am.”


“Ay nu nalag wam sik ngay sundalu nu gsafungan Erusalem, nasaful wam te, makbang wan nu e rumasras Erusalem. Ginanya ban sik ngay taw tagsis talun Udiya, lagyui sa sangay muyud. Ay sik ngay taw tagsis Erusalem, alfasi wan. Ay sik ngay taw at malakloan sa sangaba talun, lag guli sas Erusalem. Anway ka fag ngay menit, at lungud wa nu gfaurianan, laman umgurungan wa fiya at marirukan sis Diyus at longan. Ay mafanyu ban dawdaw tagfafiyon ay tagfasusu ginanya fag ngay menit. Umdasug at mason ban dawdaw fag ngay faurianan ste fag lungud talun, anway Diyus kadotama ste fag ngay taw. Ay tiba ste fag ngay taw e masing wan laman igfate. Ay tiba tumaban wa ban sa tibak talun. Ay at yud Udyu fag ngay taw mabo wa ban Erusalem, ay kanya wan tagmagurang kaduge yap ngay Diyus kaumsig.”


“Ay e ngay fagtoglagan ban sis menit, ay sis magdanun, ay anggan si sangay galeme. Ay ste swa daga fagayu talun at ngay taw kalimu ban dawdaw. Anway kanya wa nasaful at masuwad dagat at fagfawasun dawdaw ay at faglumbakun. Ay at ngay taw kalyam wan at amatanganan katvngvdan nu kalimu sa tagadasugun ste swa daga. Ay fagayu at ke fagmadaragangun sis banwa muwigan wa ban. Ay ginanya ban, at ngay taw lumag ban angku, Taw at Baguwama, nu kadasug ban aw sis ngay linyabu. Ay e fagmadaragangun aw dawdaw ay anggan e fagmasineun. Ay gina ban umgurungan aro ku longan, malindugi ay tangdai, anway makbang wan nu e gbalabag ayu.”


Ay Isus nafafaskudanan sanya fag ngay taw te, “Linggati sik alibas, ay anggan tiba yak kayu. Nu nalag wam sik alibas at don nu karabas wan, nasaful wam te, gakasudyangun wan. Katanya yangay ban nu lumag am ku longan nu kagurungan. Sumaful yangay am te, makbang wan Diyus nu gmagurang. Ay matuyan iglong aw ayu te, katsi fag ngay taw ya mkate yap ngay umgurungan fagayu ku longan. Tam banwa ay tam daga e fakatabuwan way ban. Ay roro ku ngay longan fagayu wa ban e fakatabuwan faggugat.”

“Matagakani, laman ay amatanganan di kaalo ste swa daga fag ngay fagalabianun, ay laman di am ginum fangaranug, ay di am gafanawa. Ay nu katanya tuwa, dewa daw umdasug ka fag menit, di am umsiyuk sa sik lulang. Anway ka fag menit umdasug wa ban fiya sas fagayu tagbanwan sas fagdaul daga. Nu katanya, matagakani tuwa faggugat. Ay darangini laman malagyu tuwam dewa ban umdasug at ngay nanfauri, ay laman umkakbang tuwa ban am sa angku, Taw at Baguwama.”
Kayu menit Isus gfoyung sis Diyus bale. Ay nu nyabi wan, kanya nalo wan sas Bugsul Ulibu ay sanya wan nu gtiyug. Ay fagayu taw masurip tuwa gugat nu glo sas Diyus bale, laman nandungugan Isus nu gfoyung sanya.

Slušaj Lukas 21