Yao, Tanzania 2018 TWFTW/ PBT Non-Drama(NT)

Yao, Tanzania 2018 TWFTW/ PBT Drama(NT)

<div class="version vid2793 iso6393yao" data-vid="2793" data-iso6393="yao">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s">Che Yohana &#372;akubatisya akwalalichila &#373;andu</div><div class="r">(Maliko 1:1-8; Luka 3:1-18; Yohana 1:19-28)</div><div class="p"> 1Agala mo&#373;a gala &#373;akopochele che Yohana &#372;akubatisya, &#373;atandite kwalalichila &#373;andu mu lipululu lya ku Yudea. 2&#372;atite, &#8220;Nneche sambi, paku&#373;a Umwenye wa kwinani u&#373;andichile.&#8221; 3A&#373;a ni &#373;e&#373;ala che Yohana &#373;ala, ju&#373;agambagwa ni che Isaya jwakulondola jwa Akunnungu pa&#373;atite,</div><div class="q">&#8220;Lilo&#373;e lya mundu liku&#373;ilanga mwipululu,</div><div class="q">&#8216;Mwakolochesye Ambuje litala lyakwe,</div><div class="q">ngolosyanje litala lyakwe.&#8217; &#8221;</div><div class="p"> 4Che Yohana &#373;awete chiwalo chichakolochekwe ni manyunya ga chinyama chachiku&#373;ilanjikwa ngamia ni nkaanda wa lipende nchiunu mwao, chakulya chao chaliji itete ni uchi wa mwikonde. 5&#372;andu &#373;a ku Yelusalemu ni kutyochela kosekose ku chilambo cha Yudea ni ilambo yose yaili mungulugulu lusulo lwa Yolodani, &#373;ajaulile, 6&#373;ajitichisye sambi syao ni kuleka, nombewo &#373;abatisye mu lusulo lwa Yolodani.</div><div class="p"> 7Nambo che Yohana pa&#373;aweni Mafalisayo achajinji ni Masadukayo aninkwaichilila kuti &#373;abatisye ni &#373;aasalile, &#8220;&#372;anyamwe u&#373;elesi wa lijoka! &#372;aani &#373;anjamwiche muu&#373;ambale uchimwa wa Akunnungu waukwika? 8Nnosye kwa isambo kuti nnesile sambi. 9Nkaganisya ni kuli&#373;echetela muntima kuti, &#8216;Tukwete ambuje &#373;etu che Iblahimu!&#8217; Ngunsalila isyene kuti, Akunnungu akupakombola kugapanganya maganga ga ga&#373;e u&#373;elesi u che Iblahimu. 10Sambano jino li&#373;ago lili chile kata michiga ja itela, nipele, chitela chachili chose changasogola isogosi yambone chichigwisikwe ni kujasikwa pa mooto. 11Une ngumbatisyanga ni meesi kulosya kuti nnesile sambi. Nambo &#373;akwika kunyuma kwangu akwete machili nnope kumbunda une, ni une ngangu&#373;ajilwa namose kwawula ilatu yao. &#372;elewo chambatisyanje ni Mbumu jwa Akunnungu ni kwa mooto. 12&#372;elewo akwete lupeta mmakono mwao ali chile kupeta ngano. Chakumbikanye ngano jambone ni kutaga mu ngokwe ni ikambi kuitinisya pa mooto wangasimika.&#8221;</div><div class="s">Che Yesu akubatiswa</div><div class="r">(Maliko 1:9-11; Luka 3:21-22)</div><div class="p"> 13Kele katema ko Che Yesu &#373;atyosile ku Galilaya ni kwika mu lusulo lwa Yolodani ku che Yohana, kuti nombewo abatiswe. 14Nambo che Yohana &#373;alinjile kwasi&#373;ila aninkuti, &#8220;Une ni jungusachilwa kubatiswa ni mmwe sambano i&#373;ele uli mmwe kwika kukwangu nambatisye?&#8221; 15Nambo Che Yesu &#373;ajanjile, &#8220;Nneche kaje itendekwe yeleyo kwa sambano, paku&#373;a ikusachilwa itendekwe yeila yose yaili yambone paujo pa Akunnungu.&#8221; Pelepo che Yohana &#373;ajitichisye.</div><div class="p"> 16Che Yesu pa&#373;amasile kubatiswa &#373;atyosile mmeesi ni papopo kwinani kwaugwiche, &#373;ammweni Mbumu jwa Akunnungu achitulukaga mpela nguunda ni kwatula pachanya pakwe. 17Nipele Lilo&#373;e kutyochela kwinani lya&#373;echete, &#8220;Jweleju ni Mwanangu jungunnonyela nonyelwe nawo.&#8221;</div>
 </div>
 </div>
</div>

Yao New Testament © The Word for the World Southern Africa and Pioneer Bible Translators, 2018.

Agala moŵa gala ŵakopochele che Yohana Ŵakubatisya, ŵatandite kwalalichila ŵandu mu lipululu lya ku Yudea. Ŵatite, “Nneche sambi, pakuŵa Umwenye wa kwinani uŵandichile.” Aŵa ni ŵeŵala che Yohana ŵala, juŵagambagwa ni che Isaya jwakulondola jwa Akunnungu paŵatite,
“Liloŵe lya mundu likuŵilanga mwipululu,
‘Mwakolochesye Ambuje litala lyakwe,
ngolosyanje litala lyakwe.’ ”
Che Yohana ŵawete chiwalo chichakolochekwe ni manyunya ga chinyama chachikuŵilanjikwa ngamia ni nkaanda wa lipende nchiunu mwao, chakulya chao chaliji itete ni uchi wa mwikonde. Ŵandu ŵa ku Yelusalemu ni kutyochela kosekose ku chilambo cha Yudea ni ilambo yose yaili mungulugulu lusulo lwa Yolodani, ŵajaulile, ŵajitichisye sambi syao ni kuleka, nombewo ŵabatisye mu lusulo lwa Yolodani.
Nambo che Yohana paŵaweni Mafalisayo achajinji ni Masadukayo aninkwaichilila kuti ŵabatisye ni ŵaasalile, “Ŵanyamwe uŵelesi wa lijoka! Ŵaani ŵanjamwiche muuŵambale uchimwa wa Akunnungu waukwika? Nnosye kwa isambo kuti nnesile sambi. Nkaganisya ni kuliŵechetela muntima kuti, ‘Tukwete ambuje ŵetu che Iblahimu!’ Ngunsalila isyene kuti, Akunnungu akupakombola kugapanganya maganga ga gaŵe uŵelesi u che Iblahimu. Sambano jino liŵago lili chile kata michiga ja itela, nipele, chitela chachili chose changasogola isogosi yambone chichigwisikwe ni kujasikwa pa mooto. Une ngumbatisyanga ni meesi kulosya kuti nnesile sambi. Nambo ŵakwika kunyuma kwangu akwete machili nnope kumbunda une, ni une nganguŵajilwa namose kwawula ilatu yao. Ŵelewo chambatisyanje ni Mbumu jwa Akunnungu ni kwa mooto. Ŵelewo akwete lupeta mmakono mwao ali chile kupeta ngano. Chakumbikanye ngano jambone ni kutaga mu ngokwe ni ikambi kuitinisya pa mooto wangasimika.”


Kele katema ko Che Yesu ŵatyosile ku Galilaya ni kwika mu lusulo lwa Yolodani ku che Yohana, kuti nombewo abatiswe. Nambo che Yohana ŵalinjile kwasiŵila aninkuti, “Une ni jungusachilwa kubatiswa ni mmwe sambano iŵele uli mmwe kwika kukwangu nambatisye?” Nambo Che Yesu ŵajanjile, “Nneche kaje itendekwe yeleyo kwa sambano, pakuŵa ikusachilwa itendekwe yeila yose yaili yambone paujo pa Akunnungu.” Pelepo che Yohana ŵajitichisye.
Che Yesu paŵamasile kubatiswa ŵatyosile mmeesi ni papopo kwinani kwaugwiche, ŵammweni Mbumu jwa Akunnungu achitulukaga mpela nguunda ni kwatula pachanya pakwe. Nipele Liloŵe kutyochela kwinani lyaŵechete, “Jweleju ni Mwanangu jungunnonyela nonyelwe nawo.”

Slušaj Matayo 3