<div class="version vid2771 iso6393guz" data-vid="2771" data-iso6393="guz">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Naboigo igoro na ense bigaikeranigwa amo nemeganda yonsi y&#8217;ebitongwa. 2Ase rituko ria gatano na kabere Nyasae agaikerania emeremo yaye yonsi, eye konya akorire; ase rituko ria gatano na kabere agatimoka korwa ase emeremo yaye yonsi, eye konya akorire. 3Nyasae agasesenia rituko ria gatano na kabere, akariatanana, akarikora richenu, ekiagera ase rituko erio Nyasae agatimoka korwa ase emeremo yaye yonsi, eye konya akorire ase obotongi.</div><div class="p"> 4Oyo noro omogano buna igoro na ense biatongetwe.</div><div class="p"> 5Ase engaki eria Omonene Nyasae atongete igoro na ense, kemeri kende tikiarenge komera korwa ase riroba, gose nyeni chinde, ekiagera Omonene Nyasae konya taratoma embura etwe ase ense, nonya monto onde tarengeo ore korema riroba. 6Korende obotooru nigo bware gotiira korwa inse na konyiyia riroba ri&#8217;ense yonsi.</div><div class="p"> 7Erio Omonene Nyasae akabomba na koroisia omonto korwa ase orotu rw&#8217;amaroba, akamoutera omoika bw&#8217;obogima ase chimioro chiaye, na igo omonto akaba ore nobomoyo.</div><div class="p"> 8Erio Omonene Nyasae akaroisia omogondo aaria Edeni, ensemo ya moocha, na aroro akabeka omonto oria abombete na komoroisia. 9Omonene Nyasae agakinia emete korwa ase riroba, emete yonsi egosanerwa ase okororwa, na egwansa ase okoriegwa. Egati&#8208;gati y&#8217;omogondo oria akabeka omote bw&#8217;obogima na omote bw&#8217;okomanyera amaya na amabe.</div><div class="p"> 10Orooche rogasoka korwa ase Edeni na kobekera omogondo oria amache. Korwa agwo rogaatananeka, rokaba chindooche inye. 11Orooche rwe ritang&#8217;ani rokarokwa Pisoni. Orwo narwo roetanaine ense yonsi ya Havila aase etahabu egotoka. 12Etahabu y&#8217;ense eyio nengiya. Naende amagena e rigori rinene nareo, ayakorokwa bedola na berulo. 13Na orooche rwa kabere rokarokwa Gihoni. Orwo narwo roetanaine ense yonsi ya Kusi. 14Na orooche rwa gatato rokarokwa Tigirisi, orwo rogoeta moocha y&#8217;Asuri. Na orooche rwa kane narororwo rokarokwa Eufarati.</div><div class="p"> 15Omonene Nyasae akaira omonto oria, akamobeka ase omogondo o Edeni, ayoroisie na koyorenda. 16Erio Omonene Nyasae agachika omonto oria, akabora, &#8220;Amatunda a kera omote ore ase omogondo oyo nonyare koyaria, 17korende amatunda &#8217;omote bw&#8217;okomanyera amaya na amabe toyaria, ekiagera rituko riria orayarie goika okwe.&#8221;</div><div class="p"> 18Erio Omonene Nyasae agateba, &#8220;Tai buya omonto oyo abe bweka, nimokorere omokonyi barakonyane nere.&#8221; 19Ekero Omonene Nyasae konya akorire korwa ase amaroba kera eng&#8217;iti y&#8217;orosana, ne chinyoni chikoiruruka, agachirenta ase omonto oria, arore buna agochiroka; na buna arogete kera egetongwa kere moyo, erieta riaye rikaba rirorio erio. 20Omonto oyio akaroka kera eng&#8217;iti egotugwa, na kera enyoni ekoiruruka, na kera eng&#8217;iti y&#8217;orosana erieta riaye. Korende tarorekana mokonyi onde, barakonyane nere. 21Erio Omonene Nyasae akabekera omonto oria chitoro chindito mono. Ekero araire akamorusia orobaru rwaye oromo, na akairanerania chinyama aase aria. 22Na orobaru roria Omonene Nyasae arusetie ase omonto oria akarotonga rokaba omokungu, akamoirera omonto oria. 23Erio omonto oria agateba,</div><div class="q1">&#8220;Bono oyo neriuga korwa ase amauga aane,</div><div class="q1">ne chinyama korwa ase chinyama chiane;</div><div class="q1">ere nigo ararokwe omokungu,</div><div class="q1">ekiagera nigo arusirie ase omosacha.&#8221;</div><div class="m"> 24Ase ayio, omonto natige ise na ng&#8217;ina, abwatane na mokaye, na abwo babere nababe omobere oyomo.</div><div class="p"> 25Na abwo babere, omonto oyio na mokaye, nigo barenge getirianda, na tibaare kororerana obosooku.</div>
 </div>
 </div>
</div>

OLD EKEGUSII BIBLE PROTESTANT EDITION ©Bible Society of Kenya, 2020

Naboigo igoro na ense bigaikeranigwa amo nemeganda yonsi y’ebitongwa. Ase rituko ria gatano na kabere Nyasae agaikerania emeremo yaye yonsi, eye konya akorire; ase rituko ria gatano na kabere agatimoka korwa ase emeremo yaye yonsi, eye konya akorire. Nyasae agasesenia rituko ria gatano na kabere, akariatanana, akarikora richenu, ekiagera ase rituko erio Nyasae agatimoka korwa ase emeremo yaye yonsi, eye konya akorire ase obotongi.
Oyo noro omogano buna igoro na ense biatongetwe.
Ase engaki eria Omonene Nyasae atongete igoro na ense, kemeri kende tikiarenge komera korwa ase riroba, gose nyeni chinde, ekiagera Omonene Nyasae konya taratoma embura etwe ase ense, nonya monto onde tarengeo ore korema riroba. Korende obotooru nigo bware gotiira korwa inse na konyiyia riroba ri’ense yonsi.
Erio Omonene Nyasae akabomba na koroisia omonto korwa ase orotu rw’amaroba, akamoutera omoika bw’obogima ase chimioro chiaye, na igo omonto akaba ore nobomoyo.
Erio Omonene Nyasae akaroisia omogondo aaria Edeni, ensemo ya moocha, na aroro akabeka omonto oria abombete na komoroisia. Omonene Nyasae agakinia emete korwa ase riroba, emete yonsi egosanerwa ase okororwa, na egwansa ase okoriegwa. Egati‐gati y’omogondo oria akabeka omote bw’obogima na omote bw’okomanyera amaya na amabe.
Orooche rogasoka korwa ase Edeni na kobekera omogondo oria amache. Korwa agwo rogaatananeka, rokaba chindooche inye. Orooche rwe ritang’ani rokarokwa Pisoni. Orwo narwo roetanaine ense yonsi ya Havila aase etahabu egotoka. Etahabu y’ense eyio nengiya. Naende amagena e rigori rinene nareo, ayakorokwa bedola na berulo. Na orooche rwa kabere rokarokwa Gihoni. Orwo narwo roetanaine ense yonsi ya Kusi. Na orooche rwa gatato rokarokwa Tigirisi, orwo rogoeta moocha y’Asuri. Na orooche rwa kane narororwo rokarokwa Eufarati.
Omonene Nyasae akaira omonto oria, akamobeka ase omogondo o Edeni, ayoroisie na koyorenda. Erio Omonene Nyasae agachika omonto oria, akabora, “Amatunda a kera omote ore ase omogondo oyo nonyare koyaria, korende amatunda ’omote bw’okomanyera amaya na amabe toyaria, ekiagera rituko riria orayarie goika okwe.”
Erio Omonene Nyasae agateba, “Tai buya omonto oyo abe bweka, nimokorere omokonyi barakonyane nere.” Ekero Omonene Nyasae konya akorire korwa ase amaroba kera eng’iti y’orosana, ne chinyoni chikoiruruka, agachirenta ase omonto oria, arore buna agochiroka; na buna arogete kera egetongwa kere moyo, erieta riaye rikaba rirorio erio. Omonto oyio akaroka kera eng’iti egotugwa, na kera enyoni ekoiruruka, na kera eng’iti y’orosana erieta riaye. Korende tarorekana mokonyi onde, barakonyane nere. Erio Omonene Nyasae akabekera omonto oria chitoro chindito mono. Ekero araire akamorusia orobaru rwaye oromo, na akairanerania chinyama aase aria. Na orobaru roria Omonene Nyasae arusetie ase omonto oria akarotonga rokaba omokungu, akamoirera omonto oria. Erio omonto oria agateba,
“Bono oyo neriuga korwa ase amauga aane,
ne chinyama korwa ase chinyama chiane;
ere nigo ararokwe omokungu,
ekiagera nigo arusirie ase omosacha.”
Ase ayio, omonto natige ise na ng’ina, abwatane na mokaye, na abwo babere nababe omobere oyomo.
Na abwo babere, omonto oyio na mokaye, nigo barenge getirianda, na tibaare kororerana obosooku.

Slušajte OMOCHANKO 2