Please contact Bible Society of the South Pacific

Hano New Testament

<div class="version vid2634 iso6393lml" data-vid="2634" data-iso6393="lml">
 <div class="book bkMRK">
 <div class="chapter ch4" data-usfm="MRK.4">
 <div class="label">4</div><div class="s">Avoan Dalogai huri Wani mwa Gaburai Biri</div><div class="r">(Mat 13.1-9; Luk 8.4-5)</div><div class="p"> 1Jisas mwa bagahi mulei la balsin numbu gaivua Kalili. Sinombu ram du dalisia maragai, i mwa g&#772;alo la wag&#772;a, i mwa domahuri aluna, sinombu duluai ram du la balsin numbu gaivua. 2Kea mwa bagahira la avoan dalogai huri ginau ivusi lol non silo vagahi, mwa bevea lalainira be:</div><div class="p"> 3&#8220;Giv roron&#772;tai! Lol mahavan vwate atatu vwate mwa ban be men g&#772;aburai birin koni. 4Mahavana gabe mwa g&#772;aburai biri lol talu, tavaluna ram hovi la hala, manu ram mai ram g&#772;an kaburainira. 5Tavaluna ram hovi la vatu lol tano ta tano mwa hav vora te gaivua dadariha i biri mwa dabwahu, ta tanogira nu hav roro tehe. 6Mahavana be alo mwa domare i mwa havwanira ta bwatuna ririgi radu i garora ram hav hiv te maragai radu vai lol tano, mwa hav n&#772;ava tehe ram g&#772;oru. 7Biri rituai ram hovi lol utevono lol g&#772;auli ram mauri i g&#772;auli mwa bivihira i ram hav tau te dum vwaira. 8Take biri rituai ran hovi lol mwasin tano, ram dabwahu ram mauri, vaivotu ram bwae: rituai vwaira n&#772;avul gaitolu, i rituai n&#772;avul gaiono, i rituai vudolua.&#8221;</div><div class="p"> 9Hag&#772;e Jisas mwa bev nogo nogoinia be, &#8220;Giv roron&#772;tai, be bweromiu abena!&#8221;</div><div class="s">Sinen Avoan Dalogai</div><div class="r">(Mat 13.10-17; Luk 8.9-10)</div><div class="p"> 10Mahavana be Jisas mwa do gahena, kera rituai gabe ran ron&#772;oe ram mai vai abena mai ira roron&#772;tai han&#772;vul domwan gairua ram hudalinia be men vev sinen avoan dalogai be nu vevea. 11Hag&#772;e mwa avkarira be, &#8220;Mwa hogoi lalai kimiu be gimen ilo ginau ririhai huri rahuan gara gabe God mwa Ratahigi alolona. Take lalainira ata avare ram ron&#772; ginau duluai gin avoan dalogai, 12huri be,</div><div class="q1">&#8216;Rav gitae ba g&#772;itae,</div><div class="q2">take rasav gita te batoia;</div><div class="q1">rav roron&#772;tai ba roron&#772;tai,</div><div class="q2">take rasav ron&#772; te batoia.</div><div class="q1">Bereva ram ron&#772; batoia ba dabagilu huri God,</div><div class="q2">i vi binihi kaburai vurora.&#8217;&#8221;</div><div class="s">Jisas mwa Seserai Binihiva ata lol Avoan Dalogai huri Wani be mwa G&#772;aburai Biri</div><div class="r">(Mat 13.18-23; Luk 8.11-15)</div><div class="p"> 13Hag&#772;e Jisas mwa hudalinira be, &#8220;Matu gim hav ilo te sinen avoan dalogai uhu? Be kunia giv ilo hanini avoan dalogai dodolua? 14Atatu mwa gaburai biri mwa riv avoana non God. 15Atatu rituai ran g&#772;un biri gabe ram hovi la hala; batena gabe ram ron&#772; avoana, Setan mwa mai mwa lai dagainia. 16Atatu rituai ran g&#772;un biri gabe ram hovi la ulun vatu gabe tano tirigi aluna, mwa du huri ira hei ram lai avoana gin samsamwara lol mahavana be ram ron&#772;oe. 17Take avoana mwa hav garoga te alolora, ram davuha mahavan vwelvwele. La mahavana be ram habwe kalkaliana, i mwa lol bonogainira bwatuna avoana, ram hovi darihou. 18Atatu rituai ran kun biri gabe ran hovi lol g&#772;auli. Kera geki ram ron&#772; avoana, 19take lalag&#772;ova ata lol ureure, kun silo tabetabe huri roso, i ginau dorodoron rituai ram hae bul maira i ram bivihi avoana i mwa hav vwavwae te dum. 20Take atatu rituai kun biri gabe nu gaburaiana lol mwasin tano, kera gabe ram lai avoana i ram g&#772;og&#772;oi g&#772;oroe i ram bwae rituai n&#772;avul gaitolu, rituai n&#772;avul gaiono i rituai vudolua vatuvwa.&#8221;</div><div class="s">Avoan Dalogai huri Bulu Aten Gete</div><div class="r">(Luk 8.16-18)</div><div class="p"> 21Jisas mwa avo radu gin avoan dalogai mwa bevea be, &#8220;Matu atatu mwa dau hohoi bulu aten gete sa aten bata? Matu si hav taua tehe la mwasin tanona? 22Ginau mwa hav hili te hohoigi be mwa hili ta vi seseraiana radu, ginau gabe mwa do dahuligi vi visirai lol gigita. 23Giv ron&#772;oe, be atatu bwerona abena na ron&#772;oe ginia.&#8221;</div><div class="p"> 24Hag&#772;e mwa bevea lalainira be, &#8220;Giv lai g&#772;og&#772;o ginau gabe gin ron&#772;oe; tovtovon silo gim bevegi atatu ginia God vi vevegi mulei kimiu ginia ta vi vora gaivua liu nin kea. 25Atatu gabe non ginau sigai, vi lai ginau duluai dagai ninia son&#772;o be mwa hag&#772;o hano tirigi maia ta vi lai dagai n&#772;otoe.&#8221;</div><div class="s">Avoan Dalogai huri Biri Gabe mwa Mauri</div><div class="p"> 26Jisas mwa bev rahurahuinia be, &#8220;Ute Ratahigi non God huri Rahuan Gara gabe mwa Ratahigi g&#772;oro non sinombu alolona kun geki. Atatu vwate mwa g&#772;aburai biri lol taluna. 27Bon&#772;i mwa maturu, mwa mamata uterani, lol mahavan gea biri ram dabwahu i ram mauri. Take mwa hav iloe tehe be ram mauri hanigi. 28Tano mau sibona mwa lol ririvuana ram mauri vaivotu ram bwae; muana mwa matai siu, vuvuri bwatun bagana mwa bisirai, ataguna mwasina mwa bisirai lol bwagavina. 29Mahavana be koni mwa metua atatu gea mwa dau bwatuna mwa n&#772;aria i mwa dau dagainia lol tanona bwatuna taron harahara mwa mai?&#8221;</div><div class="s">Avoan Dalogai huri Birin Ramute</div><div class="r">(Mat 13.31-32,34; Luk 13.18-19)</div><div class="p"> 30Hag&#772;e Jisas mwa bevea be, &#8220;Tas vev haninia be ute Ratahigi non God huri rahuan gara gabe mwa Ratahigi g&#772;oro non sinombu alolona nu g&#772;un hano? Hava avoan dalogai nu vavtutu huria? 31Mwa bevea be nug&#772;un birin ramute, biri tirigi maragai lol ureure. Atatu mwa laia i mwa rivua lol tano. 32Ataguna gea mwa mauri mwa mai gi gai gaivua lol gai rivrivu duluai. Kea mwa sogai lua rarana ivusi manu ram mai ram dau gairan&#772;osira la rarana.&#8221;</div><div class="p"> 33Jisas mwa doretore lalai sinombu gin avoan dalogai ivusi kunira geki, la hala be rav ron&#772; batoi dumwira. 34Mwa hav avo te dagai gin avoan dalogai, mwa avo lalainira gin avoan dalogai duluai, take mahavana be kea mwa dogo gahena maira non roron&#772;tai mwa siv seserai binihiva ata lol avoana duluai lalainira.</div><div class="s">Jisas mwa Bisigai Gin Lan&#772;i Mai Rebu</div><div class="r">(Mat 8.23-27; Luk 8.22-25)</div><div class="p"> 35Hag&#772;e ute ravrav lol gubwen&#772; n&#772;an kea. Jisas mwa avo lalai non roron&#772;tai mwa bevea be, &#8220;Tan van vai haltavalun numbu gaivua.&#8221; 36Hag&#772;e kera ram ban dagai nin sinombu. Non roron&#772;tai ram g&#772;alo la wag&#772;a be Jisas nu to huba aluna i ram laia bul maira. Wag&#772;a dodolua mulei ram du aia. 37Hag&#772;e vilehi n&#772;an lan&#772; gaivua mwa domare hag&#772;e rebu ram sieri alun wag&#772;a i mwa bavora be men masiri gin tumu bwatuna mwa utu tahi. 38Jisas mwa en mwa maturu la n&#772;olin wag&#772;a mwa dau mahuri bwatuna la &#8220;Pwatlun&#772;a.&#8221; Ira roron&#772;tai ram bamatae ram bevea be, &#8220;Vagahi, gom hav gitae tehe be mwa abena be tamen mate?&#8221;</div><div class="p"> 39Hag&#772;e Jisas mwa domare mwa borotai g&#772;oro lan&#772;i mwa bevea be, &#8220;Nu nogo!&#8221; I mwa borotai g&#772;oro rebu be, &#8220;Tamwata!&#8221; Hag&#772;e lan&#772;i mwa mahuri i mwa daro mulei. 40Hag&#772;e Jisas mwa bevea lalainira non roron&#772;tai be, &#8220;Huri hano gim matagu? Matu nomiu binihimwasigi garagusi sigai?&#8221;</div><div class="p"> 41Take ram matagu maragai, ram bavora ram bevea mau ginira be, &#8220;Ira tua, hava atatu geki? Gabe lan&#772;i mai rebu ramuru ron&#772;oe sara&#7713;o!&#8221;</div>
 </div>
 </div>
</div>

Jisas mwa bagahi mulei la balsin numbu gaivua Kalili. Sinombu ram du dalisia maragai, i mwa ḡalo la waḡa, i mwa domahuri aluna, sinombu duluai ram du la balsin numbu gaivua. Kea mwa bagahira la avoan dalogai huri ginau ivusi lol non silo vagahi, mwa bevea lalainira be:
“Giv roron̄tai! Lol mahavan vwate atatu vwate mwa ban be men ḡaburai birin koni. Mahavana gabe mwa ḡaburai biri lol talu, tavaluna ram hovi la hala, manu ram mai ram ḡan kaburainira. Tavaluna ram hovi la vatu lol tano ta tano mwa hav vora te gaivua dadariha i biri mwa dabwahu, ta tanogira nu hav roro tehe. Mahavana be alo mwa domare i mwa havwanira ta bwatuna ririgi radu i garora ram hav hiv te maragai radu vai lol tano, mwa hav n̄ava tehe ram ḡoru. Biri rituai ram hovi lol utevono lol ḡauli ram mauri i ḡauli mwa bivihira i ram hav tau te dum vwaira. Take biri rituai ran hovi lol mwasin tano, ram dabwahu ram mauri, vaivotu ram bwae: rituai vwaira n̄avul gaitolu, i rituai n̄avul gaiono, i rituai vudolua.”
Haḡe Jisas mwa bev nogo nogoinia be, “Giv roron̄tai, be bweromiu abena!”


Mahavana be Jisas mwa do gahena, kera rituai gabe ran ron̄oe ram mai vai abena mai ira roron̄tai han̄vul domwan gairua ram hudalinia be men vev sinen avoan dalogai be nu vevea. Haḡe mwa avkarira be, “Mwa hogoi lalai kimiu be gimen ilo ginau ririhai huri rahuan gara gabe God mwa Ratahigi alolona. Take lalainira ata avare ram ron̄ ginau duluai gin avoan dalogai, huri be,
‘Rav gitae ba ḡitae,
take rasav gita te batoia;
rav roron̄tai ba roron̄tai,
take rasav ron̄ te batoia.
Bereva ram ron̄ batoia ba dabagilu huri God,
i vi binihi kaburai vurora.’”


Haḡe Jisas mwa hudalinira be, “Matu gim hav ilo te sinen avoan dalogai uhu? Be kunia giv ilo hanini avoan dalogai dodolua? Atatu mwa gaburai biri mwa riv avoana non God. Atatu rituai ran ḡun biri gabe ram hovi la hala; batena gabe ram ron̄ avoana, Setan mwa mai mwa lai dagainia. Atatu rituai ran ḡun biri gabe ram hovi la ulun vatu gabe tano tirigi aluna, mwa du huri ira hei ram lai avoana gin samsamwara lol mahavana be ram ron̄oe. Take avoana mwa hav garoga te alolora, ram davuha mahavan vwelvwele. La mahavana be ram habwe kalkaliana, i mwa lol bonogainira bwatuna avoana, ram hovi darihou. Atatu rituai ran kun biri gabe ran hovi lol ḡauli. Kera geki ram ron̄ avoana, take lalaḡova ata lol ureure, kun silo tabetabe huri roso, i ginau dorodoron rituai ram hae bul maira i ram bivihi avoana i mwa hav vwavwae te dum. Take atatu rituai kun biri gabe nu gaburaiana lol mwasin tano, kera gabe ram lai avoana i ram ḡoḡoi ḡoroe i ram bwae rituai n̄avul gaitolu, rituai n̄avul gaiono i rituai vudolua vatuvwa.”


Jisas mwa avo radu gin avoan dalogai mwa bevea be, “Matu atatu mwa dau hohoi bulu aten gete sa aten bata? Matu si hav taua tehe la mwasin tanona? Ginau mwa hav hili te hohoigi be mwa hili ta vi seseraiana radu, ginau gabe mwa do dahuligi vi visirai lol gigita. Giv ron̄oe, be atatu bwerona abena na ron̄oe ginia.”
Haḡe mwa bevea lalainira be, “Giv lai ḡoḡo ginau gabe gin ron̄oe; tovtovon silo gim bevegi atatu ginia God vi vevegi mulei kimiu ginia ta vi vora gaivua liu nin kea. Atatu gabe non ginau sigai, vi lai ginau duluai dagai ninia son̄o be mwa haḡo hano tirigi maia ta vi lai dagai n̄otoe.”

Jisas mwa bev rahurahuinia be, “Ute Ratahigi non God huri Rahuan Gara gabe mwa Ratahigi ḡoro non sinombu alolona kun geki. Atatu vwate mwa ḡaburai biri lol taluna. Bon̄i mwa maturu, mwa mamata uterani, lol mahavan gea biri ram dabwahu i ram mauri. Take mwa hav iloe tehe be ram mauri hanigi. Tano mau sibona mwa lol ririvuana ram mauri vaivotu ram bwae; muana mwa matai siu, vuvuri bwatun bagana mwa bisirai, ataguna mwasina mwa bisirai lol bwagavina. Mahavana be koni mwa metua atatu gea mwa dau bwatuna mwa n̄aria i mwa dau dagainia lol tanona bwatuna taron harahara mwa mai?”


Haḡe Jisas mwa bevea be, “Tas vev haninia be ute Ratahigi non God huri rahuan gara gabe mwa Ratahigi ḡoro non sinombu alolona nu ḡun hano? Hava avoan dalogai nu vavtutu huria? Mwa bevea be nuḡun birin ramute, biri tirigi maragai lol ureure. Atatu mwa laia i mwa rivua lol tano. Ataguna gea mwa mauri mwa mai gi gai gaivua lol gai rivrivu duluai. Kea mwa sogai lua rarana ivusi manu ram mai ram dau gairan̄osira la rarana.”
Jisas mwa doretore lalai sinombu gin avoan dalogai ivusi kunira geki, la hala be rav ron̄ batoi dumwira. Mwa hav avo te dagai gin avoan dalogai, mwa avo lalainira gin avoan dalogai duluai, take mahavana be kea mwa dogo gahena maira non roron̄tai mwa siv seserai binihiva ata lol avoana duluai lalainira.


Haḡe ute ravrav lol gubwen̄ n̄an kea. Jisas mwa avo lalai non roron̄tai mwa bevea be, “Tan van vai haltavalun numbu gaivua.” Haḡe kera ram ban dagai nin sinombu. Non roron̄tai ram ḡalo la waḡa be Jisas nu to huba aluna i ram laia bul maira. Waḡa dodolua mulei ram du aia. Haḡe vilehi n̄an lan̄ gaivua mwa domare haḡe rebu ram sieri alun waḡa i mwa bavora be men masiri gin tumu bwatuna mwa utu tahi. Jisas mwa en mwa maturu la n̄olin waḡa mwa dau mahuri bwatuna la “Pwatlun̄a.” Ira roron̄tai ram bamatae ram bevea be, “Vagahi, gom hav gitae tehe be mwa abena be tamen mate?”
Haḡe Jisas mwa domare mwa borotai ḡoro lan̄i mwa bevea be, “Nu nogo!” I mwa borotai ḡoro rebu be, “Tamwata!” Haḡe lan̄i mwa mahuri i mwa daro mulei. Haḡe Jisas mwa bevea lalainira non roron̄tai be, “Huri hano gim matagu? Matu nomiu binihimwasigi garagusi sigai?”
Take ram matagu maragai, ram bavora ram bevea mau ginira be, “Ira tua, hava atatu geki? Gabe lan̄i mai rebu ramuru ron̄oe saraḡo!”

Slušaj Mak 4