Mato - WBT Version (NT) Non Drama

Mato - WBT Version (NT) Drama

<div class="version vid2360 iso6393met" data-vid="2360" data-iso6393="met">
 <div class="book bkMAT">
 <div class="chapter ch22" data-usfm="MAT.22">
 <div class="label">22</div><div class="s1">Haruanga Babuna Mana Taunga Yaungam Sabanga</div><div class="r">(Luk 14:16-24)</div><div class="p"> 1Yesu baladi haruanga babung teladi muli. Harua ba, 2&#8220;Long Xaiya Yonggaxinoa bila li. Xaitamoxi tela xauxau taunga yaungam sabanga mana garang luba. 3Xauxau masup, baing soxi lipuxing oxatamdi mala rangua lipuadi xusungadi ba dima ba, bu duwagidi ma. Ne hauxading!</div><div class="p"> 4&#8220;Baing soxi lipu oxatam teladi muli mala bu dibaladi ba, &#8216;Taunga xauxau masup ba. Bapalodi xaung kau dungmanangandi ditutudi masup, axadi daxauxau ba. Ama yaunga taungania.&#8217;</div><div class="p"> 5&#8220;Ne lipudi xusungadi ba dima ba, dahatumia te saing dila dituxu ding oxatadingdi. Tela ila umangia, tela ila mana sianging oxatanoa. 6Teladi dituxu uleginamdi, dilibu doa manadi saing dungdi mati. 7Xaitamoxi atin disala haringina, saing soxi lipuxing haungingamdi mala bu dahanggalangia lipu ungingamgadi ba xaung bu ditung yabadinga.</div><div class="p"> 8&#8220;Baing bala lipuxing oxatamdi ba, &#8216;Yaunga taunganoa xauxau ba, ne lipudi ngaxusungadi ba dima ba, ding lipu xaidi te ba dima. 9Ala mana daxanga soking longgalo, saing axusunga lipu gaxarea abagudi ba dima yaunga taungania.&#8217; 10Binabu lipu oxatamdi dila mana daxangadi saing daxap lipu gaxarea dibagudi, lipu xaidi xaung lipu diandi, saing dima dirung numa xangingamia saing baxagi sibuna.</div><div class="p"> 11&#8220;Ne bungina xaitamoxi luxu ma bu bagu lipudi, bagu lipu tela sau yauyaunga yaungam te bila lipudi disau xaidap yaungamia. 12Xusunga ba, &#8216;Riagu, usau yauyaunga yaungamdi te. Uluxu ma baru?&#8217; Ne lipua ba haruangan te.</div><div class="p"> 13&#8220;Baing xaitamoxi bala lipu taunga oxatanamdi ba, &#8216;Agoxi kindi rimandi, saing ating mala sabasabia, labiania, longga lipudi ditang haringina saing digaxu waidingdi.&#8217;&#8202;&#8221;</div><div class="p"> 14Baing Yesu harua ba, &#8220;Alungu to. Urana wagi lipu xumana, ne mogu taining tainina ing ganina ba diluxu ma.&#8221;</div><div class="s1">Xusunganga Mana Digim Gabman Takisindi</div><div class="r">(Mak 12:13-17; Luk 20:20-26)</div><div class="p"> 15Baing Parisidi dila digugunia bu dahau hatumingua ba dilibu Yesu harua haruanga tela sanga ba disu haruanga mana. 16Disoxi lipuxidingdi dinaxu manadi digabu Herot bakbaging teladi mala bu digugunia rangua. Daharua ba, &#8220;Lipu Tubatubaingam, am gaxabia ba ung lipu haruanga maxunama. Utubatuba Urana daxanganoa xaung haruanga maxuna, saing uhatum xumana mana lipudi hatumingadinga te. Ulibu hasusu mana lipu longgalo, heku lipu yayamdi kimbo lipu yaya teguamdi. 17Tauna, ubaxanga nam. Maring mana tagim takis mala na Sisa,#22:17 Sisa yaya tela mana xaitamoxi sabanga Rom dingia. Wa etua mana xaitamoxidi. kimbo doa? Uhatum baru?&#8221; </div><div class="p"> 18Ne Yesu xabia hatumingading diana saing harua ba, &#8220;Ang lipu manang luwadi! Baruta atuba ba atuxu murak manga? 19Ahatanga siang mukiring tela nanga agim mala na Sisa.&#8221; Daxap Rom siang mukiring tela ma, 20baing xusungadi ba, &#8220;Gaxarea babunoa li? Gaxarea yanoa wa mana?&#8221;</div><div class="p"> 21Dahaxuya ba, &#8220;Sisa naga.&#8221;</div><div class="p">Baing harua nadi ba, &#8220;Tauna, axadi Sisa iniadi, asinadi na Sisa, saing axadi Urana iniadi, asinadi na Urana.&#8221;</div><div class="p"> 22Dilungu haruanga baguba, baing dihixi mana. Baing disauya dilauba.</div><div class="s1">Xusunganga Mana Lipuadi Dimati Dimesa Muli</div><div class="r">(Mak 12:18-27; Luk 20:27-40)</div><div class="p"> 23Mana xaidapka baguba gugunianga Sadyusi#22:23 Sadyusi bing Yuda sabungading sabungam tela, xan tela mana Parisidi. telamdi dima rangua Yesu bu duxusunga mana axamang tela. Ding dahatiam mana lipudi bagula dimesa muli. 24Daharua ba, &#8220;Lipu Tubatubaingam, Moses bung Urana Xuania ba, &#8216;Nabu lipu tela mati garang tate, bing kixinginoa bagula yau sabanganoa tabinoa bu tang daxap garadi masok, saking sabanganoa bakbagindi bagula disup te.&#8217;#22:24 Ubagu Hanaunaunga (Lo) 25:5-6. 25Tauna, bunging tela neng sabangang 7 duwa liwe mam. Mugamugangama yau saing mati garang tate, binabu kixinginoa yau tabinoa. 26Luwa xaung hiliadinga kubolu taininau, ila ila laing disup. 27Baing ina naga, hainga mati. 28Tauna, kimuya, bungina lipudi dimesa muli, bing haingga ba bagula wa gaxarea haininoa sibuna? Namua na 7 ding diyau ba.&#8221;</div><div class="p"> 29Yesu haxuya ba, &#8220;Hatumingaimdi didoa, namua na axabia Urana Xuanoa te xaung haringinganoa. 30Bungina lipudi dimesa muli, bagula lup haing diyau ding te. Bila balau bagula duwa bila Urana uleginamdi duwa long xaiya. 31Ne mana haruangua mana lipudi dimesa muli&#8212;ngabo ba ngaxusungang to. Atiti Urana Xuanoa harua mana axa ba, ne baruta ahatumia te? Kimu sibuna mana mugangaradi Ebraham, Aisak xaung Yekop tung dimati ba, Urana harua ba, 32&#8216;Ngawa Urana mana Ebraham, Urana mana Aisak, xaung Urana mana Yekop.&#8217;#Xapdi Muli (Kisim Bek) 3:6#22:32 Ebraham, Aisak, Yekop tung dimati mugau sibuna mana bungina Moses bung haruanga baguba, binabu mana Yesu haruanganoa hatanga ba tung aningodingdi duwauyu Urana maxania. Binabu ina Urana mana lipu matiandi te. Tegu. Ina Urana mana lipu gamatandi.&#8221;</div><div class="p"> 33Burangadi dilungu haruanganoa, baing dihixi mana tubatubainganoa.</div><div class="s1">Urana Hanaunaungang Mugamugangam</div><div class="r">(Mak 12:28-31)</div><div class="p"> 34Bungina Parisidi dilungu ba Yesu libu Sadyusidi dimumguti, bing digugunia bu dituba muli. 35Dingia tela xabia hanaunaungua xai sibuna. Baing tuba Yesu mana xusunganga baguli: 36&#8220;Lipu Tubatubaingam, hanaunaunga Urana sina na Moses baruamta mugamuga?&#8221;</div><div class="p"> 37Yesu haxuya ba, &#8220;&#8202;&#8216;Bing ung murum sibuna mana Toxoratamona, Urana ungia, mana gamom longgalo xaung lum longgalo xaung hatumingam longgalo.&#8217;#Hanaunaunga (Lo) 6:5 38Hanaunaunga baguli sabanga, xaung mugamugangam sibuna. 39Baing luwa bing bila mugamugangama: &#8216;Bing ung murum sibuna mana riam longgalo bila ung murum sibuna maung.&#8217;#Lipu Hananiangam Oxatanoa (Wok Pris) 19:18 40Hanaunaunga luwa li bing namuxina mana hanaunaunga longgalo Moses bung xaung mana haruanga longgalo Urana lipuxing suxunguxunguamdi dibung.&#8221;</div><div class="s1">Gaxarea Garanoa Kristo?</div><div class="r">(Mak 12:35-37; Luk 20:41-44)</div><div class="p"> 41Parisidi diguguniauyu taxiya Yesu, baing xusungadi ba, 42&#8220;Ahatum baru mana Urana Lipuxing Mogunganama? Gaxarea garanoa?&#8221;</div><div class="p">Dahaxuya ba, &#8220;Xaitamoxi Debit Garanoa.&#8221;</div><div class="p"> 43Harua nadi ba, &#8220;Tauna, baruta Urana Aningonoa sina hatuminga na Debit, saing Debit uxu lipua ba &#8216;Toxoratamona&#8217;? Namua na Debit harua ba,</div><div class="b"></div><div class="q1"> 44&#8220;&#8202;&#8216;Toxoratamona harua na Toxoratamona ngayua ba:</div><div class="q2">&#8220;Urung kabukabu yayam wa rimagu rimamo rubinia,</div><div class="q1">laing ngata bixuamdi</div><div class="q2">hawa maung.&#8221;&#8202;&#8217;#Olaidi (Buk Song) 110:1</div><div class="b"></div><div class="m"> 45Nabu Debit uxu ba &#8216;Toxoratamona,&#8217; bing ina wa Debit garanoa xauna baru?&#8221; 46Dingia tela sanga ba haxuya Yesu haruanganoa te. Baing kimuya mana bungina baguba, lipu longgalo dimaxuwa mana dituba mana xusunganga tela muli.</div>
 </div>
 </div>
</div>

Yesu baladi haruanga babung teladi muli. Harua ba, “Long Xaiya Yonggaxinoa bila li. Xaitamoxi tela xauxau taunga yaungam sabanga mana garang luba. Xauxau masup, baing soxi lipuxing oxatamdi mala rangua lipuadi xusungadi ba dima ba, bu duwagidi ma. Ne hauxading!
“Baing soxi lipu oxatam teladi muli mala bu dibaladi ba, ‘Taunga xauxau masup ba. Bapalodi xaung kau dungmanangandi ditutudi masup, axadi daxauxau ba. Ama yaunga taungania.’
“Ne lipudi xusungadi ba dima ba, dahatumia te saing dila dituxu ding oxatadingdi. Tela ila umangia, tela ila mana sianging oxatanoa. Teladi dituxu uleginamdi, dilibu doa manadi saing dungdi mati. Xaitamoxi atin disala haringina, saing soxi lipuxing haungingamdi mala bu dahanggalangia lipu ungingamgadi ba xaung bu ditung yabadinga.
“Baing bala lipuxing oxatamdi ba, ‘Yaunga taunganoa xauxau ba, ne lipudi ngaxusungadi ba dima ba, ding lipu xaidi te ba dima. Ala mana daxanga soking longgalo, saing axusunga lipu gaxarea abagudi ba dima yaunga taungania.’ Binabu lipu oxatamdi dila mana daxangadi saing daxap lipu gaxarea dibagudi, lipu xaidi xaung lipu diandi, saing dima dirung numa xangingamia saing baxagi sibuna.
“Ne bungina xaitamoxi luxu ma bu bagu lipudi, bagu lipu tela sau yauyaunga yaungam te bila lipudi disau xaidap yaungamia. Xusunga ba, ‘Riagu, usau yauyaunga yaungamdi te. Uluxu ma baru?’ Ne lipua ba haruangan te.
“Baing xaitamoxi bala lipu taunga oxatanamdi ba, ‘Agoxi kindi rimandi, saing ating mala sabasabia, labiania, longga lipudi ditang haringina saing digaxu waidingdi.’ ”
Baing Yesu harua ba, “Alungu to. Urana wagi lipu xumana, ne mogu taining tainina ing ganina ba diluxu ma.”


Baing Parisidi dila digugunia bu dahau hatumingua ba dilibu Yesu harua haruanga tela sanga ba disu haruanga mana. Disoxi lipuxidingdi dinaxu manadi digabu Herot bakbaging teladi mala bu digugunia rangua. Daharua ba, “Lipu Tubatubaingam, am gaxabia ba ung lipu haruanga maxunama. Utubatuba Urana daxanganoa xaung haruanga maxuna, saing uhatum xumana mana lipudi hatumingadinga te. Ulibu hasusu mana lipu longgalo, heku lipu yayamdi kimbo lipu yaya teguamdi. Tauna, ubaxanga nam. Maring mana tagim takis mala na Sisa, kimbo doa? Uhatum baru?”
Ne Yesu xabia hatumingading diana saing harua ba, “Ang lipu manang luwadi! Baruta atuba ba atuxu murak manga? Ahatanga siang mukiring tela nanga agim mala na Sisa.” Daxap Rom siang mukiring tela ma, baing xusungadi ba, “Gaxarea babunoa li? Gaxarea yanoa wa mana?”
Dahaxuya ba, “Sisa naga.”
Baing harua nadi ba, “Tauna, axadi Sisa iniadi, asinadi na Sisa, saing axadi Urana iniadi, asinadi na Urana.”
Dilungu haruanga baguba, baing dihixi mana. Baing disauya dilauba.


Mana xaidapka baguba gugunianga Sadyusi telamdi dima rangua Yesu bu duxusunga mana axamang tela. Ding dahatiam mana lipudi bagula dimesa muli. Daharua ba, “Lipu Tubatubaingam, Moses bung Urana Xuania ba, ‘Nabu lipu tela mati garang tate, bing kixinginoa bagula yau sabanganoa tabinoa bu tang daxap garadi masok, saking sabanganoa bakbagindi bagula disup te.’ Tauna, bunging tela neng sabangang 7 duwa liwe mam. Mugamugangama yau saing mati garang tate, binabu kixinginoa yau tabinoa. Luwa xaung hiliadinga kubolu taininau, ila ila laing disup. Baing ina naga, hainga mati. Tauna, kimuya, bungina lipudi dimesa muli, bing haingga ba bagula wa gaxarea haininoa sibuna? Namua na 7 ding diyau ba.”
Yesu haxuya ba, “Hatumingaimdi didoa, namua na axabia Urana Xuanoa te xaung haringinganoa. Bungina lipudi dimesa muli, bagula lup haing diyau ding te. Bila balau bagula duwa bila Urana uleginamdi duwa long xaiya. Ne mana haruangua mana lipudi dimesa muli—ngabo ba ngaxusungang to. Atiti Urana Xuanoa harua mana axa ba, ne baruta ahatumia te? Kimu sibuna mana mugangaradi Ebraham, Aisak xaung Yekop tung dimati ba, Urana harua ba, ‘Ngawa Urana mana Ebraham, Urana mana Aisak, xaung Urana mana Yekop.’ Binabu ina Urana mana lipu matiandi te. Tegu. Ina Urana mana lipu gamatandi.”
Burangadi dilungu haruanganoa, baing dihixi mana tubatubainganoa.


Bungina Parisidi dilungu ba Yesu libu Sadyusidi dimumguti, bing digugunia bu dituba muli. Dingia tela xabia hanaunaungua xai sibuna. Baing tuba Yesu mana xusunganga baguli: “Lipu Tubatubaingam, hanaunaunga Urana sina na Moses baruamta mugamuga?”
Yesu haxuya ba, “ ‘Bing ung murum sibuna mana Toxoratamona, Urana ungia, mana gamom longgalo xaung lum longgalo xaung hatumingam longgalo.’ Hanaunaunga baguli sabanga, xaung mugamugangam sibuna. Baing luwa bing bila mugamugangama: ‘Bing ung murum sibuna mana riam longgalo bila ung murum sibuna maung.’ Hanaunaunga luwa li bing namuxina mana hanaunaunga longgalo Moses bung xaung mana haruanga longgalo Urana lipuxing suxunguxunguamdi dibung.”


Parisidi diguguniauyu taxiya Yesu, baing xusungadi ba, “Ahatum baru mana Urana Lipuxing Mogunganama? Gaxarea garanoa?”
Dahaxuya ba, “Xaitamoxi Debit Garanoa.”
Harua nadi ba, “Tauna, baruta Urana Aningonoa sina hatuminga na Debit, saing Debit uxu lipua ba ‘Toxoratamona’? Namua na Debit harua ba,

“ ‘Toxoratamona harua na Toxoratamona ngayua ba:
“Urung kabukabu yayam wa rimagu rimamo rubinia,
laing ngata bixuamdi
hawa maung.” ’

Nabu Debit uxu ba ‘Toxoratamona,’ bing ina wa Debit garanoa xauna baru?” Dingia tela sanga ba haxuya Yesu haruanganoa te. Baing kimuya mana bungina baguba, lipu longgalo dimaxuwa mana dituba mana xusunganga tela muli.

Slušaj Matyu 22