Plains Cree is one of the Algonquian languages of Canada, in the same family as Ojibwe and Mi’kmaq. It is spoken primarily in Alberta and Saskatchewan, but also some in Manitoba and Montana. Depending on the community, age of the speaker, and other factors, Plains Cree is written using either a Roman script or a syllabic script. This is a new translation into Plains Cree as it is currently spoken. The draft was translated by Rev. Dr. Stanley Cuthand, and has been reviewed by a group of Cree speakers based in Saskatoon. The portions which are complete at this time are the four Gospels, Acts, the books of Ruth and James, and a collection of Psalms. If you are interested in obtaining a printed copy of these books, please contact the Canadian Bible Society at http://www.biblescanada.com. Some of the published books are printed with syllabic script and Roman script on facing pages, and also come with an audio CD. Plains Cree Ruth © 2004 Canadian Bible Society Plains Cree Psalms (collection) © 2013 Canadian Bible Society Plains Cree James © 2014 Canadian Bible Society Plains Cree Gospels and Acts © 2018 Canadian Bible Society The text of the Bible in Plains Cree that appears in this electronic format or website is for personal use only. Up to five hundred (500) verses of the Bible text in any form (written, visual, electronic or audio) may be quoted without permission. The quoted verses may not be more than 50% of a complete book of the Bible, or more than 25% of the total text of the work in which they are quoted. Prior written permission must be obtained for any other use of the text. Copyright acknowledgement must in all cases appear on the title or copyright page. For more information on copyright conditions or to apply, visit http://www.biblesociety.ca/copyright.

Plains Cree Ruth © 2004 Canadian Bible Society Plains Cree Psalms (collection) © 2013 Canadian Bible Society Plains Cree James © 2014 Canadian Bible Society Plains Cree Gospels and Acts © 2018 Canadian Bible Society

Contemporary Plains Cree

kī‑ispayiw ē‑wī-otihcipayik wīhkohkēwin ēkāya kā‑ohpihkasot pahkwēsikan kā‑mowiht, miyāskākēwi-wīhkohkēwin kā‑isiyihkātēk. kihci-ayamihēwiyiniwak mīna aniki kā‑kiskinohamākēcik manitow owiyasiwēwin kī‑natonamwak tānisi ta‑kī-isi-nipahācik Jesusa, ayisk kī‑kostēwak ayisiyiniwa.


maci-manitow ēkwa kī‑pīhciyawēskawēw Judasa, Iscariot kā‑itimiht, wīsta ē‑wīcēwāyit anihi nīsosāp kiskinohamawākana. kī‑nitawi-wāpamēw ē‑māmiskōtamawāt kihci-ayamihēwiyiniwa ēkwa simākanisiwikimāwa kā‑kanawēyihtahkik kihci-ayamihēwikamik tānisi ta‑kī-isi-misihāt Jesusa. kī‑miywēyihtamiyiwa ēkwa kī‑asotamāk kita-tipahamākot sōniyāwa ohci. ēkosi kī‑tāpwēhtawēw, ēkwa kī‑nā-natonam kita-tawipayiyik ta‑misihāt ita ēkāya ē‑ayāyit ayisiyiniwa.


kī‑otihcipayiw ēkwa kita-wīhkohtohk ēkāya kā‑ohpihkasot pahkwēsikan kā‑mowiht, ispīhk māna kā‑nipahihcik māyacihkosak kita-mowihcik miyāskākēwi-wīhkohtowinihk. Jesus kī‑sipwētisahwēw Petera ēkwa Johna ē‑itāt, “nitawi-kwayācihtāk ita kita-mīciyahk miyāskākēwi-wīhkohkēwin.”
“tānitē māka ka‑kwayācihtāyāhk?” itik.
ōmisi itēw, “ati-itohtēyēko kihci-ōtēnāhk, pēyak nāpēw ē‑pimowatāt nipiy tipahōpānihk kika-nakiskākowāw, ēwako kika-pimitisahwāwāw wāskāhikanihk ati-pīhtikwēci, ēkwa ana kā‑tipēyihtahk ōmisi kika-itāwāw, ‘ōmisi kitik okiskinohamākēw: tānita ōma kā‑wī-mīciyāhk miyāskākēwi-wīhkohkēwin niya mīna nikiskinohamawākanak?’ kika-wāpahtihikowāw ispimihk ē‑misi-tawāyik, kahkiyaw kīkway ē‑kwayātastēk, ēkwa ēkota kika-wiyascikānāwāw.”
kī‑itohtēwak ēkwa kī‑wāpahtamwak kahkiyaw kīkway mwēhci anima kā‑itikocik Jesusa. ēkosi kī‑wiyascikēwak kita-wīhkohtocik.


ē‑otihcipayiniyik kita-mācihtācik, Jesus kī‑apiw mīcisowināhtikohk asici anihi itisahwākana. ōmisi itēw, “mistahi ōma ē‑kī-nōhtē-wīci-mīcisōmitakok ōma miyāskākēwi-wīhkohkēwin, pāmwayēs kakwātakihtāyān. kiwīhtamātināwāw, namōya kīhtwām nika-mīcin ōma miyāskākēwi-wīhkohkēwin isko tipipayiki ēkwa nisitohtākwāwi kisē-manitow otipēyihcikēwinihk.”
ēkwa otinam minihkwākan, ē‑kī-nanāskomāt kisē-manitowa, itwēw, “otinamok ōma, ēkwa mātinamātok. kiwīhtamātināwāw, anohc ohci namōya nika-minihkwān ōma sōmināpoy iyikohk otipēyihcikēwin kisē-manitow otihcipayiki.” pahkwēsikana ēkwa otinēw, nanāskomēw kisē-manitowa, ēkwa ē‑kī-pahkwēnāt miyēw ē‑itāt, “ēwako ōma niyaw kā‑mēkihk kiyawāw ohci. ēkosi tōtamok kita-kiskisitotawiyēk.” ē‑kī-kīsi-mīcisocik, pēyakwan isi kī‑miyēw sōmināpoy minihkwākanihk, ē‑itāt, “ēwako ōma kisē-manitow kā‑mēkit otōski-wīci-isīhcikēhtowin nimihkohk, ē‑sīkinikātēk kiyawāw ohci.
“māka itāpik! ana kā‑wī-misihit ōta ayāw mīcisowināhtikohk, ē‑wīci-mīcisōmit. wiya ayisiyinīwikosisān piko kita-nipit, ē‑kīsēyihtahk kisē-manitow kita-ispayiyik. māka mistahi kita-kakwātakihtāw ana nāpēw kā‑misimāt.”
ēkwa kī‑māci-kakwēcimitowak, “awīna ana ēkosi kā‑wī-tōtahk ōma kā‑ihtasiyahk?”

kiskinohamawākanak kī‑ati-kīhkāhtowak awīna ē‑māwaci-nīkānēyihtākosit ōma kā‑ihtasicik. ōmisi itēw Jesus, “kihci-okimāwak pītosiyinīnāhk ohci mitoni tipēyimēwak otiyinīmiwāwa. ōki onīkānīwak ‘onātamākēwak’ isiyihkātisowak. māka namōya ēkosi kiyawāw kika-tōtēnāwāw. ana kā‑māwaci-nīkānēyihtākosit kiyawāw kā‑ihtasiyēk, ēwako piko kita-tapahtēyimisot tāpiskōc osīmimāw, ēkwa onīkānīw, ēwako piko kita-atoskawāt otiyinīma tāpiskōc atoskēyākan. awīna kā‑māwaci-nīkānēyihtākosit, ana cī kā‑apit kita-mīcisot, ahpō cī ana kā‑atoskēyākaniwit? namōya cī ana kā‑apit mīcisowināhtikohk? māka kiyawāw kā‑ihtasiyēk, niya ōma opamihtāsow.
“kiyawāw kikī-pē-wīcēwināwāw āta ē‑āyimihikawiyān. ēkosi niya kimiyitināwāw tipēyihcikēwin, tāpiskōc nohtāwiy kā‑kī-miyit tipēyihcikēwin. ēkosi kika-mīcisonāwāw ēkwa kika-minihkwānāwāw nimīcisowināhtikohk nitipēyihcikēwinihk, ēkwa kika-apināwāw okimāw-apiwinihk kita-wiyasiwātāyēkok aniki nīsosāp kā‑itahtoskānēsicik Israelīwiyiniwak.


“Simon, Simon, natohtawin! macāyis pakitināw kita-kocihikoyēk kahkiyaw kiyawāw, tāpiskōc okistikēwiyiniw kā‑sīkopwātināt okistikāna. māka kikī-ayamihēstamātin, Simon, kitāpwēhtamowin ēkāya kita-wanihtāyan. ēkwa ispīhk kāwi nātāmototawiyani, wīcihik ta‑maskawātisicik kiciwāmak.”
ōmisi itēw Peter, “kā‑tipēyihcikēyan, nitēpēyimon kita-wīcētān kipahotowikamikohk, ēkwa nipahikawiyani, nīsta kita-nipahikawiyān.”
“kiwīhtamātin, Peter, anohc tipiskāki, nistwāw kika-ānwēhtēn ē‑kiskēyimiyan pāmwayēs kitoci nāpē-pāhpahāhkwān.”

ēkwa Jesus itēw okiskinohamawākana, “kikī-nōhtēpayināwāw cī kīkway ispī kā‑sipwētisahotakok ēkāya kita-tahkonamēk sōniyāwacis, ahpō maskimot ahpō maskisina?”
“namōya kīkway,” itēwak. Jesus itēw, “māka ēkwa awiyak ayāci sōniyāwacis ahpō maskimot, piko kita-tahkonahk; ēkwa awiyak ēkāya ayāci isawēsk piko kita-atāwākēt oskotākay kita-ohci-tipahahk. kiwīhtamātināwāw, piko kita-ispayik kā‑itastēk kihci-masinahikanihk tānisi kita-ispayihikoyān. ōmisi itastēw, ‘kī‑kikakimāw omāyinikēwa.’ kā‑kī-itasinahikātēk, tāpwē ispayin.”
okiskinohamawākana ōmisi itik, “hāw, kā‑tipēyihcikēyan, ōki nīso isawēskwak!”
“ēkosi ēsa,” itēw.


kī‑sipwēhtēw ēkwa Jesus, ēkwa māna kā‑kī-tōtahk, itohtēw Olives ispatināhk, ēkwa pimitisahok okiskinohamawākana. ēkotē ē‑takohtēcik, “ayamihāk ēkāya kita-kocihikawiyēk,” itēw.
ēkwa namōya wāhyaw ohpimē kī‑itohtēw. ēkotē kī‑ocihcihkwanapiw ē‑ayamihāt, “nohtā, kīspin kitēyihtēn, īkatēnamawin ōma minihkwākan kakwātakihtāwin ohci. namōya anima niya kā‑nitawēyihtamān, māka kiya ē‑nitawēyihtaman kita-wī-tōcikātēw.” kētahtawē ēkota nōkosiw okīsikow ē‑sōhkēyihtamōhāt. mistahi ē‑kakwātakēyihtahk āhci piko kī‑āhkami-ayamihāw; otapwēsiwin tāpiskōc ē‑pahkikawiniyik mihko mohcihk.
ē‑kīsi-ayamihāt, kī‑pasikōw ēkwa kī‑nātēw okiskinohamawākana. ēkwa osām ē‑nēstohikoyit kakwātakēyimowin, miskawēw ē‑nipāyit, ēkwa itēw, “tānēhki ōma kā‑nipāyēk? waniskāk ēkwa natotamāhk kisē-manitow ēkāya kita-kocihikawiyēk.”


ē‑mēkwā-pīkiskwēt Jesus, mihcēt ayisiyiniwa takohtēyiwa. Judas wiya pē‑nīkānohtēw, pēyak anihi nīsosāp kiskinohamawākana. kī‑pē-nātēw Jesusa ēkwa kī‑ocēmēw. “Judas, kitōcēmin cī kita-ohci-wayēsi-misihiyan, niya ayisiyinīwikosisān?” itēw Jesus.
ispīhk aniki kā‑wīcēwācik Jesusa ē‑kiskēyihtahkik tānisi ē‑wī-ispayihikoyit, ōmisi itēwak, “kā‑tipēyihcikēyan, isawēskwa cī kita-kī-nōtinikākēyāhk?” ēkwa pēyak okiskinohamawākan kī‑pakamahwēw māwaci-kihci-ayamihēwiyiniwa otatoskēyākaniyiwa, ē‑kīskatahamwāt wihtawakāyiw okihciniskiyihk isi.
māka Jesus itēw, “ēkāwiya!” kī‑sāminēw wihtawakāhk, ēkosi miywāyāyiwa.
kitotēw ēkwa kihci-ayamihēwiyiniwa ēkwa simākanisiwikimāwa kā‑kanawēyihtahkik kihci-ayamihēwikamik ēkwa onīkānīwa kā‑pē-otinikot. ōmisi itēw, “omāyahkamikisiw cī ōma ē‑itēyimiyēk, kā‑pē-tahkonamēk isawēskwa ēkwa pakamākana kita-ohci-otiniyēk? tahto kīsikāw kikī-wīcēwitināwāw kihci-ayamihēwikamikohk, māka namwāc kitohci-kakwē-otinināwāw. māka ōma ē‑tawipayik kita-otiniyēk ē‑mēkwā-tipiskāk, ēkota ayisk kā‑sōhkātisit maci-manitow.”


kī‑otinēwak Jesusa, ēkwa itohtahēwak owāskāhikaniyihk māwaci-kihci-ayamihēwiyiniwa, ēkwa Peter kī‑pimitisahwēw wāhyaw ohci. ēkotē ē‑tawāk wayawītimihk wāskāhikanihk kī‑kotawēwak, ēkwa Peter kī‑nitawi-apiw ē‑awasot ita ē‑wāsakāmēpihk. ēkwa pēyak atoskēyākaniskwēwa kā‑pisiskāpamikot, ēkotē ē‑apit, ē‑wāsaskotēskākot kotawān. kwayask kitāpamik ēkwa itwēyiwa, “ēwako awa nāpēw wīsta Jesusa kā‑kī-wīcēwāt!”
māka Peter ānwēhtam. “iskwēw,” itwēw, “namōya ahpō nikiskēyimāw!”
kī‑ay-ihkin mwēscasēs pēyak nāpēwa kā‑wāpamikot ēkwa itik, “kīsta ōma Jesus owīcēwākana!”
Peter māka itwēw, “nāpēw, namōya wiya niya!”
nānitaw pēyak tipahikan ē‑kī-ispayik, kotak nāpēw ē‑kēhcināhot itwēw, “Galileewiyiniw awa nāpēw, ēkosi kēhcināc kī‑wīcēwēw Jesusa!”
māka Peter itēw, “nāpēw, namōya nikiskēyihtēn kīkway ōma kā‑itaman.”
ē‑mēkwā-pīkiskwēt, sēmāk nāpē-pāhpahāhkwān kā‑kitot. ēkwa kā‑tipēyihcikēt ē‑āpasāpit kitāpamēw Petera. ēkota kā‑kiskisit kā‑kī-itikot kā‑tipēyihcikēyit, “pāmwayēs nāpē-pāhpahāhkwān kitoci anohc tipiskāki, nistwāw kika-ānwēhtēn ē‑kiskēyimiyan.” ēkosi Peter kī‑sipwēhtēw ē‑ati-misi-mātot.


aniki okanawēyihcikēwak kī‑mētawākāhpihēwak Jesusa ēkwa kī‑pakamahwēwak. kī‑ākōcāpahpitēwak ē‑itācik, “kiskiwēhikē! awīna kā‑pakamahosk?” ēkwa nanātohk isi pa‑pīwimēwak.


ispī ē‑wāpahk kī‑māmawopiwak kā‑nīkānēyihtākosicik ēkwa kihci-ayamihēwiyiniwak ēkwa aniki kā‑kiskinohamākēcik wiyasiwēwin. ēkota Jesus pē‑itohtahāw itē kā‑māmawopicik. ōmisi itēwak, “wīhtamawinān, kiya cī nawasōnākan?”
Jesus ōmisi itēw, “kīspin ta‑wīhtamātakok niya ēwako, namōya kika-tāpwēhtēnāwāw, ēkwa kīspin kita-kakwēcimitakok kīkway namōya kika-wīhtamawināwāw. māka anohc ohci niya, ayisiyinīwikosisān, nika-apin okihciniskihk kā‑māwaci-sōhkātisit kisē-manitow.”
kahkiyaw itēwak, “kiya ēsa ōma manitowikosisān?”
“kititwānāwāw māka niya ēwako,” itēw Jesus.
ōmisi itwēwak, “namōya katāc kotak awiyak kita-wīhtamākoyahk! kipēhtawānaw wiya ēkosi ē‑itwēt.”

Slušajte Luke 22