Bimoba - 2001 Edition (NT)

<div class="version vid1838 iso6393bim" data-vid="1838" data-iso6393="bim">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s">Yisa poorpoweiteeb piik nan bannlee labaar</div><div class="r">(Mak 3.13-19; Luk 6.12-16)</div><div class="p"> 1Ki Yisa din tan yiin u poorpoweiteeb piik nan bannlee na, ki tan chabib yikoo a bii nyint narinbiit niib ni; &#331;aan ki te ki yiarboorii boorii damm kur-n paak, nan binba ki yiarbiit diab na kura. 2U poorpoweiteeb piik nan bannlee ma&#331; sanae na: Simon, wunba sann bia din yi Piita na; nan u waar&#596; Andru; nan Jems nan u waar&#596; J&#596;&#596;nn, binba din tee Sebedee waas na; 3nan Filip nan Batolomiu; nan Tomas, nan Matiu wunba din tee lampogaart&#596;&#596; na; nan Jems wunba din tee Alfeus bik na, nan Tadeus; 4nan Simon wunba din loon &#331;amm Juu teeb-ii yen bi m&#596;&#331; na; nan Judas Iskariot wunba din tan nyii Yisa poor na.</div><div class="s">Yisa nba din tun u poorpoweiteeb ma&#331; bia&#331;inba</div><div class="r">(Mak 6.7-13; Luk 9.1-6)</div><div class="p"> 5Ki Yisa din tun u poorpoweiteeb piik nan bannlee ma&#331;, &#331;aan kpaamm a bii mi ki bin saan binba ki tee &#331;amm Israel teeb na boor ni, a bii mi ki bin k&#596;&#596; Samaria teeb doi ni, 6a &#331;aan bin saan Israel teeb nba tee kaman nan pei nba bot na boor ni kuuk&#596;&#596;e; 7&#331;aan yetib a &#8220;Ya saa na, yii m&#596;&#596;ntir Yennu naan bar&#331;anii, kii yeen a &#8216;Yennu naan dinu per na,&#8217; 8ki te ki baatib-n paak, kii fiint kpeemm, ki bia te ki gbaata paak, kii bia kii nyint narinbiit niib ni. I gaar yanne, i mun-ii bia kii teen man yann. 9I daa jikit likirii. I mi man ki yin jii kobu gbaa ki teen i likib&#596;&#596;rii ni. 10I mi man ki yin jii paka ki saan i s&#596;nu ma&#331;; amii liata &#331;annlelee, amii ki pir taasaati, amii kii dia patdiakai; kimaan li &#331;an ki toontunn&#596;-n di u toona ni.</div><div class="p"> 11&#8220;&#330;aan digbangbe&#331;&#331;a amii digbanbis nbae ni ki i sa k&#596;&#596;, yin boi ki la popeendaan&#596; &#331;aaka, ki k&#596;&#596; kii be le&#331; nan i fiiru daar. 12Ki yoo nba ki i yaa i k&#596;&#596; &#331;aak nba ni, yin foont &#331;aak ma&#331; ni teeb fanu. 13&#330;aak ma&#331; teeb-i tee niburchimm, i parmaasir-n biar &#331;aak ma&#331; teeb paak; &#331;aan niburchimm-i kaa le&#331;i, i parmaasir ma&#331; bia sa jen i paak na. 14Wunba sa y&#234;t i gaaru ki bia y&#234;t wun gbat i bar&#331;anii m&#596;&#596;ntii ma&#331;i, yoo nba ki i nyii &#331;aak ma&#331; ni amii doo ma&#331; ni, yin pit pit i taapant ni tant ki lu bi doo ni. 15Barm&#596;niie ki n beeri na, daar nba ki Yennu tan sa bu niib buut na, doo ma&#331; niib tubdatu tan sa gar Sodom teeb nan Gomora teeb yara.</div><div class="s">Fara baaru labaar</div><div class="r">(Mak 13.9-13; Luk 21.12-17)</div><div class="p"> 16&#8220;Gotir man, n tuumi ki i sii tee kaman nan pei nba be kinkata sinsuuk ni. Yii sub man kaman nan walabirii na, &#331;aan kii be soonna kaman nan &#331;mana na. 17I mi man niib po, kimaan bi tan sa soori saan nani barbuteeb boor ni, ki bia booi bi jiantu diit ni. 18Bi tan sa saan nani ti&#331; yudamm nan kpanbara boor ni, ki bin bu i buut, kimaan ya waan na paak; &#331;aan i tan sa bet &#331;amm nan binba ki tee Juu teeb na n bar&#331;anii. 19&#330;aan bi-i ta&#331;&#331;i saan nani buut damm boor, i daa te ki li daamiini nan ya sa pak jiin bia&#331;inba, kimaan li yoo nee ki Yennu Seyee&#331; sa turi m&#596;bona nba ki i sa pak ki jiinib, 20kimaan li ki tee yimm kaa tan sa paki, &#331;aan i Baa Yennu Seyee&#331;e tan sii be i ni ki piak.</div><div class="p"> 21&#8220;Li yoo ma&#331;, nir&#596; tuu tan sa fikis u m&#596;&#331; m&#596;&#331; ninja ki bin kpiu; ki baanba mun tan sa fikis bi waas ki bin kpib; ki waas mun bia tan sa k&#596;n nan bi damm ki chabib nan kuun. 22Ki s&#596;&#596; kur tan sii nami kimaan ya waan na paak; &#331;aan wunba tan gubin nan fara yoo na joontu tan sa la tinnuwa. 23Bi-i ta&#331;&#331;i mukisi digban-yenn ni, yin nyi le&#331; ki l&#596;&#596;r digbanleer ni; &#331;aan barm&#596;niie ki n beeri na, i daa kan fit ki lin ki gbenn Juu teeb digbana kuri, ki min nisaarik Bik po&#331; jenna.</div><div class="p"> 24&#8220;T&#596;n, tumiit&#596;&#596; ki gar u wannt&#596;&#596;; daabir mun bia ki gar u yomdaan&#596;. 25Li &#331;an ki tumiit&#596;&#596; binbe&#331;-ii tee kaman nan u wannt&#596;&#596; binbe&#331; na; ki daabir binbe&#331;-ii munii tee kaman nan u yomdaan&#596; binbe&#331; na. Bi-i ta&#331;&#331;i pur &#331;aadaan&#596; narinbiit bat Beelsebuli, nlee ki bi ji sii yi u &#331;aateebi?&#8221;</div><div class="s">Ti sa tin &#331;mee ja&#331;maanii?</div><div class="r">(Luk 12.2-7)</div><div class="p"> 26&#8220;I daa tiimm ja&#331;maanii, kimaan barsai kaa ki be woonin ni ki tan kan woot ki nyi paanu ni, amii ki b&#596;r ki tan kan nyi paanu ni. 27Linba ki n beeri bunb&#596;nn ni na, &#331;aan nyintir man yeenin ni; ki linba ki n l&#596;kinii na, nyintir man paanu ni. 28I daa tiin binba sa fit kpi i gbanant, &#331;aan kan fit ki kpi i sei; &#331;aan i tiin man Yennu wunba sa fit ki biir i gbanant nan i sei kura muu ni na. 29Bi k&#596;i jinjera bannlee jenjen kuuk&#596;&#596;e, &#331;aan li-i kii tee ti Baa Yennu loommi, bi yen&#596;k&#596;&#596; kan baa ti&#331; ni. 30Yimm &#331;anin, Yennu mi i yut kann. 31Li paak, i daa tiin ja&#331;maanii, kimaan i m&#596;k ny&#596;&#596;t ki gar jinjera bonchiann.</div><div class="s">I nyint a m&#596;&#331; paanu ni nan a tee Yisaweir&#596;e</div><div class="r">(Luk 12.8-9)</div><div class="p"> 32&#8220;Wunba nyint u m&#596;&#331; paanu ni niib boor ni nan u tee n weir&#596;e, nnee ki n mun tan sa nyinn&#596; paanu ni n Baa Yennu nba be sanpaapo na boor ni. 33Wunba yaa a u ki tee n weir&#596; niib ni, nnee ki n mun tan sa yet a n ki miu n Baa nba be sanpaapo na boor ni.</div><div class="s">B&#596;kitu labaar</div><div class="r">(Luk 12.51-53; 14.26-27)</div><div class="p"> 34&#8220;I daa dukii nan n baar nan parmaasir tingbou&#331; na teeb paaki; &#331;aan n ki baar nan parmaasir kaa, &#331;aan n baar nan b&#596;kitue. 35N baar ma n tan tukin bonjabike nan u baa, bonpobik nan u naa, poo nan u siponaa. 36Nir&#596; m&#596;&#331; m&#596;&#331; &#331;aateebe tan sii tee u datai.</div><div class="p"> 37&#8220;Wunba loon u naa amii u baa ki garin, u ki &#331;an nan wun teen n poorpoweit&#596;&#596;; wunba mun bia loon u bija amii u bipoo ki garin, u ki &#331;an nan wun teen n poorpoweit&#596;&#596;. 38Wunba ki jii u kuun dapunpunn ki buk ki waami, u ki &#331;an nan wun teen n poorpoweit&#596;&#596;. 39Wunba yaa &#331;&#596;&#596; dekii u manfoor tan sa k&#596;&#331;&#331;ira, &#331;aan wunba likin u saa&#331;ma&#331; n paak, u tan sa la u manfoora.</div><div class="s">Binba tan sa la paauk labaar</div><div class="r">(Mak 9.41)</div><div class="p"> 40&#8220;Wunba gaari saau&#331;, u gaar mine saau&#331;; ki wunba mun bia gaar min saau&#331;, u gaar Yennu wunba tumin nee mun biak. 41Wunba gaar Yennu s&#596;kinii saau&#331; nan wa tee Yennu s&#596;kinii na paaki, u tan sa gaar Yennu s&#596;kinii ny&#596;&#596;ta; wunba gaar popeendaan&#596; saau&#331; nan wa tee popeendaan&#596; na paaki, u tan sa gaar popeendaan&#596; ny&#596;&#596;ta. 42Wunba finn nyumaasin waaminna kuuk&#596;&#596; ki tur n poorpoweit&#596;&#596; yen&#596; nba p&#596; i ni gbaa, nan wa tee n poorpoweit&#596;&#596; na paak, barm&#596;niie ki n beeri na, u tan kan mi k&#596;&#331; li paauko.&#8221;</div>
 </div>
 </div>
</div>

Ki Yisa din tan yiin u poorpoweiteeb piik nan bannlee na, ki tan chabib yikoo a bii nyint narinbiit niib ni; ŋaan ki te ki yiarboorii boorii damm kur-n paak, nan binba ki yiarbiit diab na kura. U poorpoweiteeb piik nan bannlee maŋ sanae na: Simon, wunba sann bia din yi Piita na; nan u waarɔ Andru; nan Jems nan u waarɔ Jɔɔnn, binba din tee Sebedee waas na; nan Filip nan Batolomiu; nan Tomas, nan Matiu wunba din tee lampogaartɔɔ na; nan Jems wunba din tee Alfeus bik na, nan Tadeus; nan Simon wunba din loon ŋamm Juu teeb-ii yen bi mɔŋ na; nan Judas Iskariot wunba din tan nyii Yisa poor na.


Ki Yisa din tun u poorpoweiteeb piik nan bannlee maŋ, ŋaan kpaamm a bii mi ki bin saan binba ki tee ŋamm Israel teeb na boor ni, a bii mi ki bin kɔɔ Samaria teeb doi ni, a ŋaan bin saan Israel teeb nba tee kaman nan pei nba bot na boor ni kuukɔɔe; ŋaan yetib a “Ya saa na, yii mɔɔntir Yennu naan barŋanii, kii yeen a ‘Yennu naan dinu per na,’ ki te ki baatib-n paak, kii fiint kpeemm, ki bia te ki gbaata paak, kii bia kii nyint narinbiit niib ni. I gaar yanne, i mun-ii bia kii teen man yann. I daa jikit likirii. I mi man ki yin jii kobu gbaa ki teen i likibɔɔrii ni. I mi man ki yin jii paka ki saan i sɔnu maŋ; amii liata ŋannlelee, amii ki pir taasaati, amii kii dia patdiakai; kimaan li ŋan ki toontunnɔ-n di u toona ni.
“Ŋaan digbangbeŋŋa amii digbanbis nbae ni ki i sa kɔɔ, yin boi ki la popeendaanɔ ŋaaka, ki kɔɔ kii be leŋ nan i fiiru daar. Ki yoo nba ki i yaa i kɔɔ ŋaak nba ni, yin foont ŋaak maŋ ni teeb fanu. Ŋaak maŋ teeb-i tee niburchimm, i parmaasir-n biar ŋaak maŋ teeb paak; ŋaan niburchimm-i kaa leŋi, i parmaasir maŋ bia sa jen i paak na. Wunba sa yêt i gaaru ki bia yêt wun gbat i barŋanii mɔɔntii maŋi, yoo nba ki i nyii ŋaak maŋ ni amii doo maŋ ni, yin pit pit i taapant ni tant ki lu bi doo ni. Barmɔniie ki n beeri na, daar nba ki Yennu tan sa bu niib buut na, doo maŋ niib tubdatu tan sa gar Sodom teeb nan Gomora teeb yara.


“Gotir man, n tuumi ki i sii tee kaman nan pei nba be kinkata sinsuuk ni. Yii sub man kaman nan walabirii na, ŋaan kii be soonna kaman nan ŋmana na. I mi man niib po, kimaan bi tan sa soori saan nani barbuteeb boor ni, ki bia booi bi jiantu diit ni. Bi tan sa saan nani tiŋ yudamm nan kpanbara boor ni, ki bin bu i buut, kimaan ya waan na paak; ŋaan i tan sa bet ŋamm nan binba ki tee Juu teeb na n barŋanii. Ŋaan bi-i taŋŋi saan nani buut damm boor, i daa te ki li daamiini nan ya sa pak jiin biaŋinba, kimaan li yoo nee ki Yennu Seyeeŋ sa turi mɔbona nba ki i sa pak ki jiinib, kimaan li ki tee yimm kaa tan sa paki, ŋaan i Baa Yennu Seyeeŋe tan sii be i ni ki piak.
“Li yoo maŋ, nirɔ tuu tan sa fikis u mɔŋ mɔŋ ninja ki bin kpiu; ki baanba mun tan sa fikis bi waas ki bin kpib; ki waas mun bia tan sa kɔn nan bi damm ki chabib nan kuun. Ki sɔɔ kur tan sii nami kimaan ya waan na paak; ŋaan wunba tan gubin nan fara yoo na joontu tan sa la tinnuwa. Bi-i taŋŋi mukisi digban-yenn ni, yin nyi leŋ ki lɔɔr digbanleer ni; ŋaan barmɔniie ki n beeri na, i daa kan fit ki lin ki gbenn Juu teeb digbana kuri, ki min nisaarik Bik poŋ jenna.
“Tɔn, tumiitɔɔ ki gar u wanntɔɔ; daabir mun bia ki gar u yomdaanɔ. Li ŋan ki tumiitɔɔ binbeŋ-ii tee kaman nan u wanntɔɔ binbeŋ na; ki daabir binbeŋ-ii munii tee kaman nan u yomdaanɔ binbeŋ na. Bi-i taŋŋi pur ŋaadaanɔ narinbiit bat Beelsebuli, nlee ki bi ji sii yi u ŋaateebi?”


“I daa tiimm jaŋmaanii, kimaan barsai kaa ki be woonin ni ki tan kan woot ki nyi paanu ni, amii ki bɔr ki tan kan nyi paanu ni. Linba ki n beeri bunbɔnn ni na, ŋaan nyintir man yeenin ni; ki linba ki n lɔkinii na, nyintir man paanu ni. I daa tiin binba sa fit kpi i gbanant, ŋaan kan fit ki kpi i sei; ŋaan i tiin man Yennu wunba sa fit ki biir i gbanant nan i sei kura muu ni na. Bi kɔi jinjera bannlee jenjen kuukɔɔe, ŋaan li-i kii tee ti Baa Yennu loommi, bi yenɔkɔɔ kan baa tiŋ ni. Yimm ŋanin, Yennu mi i yut kann. Li paak, i daa tiin jaŋmaanii, kimaan i mɔk nyɔɔt ki gar jinjera bonchiann.


“Wunba nyint u mɔŋ paanu ni niib boor ni nan u tee n weirɔe, nnee ki n mun tan sa nyinnɔ paanu ni n Baa Yennu nba be sanpaapo na boor ni. Wunba yaa a u ki tee n weirɔ niib ni, nnee ki n mun tan sa yet a n ki miu n Baa nba be sanpaapo na boor ni.


“I daa dukii nan n baar nan parmaasir tingbouŋ na teeb paaki; ŋaan n ki baar nan parmaasir kaa, ŋaan n baar nan bɔkitue. N baar ma n tan tukin bonjabike nan u baa, bonpobik nan u naa, poo nan u siponaa. Nirɔ mɔŋ mɔŋ ŋaateebe tan sii tee u datai.
“Wunba loon u naa amii u baa ki garin, u ki ŋan nan wun teen n poorpoweitɔɔ; wunba mun bia loon u bija amii u bipoo ki garin, u ki ŋan nan wun teen n poorpoweitɔɔ. Wunba ki jii u kuun dapunpunn ki buk ki waami, u ki ŋan nan wun teen n poorpoweitɔɔ. Wunba yaa ŋɔɔ dekii u manfoor tan sa kɔŋŋira, ŋaan wunba likin u saaŋmaŋ n paak, u tan sa la u manfoora.


“Wunba gaari saauŋ, u gaar mine saauŋ; ki wunba mun bia gaar min saauŋ, u gaar Yennu wunba tumin nee mun biak. Wunba gaar Yennu sɔkinii saauŋ nan wa tee Yennu sɔkinii na paaki, u tan sa gaar Yennu sɔkinii nyɔɔta; wunba gaar popeendaanɔ saauŋ nan wa tee popeendaanɔ na paaki, u tan sa gaar popeendaanɔ nyɔɔta. Wunba finn nyumaasin waaminna kuukɔɔ ki tur n poorpoweitɔɔ yenɔ nba pɔ i ni gbaa, nan wa tee n poorpoweitɔɔ na paak, barmɔniie ki n beeri na, u tan kan mi kɔŋ li paauko.”

Slušajte Matiu 10