Kankanaey New Testament Non-Drama ℗ 2015 Hosanna

Kankanaey - 2015 Edition (NT) Non-Drama

Kankanaey - 2000 WBT Edition (NT) Drama

<div class="version vid1329 iso6393kne" data-vid="1329" data-iso6393="kne">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s">Maiarig Si Jesus Sin Siged Ay Mangay-ayowan Si Karnero</div><div class="p"> 1Pag nan kanan ay nangiarig, &#8220;Tet-ewa adi nan ibagak en dakayo. Mo waday kodalan di kakarnero yan adi senggep di ipogaw sin kosto ay segpan mo adi et komalab sin alad, mangakew ya tollisan di. 2Tan din mangay-ayowan sin kakarnero et senggep sin kosto ay segpan. 3Sisya di pasgepen di gowardiya, et ayagana din kakarnero ay oka na. Mo ingad-ana pay si daida, maimatonan da din kali na et omonod da en sisya mo bomala da. 4Mo bomala da pay am-in, ipango nas daida, et sisya di onoden da, tan ammo da din kali na. 5Ngem adi da onoden di mangili mo adi et itagtagan da, tan adi da maimatonan din kali na.&#8221; 6Say dinad-at Jesus di en daida ay nangiarig, ngem adi da inawatan din laydena ay kalien.</div><div class="p"> 7Siya di, kasin kanan Jesus ay nangiarig, &#8220;Tet-ewa adi nan ibagak en dakayo ay sak-en di segpan di karnero. 8Din am-in ay nangon-ona mo sak-en ay nangibagabagas etek et daida di mangakew ya tollisan. Ngem laton ay adi pinatpati di karnero. 9Sak-en di segpan. Mo sinoy senggep ay mandan en sak-en et maisalakan. Maiarig si karnero ay senggep dowan bomala ay en man-alab.</div><div class="p"> 10&#8220;Di panggep di mangakew et en mangakew ono gandat ay manpese ono mansida si karnero et anggoy. Sak-en pay et inmaliak ta magon-od koman di ipogaw di sigesiged ay biyag ay magay kolang na.&#8221;</div><div class="p"> 11Kanan aben Jesus ay nangiarig, &#8220;Sak-en di siged ay mangay-ayowan si kakarnero ya mangisalakan en daida, olay mo say kateyak. 12Mo din owat nalagboan ay manpaspastol si karnero, mo tamangena di maangat ay animal ay omali, taynana din karnero et tomagtag, tan baken sisya di kosto ay mangay-ayowan ay akin oka sin karnero. Mo bomala pay din maangat ay animal, katenan odom dowanan pansisianen odom. 13Et siya nay gapo na ay tomagtag din nalagboan ay sana, tan owat nalagboan et adi na banolen din kakarnero. 14-15Ngem sak-en pay di siged ay mangay-ayowan. Tan din pan-iinammoan mi sin karnerok et iso na sin pan-inammoan mi en Amak. Sak-en abe di matey ta way iyat di karnerok ay matago. 16Wada abey kakarnerok ay adi naitapi sin kodalan ay nay.#10:16 Din karnero ay inbagbagan Jesus isna et din kaipoipogaw ay baken Judio ay makwani en Gentil. Siyatak aben ayagan si daida ta omali da et dengngen dan kalik. Asi da manbalin si esa ay sinkabeweg et es-esa di mangay-ayowan en daida.</div><div class="p"> 17&#8220;Si Amak et laylaydenas sak-en, tan idawat kon biyag ko ta asiak kasin matago. 18Maga met di mamse en sak-en mo baken sak-en di akin nemnem, tan waday kalebbengak ay mangidawat sin biyag ko ya wada abey kalebbengak ay taolien. Tan siya na di inbilin Diyos en sak-en.&#8221;</div><div class="p"> 19Pag kasin mankinontra din Judio begew din kanan Jesus ay sana. 20Tan ad-ado da ay nangwani, &#8220;Binogen di dimonyos sisya! Apay ngarud ay layden yo pay laeng ay mannge?&#8221;</div><div class="p"> 21Dowan kanan di odom, &#8220;Ay siya mo say iyat di nadimonyo sa ay mankali? Ay mabalin aya ay kaanen di dimonyo di godab di ipogaw?&#8221;</div><div class="s">Din Nanigaan Di Judio en Jesus</div><div class="p"> 22Sin pinag-aandap, wada di fiesta ay makwani en Kaidatonan di Timplo ed Jerusalem. Idi dinmateng din fiesta ay doy, 23wadas Jesus ay mandaddad-an sin lak-am di Timplo ay makwani en Tambobong en Solomon.#10:23 Din Tambobong en Solomon et annawa ya nakayang ay pansidsidoman di ipogaw. Din tokod na et dandani ay sinpo ya dowa ay metro di kakayang da. 24Inalibongbongan di Judio yan kanan da, &#8220;Ay ken pay omando san panlingbalingbam si maipanggep en sik-a? Idoritsom man mo sik-a din Messias.&#8221;</div><div class="p"> 25Songbatan pay Jesus yan kanana, &#8220;Enggay inbagak yan, ngem adi yo met patien. Din nakaskasdaaw ay inam-amag kos kalebbengan Amak et siya da di mangipaneknek en sak-en. 26Ngem adi yo dedan patien, tan baken kon karnero si dakayo. 27Tan din karnerok et maimatonan da din kalik ya ammok abe si daida. Isonga sak-en di onoden da, 28et iyaak daida si biyag ay eng-enggana. Adi da polos kaisian en Diyos, et maga abe di makapos en daida en sak-en. 29Tan si Amak ay nangitalek en daida en sak-en di kapatgan si am-in.#10:29 Din kananas odom ay manuskrito sin Griego et: Tan din intalek Amak en sak-en di kapatgan si am-in. Maga di makapos en daida sin pangay-ayowanan Diyos Ama. 30Tan dakami en Diyos Ama et es-esa kami.&#8221;</div><div class="p"> 31Siya et di kasin nanpidit din Judio si bato ta ipigpig da en sisya. 32Isonga kanan Jesus en daida, &#8220;Ad-adoy inpailak en dakayo ay siged ay say inpaamag Amak en sak-en. Sino ngin en da nay ay inamag ko di begew si pamigpigan yon sak-en?&#8221;</div><div class="p"> 33Sinongbatan pay din Judio ay kanan da, &#8220;Baken din siged ay inam-amag mo di gapo si pamigpigan mi en sik-a mo adi et din nanglaslasoyam en Diyos. Owat kan ipogaw dedan, ngem sana ay inis-om din awak mo en sisya.&#8221;</div><div class="p"> 34Kanan pay Jesus, &#8220;Ngem wada pay dedan di inpaisolat Diyos ay kanan yo en linteg yo maipanggep si papangolon di Judio ed idi ay kanana, &#8216;Sak-en ay Diyos et inbagak ay didiyos kayo.&#8217;#10:34 Salmo 82:6. 35Din inpaisolat Diyos ay sana et adi met mabalin ay mawaswas. Mo didiyos ngarud di inngad-an Diyos en da doy ay ipogaw ay nankalkaliana, 36apay nga kanan yo en is-ok din awak ko en Diyos mo kanak en sak-en di Anak na? Tan sak-en di dinotokan ya inbaa na isnan lobong. 37Mo adiak koman am-amagen din nakaskasdaaw ay inpaamag Diyos en sak-en, olay adi yo pomati. 38Ngem mo say amagek dadi, say kaawisan yo koma ay mamati olay mo adi yo patien din kankanak, ta say dadlon yon ammoan ay wadas Amak en sak-en ya wadaak abe en sisya.&#8221;</div><div class="p"> 39Siya et di kasin dan pinadas ay manpap en Jesus, ngem inlisianas daida. 40Asi pag mantaoli sin demang di ginawang ay Jordan sin kad-an di nanbonbonyagan Juan ed idi, et say nanteana. 41Ad-adoy ipogaw ay emeemey en sisya. Kanan da en, &#8220;Magay inamag Juan si nakaskasdaaw ay sinyal, ngem tet-ewa pay dedan di am-in ay inbaga na maipanggep en naey.&#8221; 42Et ad-ado da ay namati en sisyas di.</div>
 </div>
 </div>
</div>

Pag nan kanan ay nangiarig, “Tet-ewa adi nan ibagak en dakayo. Mo waday kodalan di kakarnero yan adi senggep di ipogaw sin kosto ay segpan mo adi et komalab sin alad, mangakew ya tollisan di. Tan din mangay-ayowan sin kakarnero et senggep sin kosto ay segpan. Sisya di pasgepen di gowardiya, et ayagana din kakarnero ay oka na. Mo ingad-ana pay si daida, maimatonan da din kali na et omonod da en sisya mo bomala da. Mo bomala da pay am-in, ipango nas daida, et sisya di onoden da, tan ammo da din kali na. Ngem adi da onoden di mangili mo adi et itagtagan da, tan adi da maimatonan din kali na.” Say dinad-at Jesus di en daida ay nangiarig, ngem adi da inawatan din laydena ay kalien.
Siya di, kasin kanan Jesus ay nangiarig, “Tet-ewa adi nan ibagak en dakayo ay sak-en di segpan di karnero. Din am-in ay nangon-ona mo sak-en ay nangibagabagas etek et daida di mangakew ya tollisan. Ngem laton ay adi pinatpati di karnero. Sak-en di segpan. Mo sinoy senggep ay mandan en sak-en et maisalakan. Maiarig si karnero ay senggep dowan bomala ay en man-alab.
“Di panggep di mangakew et en mangakew ono gandat ay manpese ono mansida si karnero et anggoy. Sak-en pay et inmaliak ta magon-od koman di ipogaw di sigesiged ay biyag ay magay kolang na.”
Kanan aben Jesus ay nangiarig, “Sak-en di siged ay mangay-ayowan si kakarnero ya mangisalakan en daida, olay mo say kateyak. Mo din owat nalagboan ay manpaspastol si karnero, mo tamangena di maangat ay animal ay omali, taynana din karnero et tomagtag, tan baken sisya di kosto ay mangay-ayowan ay akin oka sin karnero. Mo bomala pay din maangat ay animal, katenan odom dowanan pansisianen odom. Et siya nay gapo na ay tomagtag din nalagboan ay sana, tan owat nalagboan et adi na banolen din kakarnero. Ngem sak-en pay di siged ay mangay-ayowan. Tan din pan-iinammoan mi sin karnerok et iso na sin pan-inammoan mi en Amak. Sak-en abe di matey ta way iyat di karnerok ay matago. Wada abey kakarnerok ay adi naitapi sin kodalan ay nay. Siyatak aben ayagan si daida ta omali da et dengngen dan kalik. Asi da manbalin si esa ay sinkabeweg et es-esa di mangay-ayowan en daida.
“Si Amak et laylaydenas sak-en, tan idawat kon biyag ko ta asiak kasin matago. Maga met di mamse en sak-en mo baken sak-en di akin nemnem, tan waday kalebbengak ay mangidawat sin biyag ko ya wada abey kalebbengak ay taolien. Tan siya na di inbilin Diyos en sak-en.”
Pag kasin mankinontra din Judio begew din kanan Jesus ay sana. Tan ad-ado da ay nangwani, “Binogen di dimonyos sisya! Apay ngarud ay layden yo pay laeng ay mannge?”
Dowan kanan di odom, “Ay siya mo say iyat di nadimonyo sa ay mankali? Ay mabalin aya ay kaanen di dimonyo di godab di ipogaw?”

Sin pinag-aandap, wada di fiesta ay makwani en Kaidatonan di Timplo ed Jerusalem. Idi dinmateng din fiesta ay doy, wadas Jesus ay mandaddad-an sin lak-am di Timplo ay makwani en Tambobong en Solomon. Inalibongbongan di Judio yan kanan da, “Ay ken pay omando san panlingbalingbam si maipanggep en sik-a? Idoritsom man mo sik-a din Messias.”
Songbatan pay Jesus yan kanana, “Enggay inbagak yan, ngem adi yo met patien. Din nakaskasdaaw ay inam-amag kos kalebbengan Amak et siya da di mangipaneknek en sak-en. Ngem adi yo dedan patien, tan baken kon karnero si dakayo. Tan din karnerok et maimatonan da din kalik ya ammok abe si daida. Isonga sak-en di onoden da, et iyaak daida si biyag ay eng-enggana. Adi da polos kaisian en Diyos, et maga abe di makapos en daida en sak-en. Tan si Amak ay nangitalek en daida en sak-en di kapatgan si am-in. Maga di makapos en daida sin pangay-ayowanan Diyos Ama. Tan dakami en Diyos Ama et es-esa kami.”
Siya et di kasin nanpidit din Judio si bato ta ipigpig da en sisya. Isonga kanan Jesus en daida, “Ad-adoy inpailak en dakayo ay siged ay say inpaamag Amak en sak-en. Sino ngin en da nay ay inamag ko di begew si pamigpigan yon sak-en?”
Sinongbatan pay din Judio ay kanan da, “Baken din siged ay inam-amag mo di gapo si pamigpigan mi en sik-a mo adi et din nanglaslasoyam en Diyos. Owat kan ipogaw dedan, ngem sana ay inis-om din awak mo en sisya.”
Kanan pay Jesus, “Ngem wada pay dedan di inpaisolat Diyos ay kanan yo en linteg yo maipanggep si papangolon di Judio ed idi ay kanana, ‘Sak-en ay Diyos et inbagak ay didiyos kayo.’ Din inpaisolat Diyos ay sana et adi met mabalin ay mawaswas. Mo didiyos ngarud di inngad-an Diyos en da doy ay ipogaw ay nankalkaliana, apay nga kanan yo en is-ok din awak ko en Diyos mo kanak en sak-en di Anak na? Tan sak-en di dinotokan ya inbaa na isnan lobong. Mo adiak koman am-amagen din nakaskasdaaw ay inpaamag Diyos en sak-en, olay adi yo pomati. Ngem mo say amagek dadi, say kaawisan yo koma ay mamati olay mo adi yo patien din kankanak, ta say dadlon yon ammoan ay wadas Amak en sak-en ya wadaak abe en sisya.”
Siya et di kasin dan pinadas ay manpap en Jesus, ngem inlisianas daida. Asi pag mantaoli sin demang di ginawang ay Jordan sin kad-an di nanbonbonyagan Juan ed idi, et say nanteana. Ad-adoy ipogaw ay emeemey en sisya. Kanan da en, “Magay inamag Juan si nakaskasdaaw ay sinyal, ngem tet-ewa pay dedan di am-in ay inbaga na maipanggep en naey.” Et ad-ado da ay namati en sisyas di.

Slušajte Juan 10