<div class="version vid1146 iso6393nca" data-vid="1146" data-iso6393="nca">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s1">Yesuko kow&#237; piyimi khumo uni ka rin&#237; met&#233; tar&#243;</div><div class="r">(Mak 1:40-44; Luk 5:12-14)</div><div class="p"> 1Yesuko mira pur&#237; rotoro un&#237;qo, unipare qambu par&#225;mi howero u&#331;gur&#237;.</div><div class="p"> 2Asa kow&#237; piyimi khumo#8:2 &#8220;kow&#237; piyimi khumo&#8221; &#331;uko nore do se khumo ka hor&#233; kama i&#331;oyoteto. &#330;ande i&#331;oyoteto, ko Juda unindo se khumo uni &#331;unde qu qenero, Anutu to&#331;&#237;mo pus&#250; yote, ye i&#331;oya&#331;gur&#237;. Ko Juda uni kato uni &#331;unde qu towowero mep&#233;mo kini, dokoro ene &#331;uya Anutu to&#331;&#237;mo pus&#250; tunoqeweya, ye i&#331;oya&#331;gur&#237;. Se khumo uni &#331;unde qundo sikuno na&#331;ge yora&#331;gur&#237;, yend&#233;mo yorowero mep&#233;mo kini. uni kato mahero potoruku te inoro &#331;ande yar&#243;, &#8220;Uni Par&#225;mi, keto &#331;u i&#331;i mep&#233;mo tin&#237;qo, no nori sara tewano.&#8221;</div><div class="p"> 3Yin&#237;qo, Yesuko kand&#237; sa&#331;an&#237;mo rero mirar&#243;, &#8220;No &#331;uro i&#331;oteno. Ke sara teweya.&#8221; Yin&#237; waka ta se khumo &#331;uno qu kini tin&#237; sara tar&#243;. 4Tin&#237; Yesuko &#331;ande mirar&#243;, &#8220;O &#331;a keno tunoqete &#331;aro uni ka ma yimirowero. Hutu&#331;o mande Mosesko yimirar&#243; &#331;u howeya o qa-qa uni koweke re wit&#250; yereya keto sara tunoqete quro oka Anutu te ino qembe. &#330;unde tiqo, se khumoke kini tete, ye i&#331;owa&#331;go.&#8221; #8:4 Hutu&#331;o mandeko &#331;ande yar&#243;, ko se khumo uni ka met&#233; tunoqar&#243; &#331;unde qundo n&#250; irisa Anutu inoweya yar&#243;; ka uron&#237; khumon&#237; o qa-qa te inoweya, ka roton&#237; to&#331;eweya. &#330;unde tero uni &#331;unde qundo yend&#233;mo met&#233; yoweya. (O Qa-qa Uni 14:1-7 weyo qembe.)</div><div class="s1">Yesuko kuma unindoro tap&#225; uni karo sunar&#225; sim&#243; rin&#237; met&#233; tar&#243;</div><div class="r">(Luk 7:1-10)</div><div class="p"> 5Asa Yesuko Kaperneam yend&#233;mo on&#237;qo, Rom koro kuma unindoro sopo-sopo uni kato#8:5 Rom koro kuma unindoro sopo-sopo uni &#331;uko Juda uni kini. Rom koro wiri yerete unindo wini unipare enes&#243;-enes&#243;, ko miraye enes&#243;-enes&#243; wiri yerer&#243;. Ko ene&#331;o kuma uniy&#243;mbo unipare soso &#331;u kond&#233; sopo yere&#331;gur&#237;. Asa kuma unindoro sopo-sopo uni &#331;unde qundo kuma uni 100 sopo yereya&#331;go. Yesu kond&#233; &#331;ande kirayar&#243;, 6&#8220;Uni Par&#225;mi, sunar&#225; sim&#243;ne se khumo tero yano eteyote. Wimb&#237; muko soso khumon&#237; kow&#237; surum&#237; par&#225;mi tete.&#8221;</div><div class="p"> 7Yin&#237; &#331;ande mirar&#243;, &#8220;Met&#233; nondo to&#331;e rewe met&#233; teweya.&#8221;</div><div class="p"> 8Yin&#237; &#331;ande mirar&#243;, &#8220;Uni par&#225;mi, no uni met&#233; kini, &#331;uro ke nene&#331;o yano date areweya? Quko keto kina mande yekata sunar&#225; sim&#243;ne &#331;u met&#233; teweya. 9Dokoro no &#331;uya uni ow&#233;ye mor&#233; mu kasirayemo yowe sopo nereyote&#331;go. Kowe nondo uni ka mirowano, &#8216;Ke to&#331;e,&#8217; yeweqo, to&#331;eyote. Ko ka mirowano, &#8216;Ke mahe,&#8217; yeweqo, maheweya. Kho sim&#243;ne mirowano, &#8216;Kho &#331;u te,&#8217; yeweqo, &#331;unde teweya.&#8221;</div><div class="p"> 10Yesuko mande &#331;u i&#331;oro i&#331;ondata par&#225;mi tero uni howeya&#331;gur&#237; &#331;u &#331;ande yimirar&#243;, &#8220;No ye ham&#243; &#331;ande yimirowe, uni &#331;aro i&#331;ondutuy&#243;#8:10 &#8220;i&#331;ondutu&#8221; &#331;uko &#331;andiro, asa unipareto &#331;ande kond&#233; ye i&#331;oyote&#331;go, ko Anutuko met&#233; sopo yereweya. par&#225;mi &#331;andiro qu ka Israel unipare keweroyemo kama qeneno. 11Nondo ye yimirowe, unipare qambu kosa aretesina&#331;go kosa utesina&#331;go mahero sambo simbur&#237;mbo uniparey&#243; wiri yereyote naruy&#243;mo &#331;uno kunditero Abraham, Aisak, Yakop koya o newa&#331;go.#8:11 &#8220;Abraham, Aisak, Yakop&#8221; &#331;uko Juda uniparetoro usisambapukoye. Quko Yesuko &#8220;unipare qambu mahero kunditero o newa&#331;go,&#8221; yar&#243;. &#8220;Unipare qambu&#8221; &#331;uko Juda uni kini, uni wini meyowo-meyowo. 12Quko uni &#331;u, noreko wiri yereyote naruy&#243;mboro sim&#243; hor&#233;, ye i&#331;oyote&#331;go &#331;uko, Anutuko yohowin&#237; huriri yend&#233;mo &#331;uno uwa&#331;go. &#330;usina &#331;unoko tendo piyimi tero metoye kindotowa&#331;go.&#8221; #8:12 Uni &#331;undo metoye kindotowa&#331;go, dokoro surum&#237; par&#225;mi tewa&#331;go.</div><div class="p"> 13Ko Yesuko kuma unindoro sopo-sopo uni &#331;ande mirar&#243;, &#8220;Ke to&#331;e. O date komo i&#331;ondutu ta &#331;u keno tunoqeweya.&#8221; &#330;unde yin&#237;qo, &#331;u naruko &#331;uno na&#331;ge sunar&#225; sim&#243; met&#233; tar&#243;.</div><div class="s1">Yesuko Pita koro ko&#331;g&#237; rin&#237; met&#233; tar&#243;</div><div class="r">(Mak 1:29-31; Luk 4:38-39)</div><div class="p"> 14Asa Yesuko Pita koro yay&#243;mo oro Pita koro ko&#331;g&#237; qenin&#237; se khumo tero kow&#237; tiwi rin&#237; yakut&#237;mo eteyar&#243;. 15Eteyon&#237; kand&#237;mo towon&#237;, se khumo &#331;u kini tin&#237; otoqoro Yesu koro o q&#237;mboro ro&#331;garuwar&#243;.</div><div class="s1">Yesuko se khumo qambu yorin&#237; met&#233; ta&#331;gur&#237;</div><div class="r">(Mak 1:32-34; Luk 4:40-41)</div><div class="p"> 16Suwoya tin&#237;qo, unipareto topo-topoye yuqa piyimi#8:16 &#8220;yuqa piyimi&#8221; &#331;uko sambo sim&#243; &#331;unde qembe, quko Anutu koro sa&#331;gir&#237; tero unipare rowore yereyote&#331;go. quroyemo ya&#331;gur&#237; &#331;u yore Yesuko mahe&#331;gur&#237;. Mahi mande ka yin&#237; yuqa piyimi &#331;undo unipare yorota&#331;gur&#237;. Ko enendo se khumo uni &#331;u yorin&#237; pitu ko met&#233; ta&#331;gur&#237;. 17&#330;unde tero mande ka komo Anutuko ye-ye uni Aisaiawore yar&#243; &#331;u rin&#237; ham&#243; tar&#243;. &#330;ande yar&#243;,</div><div class="b"></div><div class="q1">&#8220;Ene&#331;ombo nore&#331;o kowenani ime &#331;u rar&#243;,</div><div class="q2">ko se khumo kate-kate korowar&#243;.&#8221;</div><div class="s1">Yesu howewero khe qu</div><div class="r">(Luk 9:57-60)</div><div class="p"> 18Asa Yesuko unipare qambu hor&#233; wuririyo ka&#331;eyuri yiyoroqo, i&#331;o-i&#331;o rewero uniy&#243; &#331;ande yimirar&#243;, &#8220;Nore sono towo kar&#243;&#331;oro andusina uyato.&#8221;</div><div class="p"> 19Yero to&#331;iqo, hutu&#331;o mande &#331;uro i&#331;o-i&#331;o uni#8:19 &#8220;hutu&#331;o mande &#331;uro i&#331;o-i&#331;o uni&#8221; &#331;undo Anutu koro mande &#331;u unipare rondaqe yunoya&#331;gur&#237;. kato mahero &#331;ande mirar&#243;, &#8220;Rondaqe-rondaqe uni, ke dana uyareweya qunoko no &#331;uya kohowe &#331;uno uyarewano.&#8221;</div><div class="p"> 20Yin&#237;qo, &#331;ande mirar&#243;, &#8220;&#193; sawa &#331;uko mer&#233;ye noko quroko yote, n&#250; &#331;uya yaye mor&#233;. Quko Unindoro Na&#331;un&#237;#8:20 &#8220;Unindoro Na&#331;un&#237;&#8221; &#331;uko Yesu na&#331;ge. &#331;uko etewero miray&#243; mor&#233; kini.&#8221;</div><div class="p"> 21Ko i&#331;o-i&#331;o rewero uni meyowo ka &#331;ande mirar&#243;, &#8220;Uni Par&#225;mi, norotoka no to&#331;eya awane re tapu&#331;owekata.&#8221;</div><div class="p"> 22Quko Yesuko &#331;ande mirar&#243;, &#8220;Kini, ke maheya no nohowe. Uni khumow&#237; &#331;undoko topoye khumote&#331;go &#331;u se tapu yerewa&#331;go.&#8221;</div><div class="s1">Yesuko mat&#250; rin&#237; imaqar&#243;</div><div class="r">(Mak 4:36-41; Luk 8:22-25)</div><div class="p"> 23&#330;unde yero wa&#331;go sa&#331;ano on&#237;qo, i&#331;o-i&#331;o rewero uniy&#243;mbo howe to&#331;e&#331;gur&#237;. 24To&#331;eyate sono towo keweroko uyariqo, mat&#250; par&#225;mi hor&#233; mahero sono towo huwon&#237; tambi-tambi toqero wa&#331;go tom&#243; ta &#331;u wehe&#331;owero tar&#243;. Quko Yesuko eteyar&#243;. 25Eteyon&#237; okokoworo &#331;ande ya&#331;gur&#237;, &#8220;Uni Par&#225;mi, nore samaka nere, piyo tewe teteto.&#8221;</div><div class="p"> 26Yiqo, &#331;ande yimirar&#243;, &#8220;I&#331;ondutuye#8:26 &#8220;i&#331;ondutu&#8221; &#331;uko &#331;andiro, asa unipareto &#331;ande kond&#233; ye i&#331;oyote&#331;go, ko Anutuko met&#233; sopo yereweya. muko tukuni. Do karo sorete&#331;go?&#8221; &#330;unde yero otoqoro mat&#250; koya windi koya qene yin&#237; irisa-irisa imaqariy&#243;.</div><div class="p"> 27&#330;unde tiriqo, uni &#331;undo i&#331;ondata par&#225;mi tero &#331;ande ya&#331;gur&#237;, &#8220;Do uni kato met&#233; yin&#237; mat&#250; koya windi koya imaqitiri?&#8221;</div><div class="s1">Yesuko yuqa piyimi uni irisa quroyarimo ya&#331;gur&#237; &#331;u yohowin&#237; to&#331;e&#331;gur&#237;</div><div class="r">(Mak 5:1-17; Luk 8:26-37)</div><div class="p"> 28Asa Yesuko sono towo andusina uyaroqo, Gatara koro mira &#331;uno maher&#243;. Mahin&#237; uni irisa yuqa piyimiyari#8:28 &#8220;yuqa piyimi&#8221; &#331;uko sambo sim&#243; &#331;unde qembe, quko Anutu koro sa&#331;gir&#237; tero unipare rowore yereyote&#331;go. mor&#233; mu uni tapu#8:28 &#8220;uni tapu&#8221; &#331;uko wondo yay&#243; na&#331;ge. Juda unindo uni khumar&#243; &#331;u rero wondo yay&#243; huw&#243;sina rotoya&#331;go. Asa ko uni irisa &#331;undo wondo yay&#243;mboro ma&#331;g&#243; &#331;uno met&#233; eteyariy&#243;. no&#331;go mahero kheko kopa&#331;gur&#237;. Irisa &#331;uko sa&#331;gir&#237; uni hor&#233;, &#331;unde &#331;uroko unipare khe &#331;uwore to&#331;ewero mep&#233;mo kini. 29Asa mahero kond&#233; &#331;ande kiwariy&#243;, &#8220;Ke Anutu koro Na&#331;un&#237;, ke do nereweya? Kepe Anutuko naru rok&#243;&#331;ar&#243; &#331;u takaro itaka na&#331;ge o piyimi te nunowero mahete, peka?&#8221;</div><div class="p"> 30Po qambu o nero so&#331;ga kapiyamo yora&#331;go. 31Asa yuqa piyimimbo Yesu kond&#233; &#331;ande kiraya&#331;gur&#237;, &#8220;Ko keto nore nohoweweya tin&#237;qo, nore norotika po qambu &#331;u quroyemo uwato.&#8221; </div><div class="p"> 32Yiqo, &#331;ande yar&#243;, &#8220;Ye to&#331;i,&#8221; yin&#237;qo, yuqa piyimi &#331;undo uni irisa &#331;u yorotoro po quroko u&#331;gur&#237;. Uyiqo, po &#331;undo pur&#237; titin&#237; mo&#331;go rombo&#331;ero sono quroko &#331;uno khuma&#331;gur&#237;. 33&#330;unde tiqo, po sopo-sopo unindo qenero sore to&#331;ero yend&#233; par&#225;mimo uyaro o tunoqar&#243; &#331;uro unipare yimira&#331;gur&#237;. Ko uni irisa &#331;uko yuqa piyimi quroyarimo yora, do ka eneno tunoqar&#243; &#331;uro yimira&#331;gur&#237;. 34Asa yend&#233; unipare &#331;uno qu soso Yesuko mahe&#331;gur&#237;. Mahero kond&#233; mira&#331;gur&#237;, ko miraye &#331;u rotoro meyowomo to&#331;eweya, ya&#331;gur&#237;.</div>
 </div>
 </div>
</div>

Yesuko mira purí rotoro uníqo, unipare qambu parámi howero uŋgurí.
Asa kowí piyimi khumo uni kato mahero potoruku te inoro ŋande yaró, “Uni Parámi, keto ŋu iŋi mepémo tiníqo, no nori sara tewano.”
Yiníqo, Yesuko kandí saŋanímo rero miraró, “No ŋuro iŋoteno. Ke sara teweya.” Yiní waka ta se khumo ŋuno qu kini tiní sara taró. Tiní Yesuko ŋande miraró, “O ŋa keno tunoqete ŋaro uni ka ma yimirowero. Hutuŋo mande Mosesko yimiraró ŋu howeya o qa-qa uni koweke re witú yereya keto sara tunoqete quro oka Anutu te ino qembe. Ŋunde tiqo, se khumoke kini tete, ye iŋowaŋgo.”


Asa Yesuko Kaperneam yendémo oníqo, Rom koro kuma unindoro sopo-sopo uni kato Yesu kondé ŋande kirayaró, “Uni Parámi, sunará simóne se khumo tero yano eteyote. Wimbí muko soso khumoní kowí surumí parámi tete.”
Yiní ŋande miraró, “Meté nondo toŋe rewe meté teweya.”
Yiní ŋande miraró, “Uni parámi, no uni meté kini, ŋuro ke neneŋo yano date areweya? Quko keto kina mande yekata sunará simóne ŋu meté teweya. Dokoro no ŋuya uni owéye moré mu kasirayemo yowe sopo nereyoteŋgo. Kowe nondo uni ka mirowano, ‘Ke toŋe,’ yeweqo, toŋeyote. Ko ka mirowano, ‘Ke mahe,’ yeweqo, maheweya. Kho simóne mirowano, ‘Kho ŋu te,’ yeweqo, ŋunde teweya.”
Yesuko mande ŋu iŋoro iŋondata parámi tero uni howeyaŋgurí ŋu ŋande yimiraró, “No ye hamó ŋande yimirowe, uni ŋaro iŋondutuyó parámi ŋandiro qu ka Israel unipare keweroyemo kama qeneno. Nondo ye yimirowe, unipare qambu kosa aretesinaŋgo kosa utesinaŋgo mahero sambo simburímbo unipareyó wiri yereyote naruyómo ŋuno kunditero Abraham, Aisak, Yakop koya o newaŋgo. Quko uni ŋu, noreko wiri yereyote naruyómboro simó horé, ye iŋoyoteŋgo ŋuko, Anutuko yohowiní huriri yendémo ŋuno uwaŋgo. Ŋusina ŋunoko tendo piyimi tero metoye kindotowaŋgo.”
Ko Yesuko kuma unindoro sopo-sopo uni ŋande miraró, “Ke toŋe. O date komo iŋondutu ta ŋu keno tunoqeweya.” Ŋunde yiníqo, ŋu naruko ŋuno naŋge sunará simó meté taró.


Asa Yesuko Pita koro yayómo oro Pita koro koŋgí qeniní se khumo tero kowí tiwi riní yakutímo eteyaró. Eteyoní kandímo towoní, se khumo ŋu kini tiní otoqoro Yesu koro o qímboro roŋgaruwaró.


Suwoya tiníqo, unipareto topo-topoye yuqa piyimi quroyemo yaŋgurí ŋu yore Yesuko maheŋgurí. Mahi mande ka yiní yuqa piyimi ŋundo unipare yorotaŋgurí. Ko enendo se khumo uni ŋu yoriní pitu ko meté taŋgurí. Ŋunde tero mande ka komo Anutuko ye-ye uni Aisaiawore yaró ŋu riní hamó taró. Ŋande yaró,

“Eneŋombo noreŋo kowenani ime ŋu raró,
ko se khumo kate-kate korowaró.”


Asa Yesuko unipare qambu horé wuririyo kaŋeyuri yiyoroqo, iŋo-iŋo rewero uniyó ŋande yimiraró, “Nore sono towo karóŋoro andusina uyato.”
Yero toŋiqo, hutuŋo mande ŋuro iŋo-iŋo uni kato mahero ŋande miraró, “Rondaqe-rondaqe uni, ke dana uyareweya qunoko no ŋuya kohowe ŋuno uyarewano.”
Yiníqo, ŋande miraró, “Á sawa ŋuko meréye noko quroko yote, nú ŋuya yaye moré. Quko Unindoro Naŋuní ŋuko etewero mirayó moré kini.”
Ko iŋo-iŋo rewero uni meyowo ka ŋande miraró, “Uni Parámi, norotoka no toŋeya awane re tapuŋowekata.”
Quko Yesuko ŋande miraró, “Kini, ke maheya no nohowe. Uni khumowí ŋundoko topoye khumoteŋgo ŋu se tapu yerewaŋgo.”


Ŋunde yero waŋgo saŋano oníqo, iŋo-iŋo rewero uniyómbo howe toŋeŋgurí. Toŋeyate sono towo keweroko uyariqo, matú parámi horé mahero sono towo huwoní tambi-tambi toqero waŋgo tomó ta ŋu weheŋowero taró. Quko Yesuko eteyaró. Eteyoní okokoworo ŋande yaŋgurí, “Uni Parámi, nore samaka nere, piyo tewe teteto.”
Yiqo, ŋande yimiraró, “Iŋondutuye muko tukuni. Do karo soreteŋgo?” Ŋunde yero otoqoro matú koya windi koya qene yiní irisa-irisa imaqariyó.
Ŋunde tiriqo, uni ŋundo iŋondata parámi tero ŋande yaŋgurí, “Do uni kato meté yiní matú koya windi koya imaqitiri?”


Asa Yesuko sono towo andusina uyaroqo, Gatara koro mira ŋuno maheró. Mahiní uni irisa yuqa piyimiyari moré mu uni tapu noŋgo mahero kheko kopaŋgurí. Irisa ŋuko saŋgirí uni horé, ŋunde ŋuroko unipare khe ŋuwore toŋewero mepémo kini. Asa mahero kondé ŋande kiwariyó, “Ke Anutu koro Naŋuní, ke do nereweya? Kepe Anutuko naru rokóŋaró ŋu takaro itaka naŋge o piyimi te nunowero mahete, peka?”
Po qambu o nero soŋga kapiyamo yoraŋgo. Asa yuqa piyimimbo Yesu kondé ŋande kirayaŋgurí, “Ko keto nore nohoweweya tiníqo, nore norotika po qambu ŋu quroyemo uwato.”
Yiqo, ŋande yaró, “Ye toŋi,” yiníqo, yuqa piyimi ŋundo uni irisa ŋu yorotoro po quroko uŋgurí. Uyiqo, po ŋundo purí titiní moŋgo romboŋero sono quroko ŋuno khumaŋgurí. Ŋunde tiqo, po sopo-sopo unindo qenero sore toŋero yendé parámimo uyaro o tunoqaró ŋuro unipare yimiraŋgurí. Ko uni irisa ŋuko yuqa piyimi quroyarimo yora, do ka eneno tunoqaró ŋuro yimiraŋgurí. Asa yendé unipare ŋuno qu soso Yesuko maheŋgurí. Mahero kondé miraŋgurí, ko miraye ŋu rotoro meyowomo toŋeweya, yaŋgurí.

Slušajte Matyu 8