KECHENG 5
5
Adam Aso-asu
1Adam a-ove-heihei aloh lahelo. Arnam monit kepinchong ahut Alangli, laphan Arnam a-arje asonthotsi thip-lo.#Kech 1.27-28 2Latum aphan Alangli pinso lapen arlo pinchong-lo, lapen latum aphan Alangli ahirjume pilo, lapen latum aphan kepinchong ahut Monit pusi amen irlo.#Mat 19.4; Mar 10.6 3Adam arta ningkan pharo isira thomkep ahut, la inut a-oso apo plang-lo, lapen amethang a-arje asonthot kechinglit, methang a-arje chedunlo, lapen amen Seth irlo. 4Lapen Seth amahang thekdet aphi Adam arta ningkan 800 lo; lapen alangli asopo asopimar atum dolang. 5Lasonsi Adam akai ningkan 930 reng-lo; lapen alangli thi-lo.
6Seth arta ningkan 105 ahut alangli Enosh apo plang-lo. 7Enosh amahang thekdet aphi Seth ningkan 807 reng-lo, lapen alangli asopo lapen asopimar atum do. 8Lasonsi Seth akai arjon ningkan 912 reng-lo, lapen alangli thi-lo.
9Enosh arta ningkan 90 ahut la Kenan apo plang-lo; 10Kenan amahang thekdet aphi Enosh ningkan 815 reng-lo, lapen asopo lapen asopimar atum do. 11Lasonsi Enosh akai ningkan 905 dolo lapen alangli thi-lo.
12Kenan arta ningkan 70 ahut alangli Mahalalel apo plang-lo. 13Mahalalel mahang thekdet aphi Kenan ningkan 840 reng-lo, lapen asopo lapen asopimar atum do. 14Lasonsi Kenan arta ningkan 910 dolo lapen alangli thi-lo.
15Mahalalel arta ningkan 65 ahut, alangli Jared apo plang-lo. 16Jared amahang thekdet aphi Mahalalel ningkan 830 reng-lo, lapen asopo lapen asopimar atum do. 17Lasonsi Mahalalel arta ningkan 895 dosi, alangli thi-lo.
18Jared arta ningkan 162 ahut alangli Enok apo plang-lo. 19Enok amahang thekdet aphi Jared ningkan 800 reng-lo, lapen asopo lapen asopimar atum do. 20Lasonsi Jared arta ningkan 962 dolo, lapen alangli thi-lo.
21Enok arta ningkan 65 ahut alangli Methuselah apo plang-lo. 22Methuselah amahang thekdet aphi Enok, Arnam pen pen ningkan 300 kengkam chejor-rappet-lo, lapen asopo-asopimar atum do. 23Lasonsi Enok akai ningkan 365 dolo. 24Enok Arnam pen pen kengkam chejor-rap-rap-lo; lapen alangli avedet-lo, athema alangliphan Arnam pondet-lo.#Ibr 11.5; Jud 14
25Methuselah arta ningkan 187 ahut alangli Lamek apo plang-lo. 26Lamek amahang thekdet aphi, Methuselah ningkan 782 dolo, lapen asopo-asopimar atum do. 27Lasonsi Methuselah arta ningkan 969 dosi alangli thi-lo.
28Lamek arta ningkan 182 ahut, alangli inut a-osopo apo plang-lo, 29lapen alangli hala amen Noah#Ibri along laso amen ke kesung pen joktang-lo pu pen ase isinat pusi irlo lapen pulo, “Arnam ahirjuno kepitang alongle, eli kam lapen eri asai-heihei pen kechepaduknang pen bangso abang epasangpo.” 30Noah amahang thekdet aphi Lamek ningkan 595 reng-lo, lapen asopo-asopimar atum do. 31Lasonsi Lamek akai ningkan 777 an reng-lo, lapen alangli thi-lo.
32Noah arta ningkan 500, Noah ke Shem, Ham, lapen Japheth apo plang-lo.
वर्तमान में चयनित:
KECHENG 5: KARBIBSI
हाइलाइट
शेयर
कॉपी
Want to have your highlights saved across all your devices? Sign up or sign in
Karbi Holy Bible © Bible Society of India, 2010.
Used by permission. All rights reserved worldwide.
