KAHTAMYENGHAN 5
5
Adam Mepu Noah
(1 Put 1.1-4)
1 #
Kaht 1.27. Hatüowa Adam huhayimlan jeng nyan pu. Aope Kahwange kahtanyuha linge ngai, lye I yoi lepu me ling. 2Iye netan hei sheko iman ling, hüyange Iye iman moiman tam, hüyange aope iman linge sho “Kahtanyuha” she mintam. 3Aope Adam wangpeng gho ja phei me delüm ngoiyapeih, I kih-e I lepu me netan naha ja tüo, hüyange Ite Seth she min. 4Hüyange Seth puhyange Adam wangpeng gho tet ngoiye jin ngoh, hüyange I me ülao naoshe hei naoyhalan-o ngoh. 5Hüyange Adam wangpeng gho tu phei me delüm ngoh yange I li.
6Aope Seth wangpeng gho ja phei me nga ngoh I mepu netan ja, Enosh ngai; 7hüyange Enosh puhyang phei me Seth wangpeng gho tet phei me nyit ngoh, hüyange I me hayimlan üne-o ngoh. 8Hüke Seth jin khongkümpu wangpeng gho tu phei me pen me ni ngoh, hüyange I li.
9Aope Enosh wangpeng detu ngoi, I mepu Kenan ngai. 10Kenan puhyang phei me Enosh wangpeng gho tet phei me pen me nga ngoh, hüyange I me hayimlan üne-o ngoh. 11Hüke Enosh jin khongkümpu wangpeng gho tu phei me nga ngoh; hüyange I li.
12Aope Kenan wangpeng denyit ngoi, I me netan ja Mahalalel ngai. 13Mahalalel puh yang phei me Kenan wangpeng ghotet phei me deli ngoh, hüyange I me hayimlan üne-o ngoh: 14Hüke Kenan jin hipak wangpeng gho tu phei me pen ngoh, hüyange I li.
15Aope Mahalalel wangpeng dewok me nga ngoi, I mepu Jared ngai. 16Jared puhyang phei me Mahalalel wangpeng gho tet phei me delüm ngoh, hüyange I me hayimlan üne-o ngoh. 17Hüke Mahalalel jin hipak wangpeng gho tet phei me detu me nga ngoh, hüyange I li.
18Aope Jared wangpeng gho ja phei me dewok me ni ngoh, I mepu Enokh ngai. 19Enokh puh yang phei me Jared wangpeng gho tet ngoh hüyange I me hayimlan üne-o ngoh. 20Hüke Jared jin hipak wangpeng gho tu phei me dewok me ni ngoh; hüyange I li.
21Aope Enokh wangpeng dewok me nga ngoi, I mepu Methuselah ngai. 22Methuselah puhyang phei me Enokh-e Kahwang phei wangpeng gho lüm kem, hüyange hayimlan üne-o ngoh. 23Hüke Enokh jin hipak wangpeng gho lüm phei me dewok me nga ngoh. 24#Heb 11.5.Enokh Kahwang phei kem, hüyange yenangpe mah, hangjingne Kahwange I yah-e tei.
25Aope Methuselah wangpeng gho ja phei me detet me nyit ngoi, I mepu Lamekh ngai. 26Lamekh puhyang phei me Methuselah wangpeng gho nyit phei me detet me ni ngoh, hüyange hayimlan üne-o ngoh. 27Hüke Methuselah jin hipak wangpeng gho tu phei me dewok me tu ngoh, hüyange I li.
28Aope Lamekh wangpeng gho ja phei me detet me ni ngoi, I mepu naoshe ja ngai, 29hüyange Iye I min Noah she nyik-e i, “Hanghepa kahtok Youngwanpawe phoiyahpeih, hatüopawe muh teman yak-e linge shangpu hei teman toishao mepu toloimei yahpeilak.” 30Noah puhyang phei me Lamekh wangpeng gho nga phei me detu me nga ngoh, hüyange I me hayimlan üne-o ngoh. 31Hüke Lamekh jin hipak wangpeng gho nyit phei me denyit me nyit ngoh, hüyange I li.
32Tüophei me Noah wangpeng gho nga lwngmei ne ngoh, hüyange Noah mepu-Shem, Ham, hüyange Japheth jalun.
वर्तमान में चयनित:
KAHTAMYENGHAN 5: KONYBSI
हाइलाइट
शेयर
कॉपी
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.