Awˬ hkuiˉ puiˍ ve li‸ 5
5
Aˍdanˍve awˬ ceuˬ awˬ hkʼaˇ teˇ hpaˍ
1Chi ve lehˬ, Aˍdanˍ ve awˬ ceuˬ awˬ hkʼaˇ teˇ hpaˍ ve caˇ lanˇ hpeh‸ ve yoˬ. (Gʼuiˬsha lehˬ Yawˇ ve awˬ ho‸ awˬ han hta‸ shuˍ da‸ ve chaw yaˇ hta‸ te hpanˍ taˍ ve yoˬ. 2Gʼuiˬsha lehˬ, hawˉ hkʼaˆ leh yaˇ miˇ hta‸ te hpanˍ peuˬ ve teˇ yanˇ, yawˇ hui hta‸ Chaw yaˇ teh‸ meh piˇ leh bon na‸ piˇ ve yoˬ.) 3Aˍdanˍ lehˬ 130 hkʼaw‸ gaˬ htaˇ yaˇ paˍ teˇ gʼaˇ cawˬ la ve yoˬ. Hkʼe te leh yawˇ hta‸ Sheˍtaˆ meh piˇ ve yoˬ. 4Oˇ ve hkʼaw‸ nawˉ, Aˍdanˍ lehˬ 800 hkʼaw‸ hkʼa gaˬ kʼaw‸ te‸ chehˇ leh awˬ nu ve yaˇ paˍ yaˇ miˇ teˇ hpaˍ cawˬ la ve yoˬ. 5Yawˇ ve a sha‸ 930 hkʼaw‸ gaˬ leh suh-e ve yoˬ.
6Sheˍtaˆ lehˬ 105 hkʼaw‸ gaˬ htaˇ, Eˇnoˆ teh‸ kʼoˆ ve yaˇ paˍ teˇ gʼaˇ cawˬ la ve yoˬ. 7Oˇ ve hkʼaw‸ nawˉ, yawˇ lehˬ 807 hkʼaw‸ hkʼa gaˬ kʼaw‸ te‸ chehˇ leh awˬ nu ve yaˇ paˍ yaˇ miˇ teˇ hpaˍ cawˬ la ve yoˬ. 8Yawˇ a sha‸ 912 hkʼaw‸ gaˬ leh suh-e ve yoˬ.
9Eˇnoˆ lehˬ a sha‸ 90 hkʼaw‸ gaˬ htaˇ Kaˍiˇnanˍ teh‸ kʼoˆ ve yaˇ paˍ teˇ gʼaˇ cawˬ la ve yoˬ. 10Oˇ ve hkʼaw‸ nawˉ yawˇ lehˬ 815 hkʼaw‸ hkʼa gaˬ kʼaw‸ te‸ chehˇ leh awˬ nu ve yaˇ paˍ yaˇ miˇ teˇ hpaˍ cawˬ la ve yoˬ. 11Yawˇ ve a sha‸ 905 hkʼaw‸ gaˬ leh suh-e ve yoˬ.
12Kaˍiˉnanˍ lehˬ a sha‸ 70 hkʼaw‸ gaˬ htaˇ, Maˍhaˍleˍlaˆ teh‸ kʼoˆ ve yaˇ paˍ teˇ gʼaˇ cawˬ la ve yoˬ. 13Oˇ ve hkʼaw‸ nawˉ yawˇ lehˬ 840 hkʼaw‸ hkʼa gaˬ kʼaw‸ te‸ chehˇ leh awˬ nu ve yaˇ paˍ yaˇ miˇ teˇ hpaˍ cawˬ la ve yoˬ. 14Yawˇ ve a sha‸ 910 hkʼaw‸ gaˬ leh suh-e ve yoˬ.
15Maˍhaˍleˍlaˆ lehˬ a sha‸ 65 hkʼaw‸ gaˬ htaˇ Yaˍyehˆ teh‸ kʼoˆ ve yaˇ paˍ teˇ gʼaˇ cawˬ la ve yoˬ. 16Oˇ ve hkʼaw‸ nawˉ, yawˇ lehˬ 830 hkʼaw‸ hkʼa gaˬ kʼaw‸ te‸ chehˇ leh awˬ nu ve yaˇ paˍ yaˇ miˇ teˇ hpaˍ cawˬ la ve yoˬ. 17Yawˇ ve a sha‸ 895 hkʼaw‸ gaˬ leh suh-e ve yoˬ.
18Yaˍyehˆ lehˬ a sha‸ 162 hkʼaw‸ gaˬ htaˇ, Eˇnawˆ teh‸ kʼoˆ ve yaˇ paˍ teˇ gʼaˇ cawˬ la ve yoˬ. 19Oˇ ve hkʼaw‸ nawˉ yawˇ lehˬ 800 hkʼaw‸ hkʼa gaˬ kʼaw‸ te‸ chehˇ leh awˬ nu ve yaˇ paˍ yaˇ miˇ teˇ hpaˍ cawˬ la ve yoˬ. 20Yawˇ ve a sha‸ 962 hkʼaw‸ gaˬ leh suh-e ve yoˬ.
21Eˇnawˆ lehˬ a sha‸ 65 hkʼaw‸ gaˬ htaˇ, Meˍtuˇseˍlaˆ teh‸ kʼoˆ ve yaˇ paˍ teˇ gʼaˇ cawˬ la ve yoˬ. 22Oˇ ve hkʼaw‸ nawˉ, yawˇ lehˬ Gʼuiˬsha geh teˇ geh 300 hkʼaw‸ te toˇ leh, awˬ nu ve yaˇ paˍ yaˇ miˇ teˇ hpaˍ cawˬ la ve yoˬ. 23Yawˇ lehˬ 365 hkʼaw‸ hkʼa gaˬ a sha‸ te‸ chehˇ ve yoˬ. 24Gʼuiˬsha geh te toˇ peuˬ hkʼaw‸ nawˉ, Eˇnawˆ hta‸ awˬ hkʼaw‸ nawˉ teˇ pawˆ ka‸ maˇ gʼa kʼaw‸ mawˬ. Awˬ lawn kʼo, Gʼuiˬsha yawˇ hta‸ yuˬ kʼai ve pa taw yoˬ.
25Maˍtuˇseˍlaˆ lehˬ a sha‸ 187 hkʼaw‸ gaˬ htaˇ, Laˍmehˆ teh‸ kʼoˆ ve yaˇ paˍ teˇ gʼaˇ cawˬ la ve yoˬ. 26Oˇ ve hkʼaw‸ nawˉ yawˇ lehˬ 782 hkʼaw‸ hkʼa gaˬ kʼaw‸ te‸ chehˇ leh awˬ nu ve yaˇ paˍ yaˇ miˇ teˇ hpaˍ cawˬ la ve yoˬ. 27Yawˇ a sha‸ 969 hkʼaw‸ gaˬ leh suh-e ve yoˬ.
28Laˍmehˆ lehˬ a sha‸ 182 hkʼaw‸ htaˇ, yaˇ paˍ teˇ gʼaˇ cawˬ la ve yoˬ. 29Yawˇ hta‸ Noˉa‸ teh‸ meh piˇ ve yoˬ. Oˇ htaˇ yawˇ kʼoˆ ve, Yaˇ paˍ chi lehˬ Gʼuiˬsha hkeu taˍ ve miˬguiˬ chi hkʼoˆ kanˉ gʼa te caˇ chehˇ ve ngaˬ hui teˇ hpaˍ hta‸ ponˬ laˇ tuˬ yoˬ, teh‸ kʼoˆ leh yawˇ hta‸ Noˉa‸ teh‸ meh piˇ ve yoˬ. 30Oˇ ve hkʼaw‸ nawˉ, Laˍmehˆ lehˬ 595 hkʼaw‸ hkʼa gaˬ kʼaw‸ te‸ chehˇ leh awˬ nu ve yaˇ paˍ yaˇ miˇ teˇ hpaˍ cawˬ la ve yoˬ. 31Yawˇ lehˬ 777 hkʼaw‸ gaˬ leh suh-e ve yoˬ.
32Noˉa‸ lehˬ a sha‸ 500 hkʼaw‸ gaˬ htaˇ, Sheˍmaˆ, Haˍmaˆ, Yaˍhpehˆ teh‸ kʼoˆ ve yaˇ paˍ shehˆ gʼaˇ cawˬ la ve yoˬ.
वर्तमान में चयनित:
Awˬ hkuiˉ puiˍ ve li‸ 5: LHBE
हाइलाइट
शेयर
कॉपी
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
