Kenese 7
7
O le Lolo
1‘Ua fetalai atu le ALI‘I ‘iā Noa, “‘Inā ulu atu ia o oe ‘atoa ma lou ‘āiga uma i le va‘a auā ‘ua ‘ou iloa oe o le amiotonu i o‘u luma i lenei tupulaga.#Kene 6.9; Mata 24.38-39; Luka 17.26-27; Epe 11.7; 1 Pete 3.20 2‘Ia e ‘ave e ta‘ifitu i manu vaefā uma e mamā, o le manu po‘a ma le manu fafine; a o manu vaefā e lē mamā e ta‘ilua ia, o le manu po‘a ma le manu fafine. 3O manu felelei fo‘i e ta‘ifitu o le manu po‘a ma le manu fafine, ‘ia ola mai ai a latou fānau i le fogā‘ele‘ele uma. 4Auā e toe fitu aso ‘ona ‘ou fa‘atotōina ifo ai lea o le timu i le lalolagi e fagafulu ona ao e fagafulu fo‘i ona pō, ‘ou te sōloi‘esea fo‘i i le fogā‘ele‘ele o mea ola uma ‘ua ‘ou faia.” 5Na faia fo‘i e Noa e tusa ma mea uma na poloa‘i atu ai le ALI‘I ‘iā te ia.
6O le ono selau o tausaga o Noa na o‘o ai le lolo i le lalolagi. 7‘Ua ulu atu Noa ma ona atali‘i ma lana avā, ma avā a ona atali‘i fa‘atasi ma ia i le va‘a ‘ona o le lolo.#Mata 24.38-39; Luka 17.27 8O manu vaefā e mamā, ma manu vaefā e lē mamā ma manu felelei, ‘atoa ma mea uma e fetolofi i le ‘ele‘ele, 9‘ua ta‘ilua ona ulu atu i latou ‘iā Noa i le va‘a, o le manu po‘a ma le manu fafine, e fa‘apei ‘ona poloa‘i atu ai le Atua ‘iā Noa. 10‘Ua o‘o fo‘i i le aso fitu, ‘ona o‘o ai lea o le vai o le lolo i le lalolagi.
11O le tausaga e ono selau o le olaga o Noa, o le masina e lua, o le aso e sefulu ma le fitu o le masina, o le aso lava lea na lepeti ai o punāvai uma o i le moana sausau ma ‘ua fa‘aavanoaina pupuni o le lagi.#2 Pete 3.6 12Sa i ai le uaga i le lalolagi i ao e fagafulu ma pō e fagafulu. 13O le aso lava lea na ulu atu ai Noa ma atali‘i o Noa, o Semu, ma Hamo ma Iafeta ma le avā a Noa, ma avā e to‘atolu a ona atali‘i, e fa‘atasi ma i latou i le va‘a. 14O i latou nei ma manu o le vao uma e ta‘itasi ma lona uiga ma manu vaefā fanua uma e ta‘itasi ma lona uiga ma mea fetolofi uma e fetolofi i le ‘ele‘ele e ta‘itasi ma lona uiga ma manu felelei uma e ta‘itasi ma lona uiga, o mea felelei uma e ta‘itasi ma uiga ‘ese‘ese. 15‘Ua latou ulu atu fo‘i ‘iā Noa i le va‘a, e ta‘ilua i mea ola uma o i ai le mānava ola.#Kene 6.20 16‘Ua latou ulu atu, o le po‘a ma le fafine i mea ola uma, ‘ua latou ulu atu, e fa‘apei ‘ona poloa‘i atu le Atua ‘iā te ia; ‘ona pupuni ai lea e le ALI‘I ‘iā te ia.
17Sa i ai fo‘i le lolo i le lalolagi i ona aso e fagafulu; ‘ua fa‘atuputeleina le vai ma ‘ua opeopea ai le va‘a, ‘ua ne‘etia fo‘i i luga o le ‘ele‘ele. 18‘Ua loloto#7.18 loloto: O le fa‘aliliuga tuai; malō. lava le vai ma ‘ua matuā fa‘ateleina i le lalolagi, ‘ua alu fo‘i le va‘a i le fogāvai. 19‘Ua matuā loloto tele lava le vai#7.19 matuā loloto tele lava le vai: O le fa‘aliliuga tuai; matuā malō tele lava le vai. i le lalolagi ma ‘ua ufitia ai mauga maualuluga uma o i lalo o le lagi uma. 20E sefulu ma le lima kupita na maualuga ai le vai i lugā ma ‘ua ufitia ai mauga. 21‘Ona fa‘auma ai lea o le ola o mea ola uma na feoa‘i i le lalolagi, o manu felelei ma manu vaefā fanua ma manu fe‘ai ma mea fetolofi uma na fetolofi i le ‘ele‘ele, ‘atoa ma tagata uma.#Kene 6.13, 17; 1 Pete 2.5 22Na fa‘auma le ola o mea uma sa i ai le mānava o le ola i o latou pogaiisu i mea uma sa i le ‘ele‘ele matūtū. 23Na fa‘aumatia o mea ola uma sa i le fogā‘ele‘ele, o tagata ma manu vaefā ma mea fetolofi, ‘atoa ma manu felelei; na fa‘aumatia i latou ai le lalolagi, na o Noa, i le ma i latou sa i le va‘a ma ia ‘ua totoe. 24Sa loloto le vai i le lalolagi i ona aso e selau ma le limagafulu.
वर्तमान में चयनित:
Kenese 7: RSCB
हाइलाइट
शेयर
कॉपी
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
