YAHYA 3
3
Pa'bisaraanna Isa surangi Nikodemus
3:1-21
1Rie' se're tau Farisi riareng Nikodemus, se'rei ponggaha agama Yahudi. 2Ia mange laurang assijanjang Isa rihattu bangngina, na lakua, ”Guru, kambe taisse'i ma'nassana Kau rie' battu mae assimpole guru risuro ri Allataala; saba' gele rie' tau akkulle appaa'jari tanra-tanra assimpole numupaa'jari injo, ampa gelei larurung Allataala.” 3Appihali Isa, ”Sitoje'na Nakke appau mange ri kau, ampa se're inni tau gele rilaherang muliang, ia gelei akkulle lajanjang Pakkaraengang Allataala.” 4Lakua Nikodemus mange ri Ia, ”Anteekamua se're inni tau lama'ring rilaherang muliang, ampa toamu? Makala akkulle juapai antama' poleang ri pomponna idonna na rilaherangi muliang?” 5Pappihalinna Isa, ”Sitoje'na Nakke appau mange ri kau, ampa se're inni tau gele rilaherang battu ri ere surang ri Nyaha Allataala, ia gele akkulle antama' lalang ri Pakkaraengang Allataala. 6Apa nurilaherang ri rupatau, injo assipa' rupatau todo'i na apa nurilaherang ri Nyaha Tangkasa injo assipa' nyahai intu. 7Andamoko lannasa, saba' Nakke appau mange ri kau: Kau parallu rilaherang muliang. 8Anging intu ngiri'i ri antee-tee mae lakaa'raki, na kau mulangngere sa'ranna, mingka gele muisse' nubattu ri antee mae pariekanna iyareka antee mae lampana. Appakonjomu injo passala'na sikuanna tau rilaherang inni muliang battu ri Nyaha Tangkasa.” 9Lakuamo Nikodemus mange ri Ia, ”Anteekamua lama'ring a'jari passala injo?” 10Appihali Isa, ”Kau intu guru ri Israele na kau gele mupahang passala inni? 11Sitoje'na Nakke appau mange ri kau, kambe appau-paukang ripassala nutaisse' injo na assa'bikang ripassala numaeng injo tajanjang, mingka kau gele mutarima passa'biba. 12Geleko tappa', rihattungKu a'bisara mange ri kau ripassala nurie' injo ri lino inni, anteekokamua latappa', ampa Nakke a'bisara ri kau ripassala nurie' injo ri Suruga? 13Gele rie' manna se're tau maeng nai' ri Suruga maraenganna Ia Tumaeng naung injo rie' mae battu ri Suruga, iamo intu Ana' Rupatau.
14 #
Bil. 21:9
Na assimpole Musa appakalangkasa saa ri parang luara, appakonjo todo'i Ana' Rupatau parallu ripakalangkasa, 15solanna sikuanna tau tappa' ri Ia nguppai tallasa mannannungang. 16Saba' pammate lakamaseanNa Allataala assinna lino inni, sa'genna Ia lapassareammu Ana' sitau-tauNa, solanna sikuanna tau tappa' mange ri Ia gele lamate tulusu, mingka nguppai tallasa mannannungang. 17Saba' Allataala lapassareangi Ana'Na antama' mae ri lino inni gele laassare hukkungang ri assinna lino inni, mingka solanna ripakasalama'i patteteang ri Ia. 18Inai jua tappa' mange ri Ia, ia gele larihukkung; inai jua gele tappa', injo ia rie'mu lalang hukkungang, saba' ia gele tappa' mange ri Ana' sitau-tauna Allataala. 19Iamo inni hukkung injo: Rie'mu Sinara injo antama' mae ri lino inni, mingka rupatau inni la'bi langaiang kalammang injo na sinara inni, saba' sikonjo panggeokanna sanging nudaa. 20Saba' inai jua anggeokang nudaa, likingi ri Sinara na gele a'ra' mange ri Sinara, solanna sikonjo panggeokang daana gele kajanjangang; 21mingka inai jua anggeokang nunaba, ia battui mange ri Sinara, solanna a'jari kaissekang ma'nassana sikonjo panggeokanna lageokangi lalang ri Allataala.”
Passa'bina Yahya ri Isa
3:22-36
22Rimaenna injo a'lampai Isa surang ana'-ana' gurunNa mange ri tana Yudea na ammari ngase'i konjomange na anrio tau. 23Mingka, Yahya anrio todo'i tau ri Ainon ri ampi'na kota Salem, saba' ri injo mange lohe ere. Na lohe todo' tau mangei lasuro rio kalenna, 24#Mat. 14:3; Mark. 6:17; Luk. 3:19-20saba' rihattu injo Yahya gelepai ripantama' ri pattarungkuang.
25Jari rie'mo passisala pahangang ri ana'-ana' gurunna Yahya surang se're tau Yahudi passala ripanangkasi. 26Mangeimu ri Yahya na appaui mange ri ia, ”Guru, tau assurang injo kau ha'leang Balang Yordan na ripassala'Na kau maeng assare passa'bi, Ia anrio todo'i tau na sikuanna tau mange ngase'i ri Ia.” 27Appihali Yahya, ”Gele rie' manna se're tau akkulle ngalle manna siso'di' mange ri kalenna, ampa gele risareang battu ri Suruga. 28#Yah. 1:20Kau akkulle todo'ko assare passa'bi ma'nassana nakke maeng appau: Gele nakke Almase, mingka nakke risuro riolonganNa. 29Tungampunnai bonting bahine, iamo intu bonting bura'ne; mingka bahaanna bonting bura'ne injo ammentengi riampi'na na lapilangngeri, sukku' te'nena appilangngeri sa'ra bonting bura'ne injo. Iamo injo kukate'nei, na konni-konnina sangka'i kate'neangku. 30Ia lapela' bakka', mingka nakke lapela' ki'di'.
31Inai jua battu rate iamo intu kaminang rate risikuanna; inai assala'na battu ri lino, injo tulino intu na a'bisara tulinoi. Inai jua battu ri Suruga iamo intu kaminang rate risikuanna. 32Ia assa'bi ripassala apa nulajanjang na nulalangngere injo, mingka gele rie' manna sitau lapitoli passa'biNa injo. 33Inai jua lapitoli passa'biNa, ia laakui ma'nassana nabai Allataala. 34Saba' inai risuro ri Allataala, Iamo appabattu pau Allataala, saba' Allataala lapassareangi Nyaha Tangkasa'Na gele rie' batasa'na. 35#Mat. 11:27; Luk. 10:22Amma ngamaseang Ana' na maeng lapassareang ngase'mu mange ri Ana'. 36Inai jua tappa' mange ri Ana', languppai tallasa mannannungang, mingka inai jua gele tappa' mange ri Ana', ia gele laanjanjang tallasa, passangadinna hukkunganna Allataala tulusu larie' ri ia.”
वर्तमान में चयनित:
YAHYA 3: LAI_SLY
हाइलाइट
शेयर
कॉपी
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)
