Actau’r Apostolion 9

9
A.D. 35. —
1 Saul yn myned i Damascus; ei daro ef i lawr i’r ddaear; 10 a’i alw i fod yn apostol; 18 a’i fedyddio gan Ananeias: 20 yntau yn pregethu Crist yn hyderus. 23 Yr Iddewon yn cynllwyn i’w ladd ef, 29 a’r Groegwyr hefyd; yntau yn dianc rhag y ddwy blaid. 31 Yr eglwysi yn cael llonyddwch. 32 Pedr yn iacháu Aeneas o’r parlys, 36 ac yn codi Tabitha o farw i fyw.
1A #Pen 8:3; Gal 1:13; 1 Tim 1:13Saul eto yn chwythu bygythiau a chelanedd yn erbyn disgyblion yr Arglwydd, a aeth at yr archoffeiriad, 2Ac a ddeisyfodd ganddo lythyrau i Ddamascus, at y synagogau; fel os câi efe neb o’r ffordd #9:2 honno : Pen 19:9, 23 hon, na gwŷr na gwragedd, y gallai efe eu dwyn hwy yn rhwym i Jerwsalem. 3Ac #Pen 22:6; 26:12; 1 Cor 15:8fel yr oedd efe yn ymdaith, bu iddo ddyfod yn agos i Ddamascus: ac yn ddisymwth llewyrchodd o’i amgylch oleuni o’r nef. 4Ac efe a syrthiodd ar y ddaear, ac a glybu lais yn dywedyd wrtho, Saul, Saul, paham yr wyt yn fy erlid i? 5Yntau a ddywedodd, Pwy wyt ti, Arglwydd? A’r Arglwydd a ddywedodd, Myfi yw Iesu, yr hwn yr wyt ti yn ei erlid: #Pen 5:39caled yw i ti wingo yn erbyn y symbylau. 6Yntau gan grynu, ac â braw arno, a ddywedodd, Arglwydd, #Luc 3:10; Pen 2:37; 16:30beth a fynni di i mi ei wneuthur? A’r Arglwydd a ddywedodd wrtho, Cyfod, a dos i’r ddinas, ac fe a ddywedir i ti pa beth sydd raid i ti ei wneuthur. 7#Dan 10:7; Edrych Act 22:9; 26:13A’r gwŷr oedd yn cyd‐deithio ag ef a safasant yn #9:7 syn.fud, gan glywed y llais, ac heb weled neb. 8A Saul a gyfododd oddi ar y ddaear; a phan agorwyd ei lygaid, ni welai efe neb: eithr hwy a’i tywysasant ef erbyn ei law, ac a’i dygasant ef i mewn i Ddamascus. 9Ac efe a fu dridiau heb weled, ac ni wnaeth na bwyta nac yfed.
10Ac yr oedd rhyw ddisgybl yn Namascus, a’i enw Ananeias: a’r Arglwydd a ddywedodd wrtho ef mewn gweledigaeth, Ananeias. Yntau a ddywedodd, Wele fi, Arglwydd. 11A’r Arglwydd a ddywedodd wrtho, Cyfod, a dos i’r heol a elwir Union, a chais yn nhŷ Jwdas un a’i enw Saul, #Pen 21:39; 22:3o Darsus: canys, wele, y mae yn gweddïo; 12Ac efe a welodd mewn gweledigaeth ŵr a’i enw Ananeias yn dyfod i mewn, ac yn dodi ei law arno, fel y gwelai eilwaith. 13Yna yr atebodd Ananeias, O Arglwydd, mi a glywais gan lawer am y gŵr hwn, #Ad. 1faint o ddrygau a wnaeth efe i’th saint di yn Jerwsalem. 14Ac yma y mae ganddo awdurdod oddi wrth yr archoffeiriaid, i rwymo pawb sydd yn galw ar dy enw di. 15A dywedodd yr Arglwydd wrtho, Dos ymaith: canys #Pen 13:2; 22:21; Rhuf 1:1; Gal 1:15; Eff 3:8; 1 Tim 2:7; 2 Tim 1:11y mae hwn yn llestr etholedig i mi, i ddwyn fy enw gerbron #Rhuf 1:5y Cenhedloedd, a #Pen 25:22brenhinoedd, a phlant Israel. 16Canys #Pen 21:19; 2 Cor 11:23myfi a ddangosaf iddo pa bethau eu maint sydd raid iddo ef eu dioddef er mwyn fy enw i. 17Ac #Pen 22:12Ananeias a aeth ymaith, ac a aeth i mewn i’r tŷ; ac #Pen 8:17wedi dodi ei ddwylo arno, efe a ddywedodd, Y brawd Saul, yr Arglwydd a’m hanfonodd i, (Iesu yr hwn a ymddangosodd i ti ar y ffordd y daethost,) fel y gwelych drachefn, ac #Pen 8:15y’th lanwer â’r Ysbryd Glân. 18Ac yn ebrwydd y syrthiodd oddi wrth ei lygaid ef megis cen: ac efe a gafodd ei olwg yn y man; ac efe a gyfododd, ac a fedyddiwyd. 19Ac wedi iddo gymryd bwyd, efe a gryfhaodd. A bu Saul gyda’r disgyblion oedd yn Namascus dalm o ddyddiau. 20Ac yn ebrwydd yn y synagogau efe a bregethodd Grist, mai #Pen 8:37efe yw Mab Duw. 21A phawb a’r a’i clybu ef, a synasant, ac a ddywedasant, Onid hwn yw yr un oedd yn difetha yn Jerwsalem y rhai a alwent ar yr enw hwn, ac a ddaeth yma er mwyn hyn, fel y dygai hwynt yn rhwym at yr archoffeiriaid? 22Eithr Saul a gynyddodd fwyfwy o nerth, ac a orchfygodd yr Iddewon oedd yn preswylio yn Namascus, gan gadarnhau mai hwn yw y Crist.
23Ac wedi cyflawni llawer o ddyddiau, cydymgynghorodd yr Iddewon i’w ladd ef. 24#2 Cor 11:32Eithr eu cydfwriad hwy a wybuwyd gan Saul: a hwy a ddisgwyliasant y pyrth ddydd a nos, i’w ladd ef. 25Yna y disgyblion a’i cymerasant ef o hyd nos, ac #Jos 2:15; 1 Sam 19:12a’i gollyngasant i waered #9:25 ar hyd.dros y mur mewn basged. 26#Pen 22:17A Saul, wedi ei ddyfod i Jerwsalem, a geisiodd ymwasgu â’r disgyblion: ac yr oeddynt oll yn ei ofni ef, heb gredu ei fod ef yn ddisgybl. 27Eithr #Pen 4:36Barnabas a’i cymerodd ef, ac a’i dug at yr apostolion, ac a fynegodd iddynt pa fodd y gwelsai efe yr Arglwydd ar y ffordd, ac ymddiddan ohono ag ef, ac mor hy a fuasai efe yn Namascus yn enw yr Iesu. 28Ac #Gal 1:18yr oedd efe gyda hwynt, yn myned i mewn ac yn myned allan, yn Jerwsalem. 29A chan fod yn hy yn enw yr Arglwydd Iesu, efe a lefarodd ac a ymddadleuodd yn erbyn y #Pen 6:1Groegiaid; a hwy a geisiasant ei ladd ef. 30A’r brodyr, pan wybuant, a’i dygasant ef i waered i Cesarea, ac a’i hanfonasant ef ymaith i Darsus. 31Yna yr eglwysi trwy holl Jwdea, a Galilea, a Samaria, a gawsant heddwch, ac a adeiladwyd; a chan rodio yn ofn yr Arglwydd, ac yn niddanwch yr Ysbryd Glân, hwy a amlhawyd.
32A bu, a Phedr yn tramwy #9:32 heibio i bawb.#Pen 8:14trwy’r holl wledydd, iddo ddyfod i waered at y saint hefyd y rhai oedd yn trigo yn Lyda. 33Ac efe a gafodd yno ryw ddyn a’i enw Aeneas, er ys wyth mlynedd yn gorwedd ar wely, yr hwn oedd glaf o’r parlys. 34A Phedr a ddywedodd wrtho, Aeneas, y mae Iesu Grist yn dy iacháu di: cyfod, a chyweiria dy wely. Ac efe a gyfododd yn ebrwydd. 35A phawb a’r oedd yn preswylio yn Lyda a #1 Cron 5:16Saron a’i gwelsant ef, ac a ymchwelasant at yr Arglwydd.
36Ac yn Jopa yr oedd rhyw ddisgybles a’i henw Tabitha, (yr hon os cyfieithir a elwir #9:36 Neu, Ewig.Dorcas;) hon oedd yn llawn o #Titus 3:8weithredoedd da ac elusennau, y rhai a wnaethai hi. 37A digwyddodd yn y dyddiau hynny iddi fod yn glaf, a marw: ac wedi iddynt ei golchi, hwy a’i dodasant hi #Pen 1:13mewn llofft. 38Ac oherwydd bod Lyda yn agos i Jopa, y disgyblion a glywsant fod Pedr yno; ac a anfonasant ddau ŵr ato ef, gan ddeisyf #9:38 na fyddai flin ganddo.nad oedai ddyfod hyd atynt hwy. 39A Phedr a gyfododd, ac a aeth gyda hwynt. Ac wedi ei ddyfod, hwy a’i dygasant ef i fyny i’r llofft: a’r holl wragedd gweddwon a safasant yn ei ymyl ef yn wylo, ac yn dangos y peisiau a’r gwisgoedd a wnaethai Dorcas tra ydoedd hi gyda hwynt. 40Eithr Pedr, wedi eu bwrw hwy i gyd allan, a dodi ei #Pen 7:60liniau ar lawr, a weddïodd; a chan droi at y corff, a ddywedodd, Tabitha, cyfod. A hi a agorodd ei llygaid; a phan welodd hi Pedr, hi a gododd yn ei heistedd. 41Ac efe a roddodd ei law iddi, ac a’i cyfododd hi i fyny. Ac wedi galw y saint a’r gwragedd gweddwon, efe a’i gosododd hi gerbron yn fyw. 42A hysbys fu trwy holl Jopa; a llawer a gredasant yn yr Arglwydd. 43A bu iddo aros yn Jopa lawer o ddyddiau gydag un #Pen 10:6Simon, barcer.

वर्तमान में चयनित:

Actau’r Apostolion 9: BWM1955C

हाइलाइट

शेयर

कॉपी

None

Want to have your highlights saved across all your devices? Sign up or sign in