Embandizo 5
5
Adamu n'oruzarorwe
1Eki nikyo kitabo ky'oruzaro rwa Adamu. Kiro ekyo Ruhanga yatonzire omuntu, akamutonda omu mishusireye. 2Akatonda omushaija n'omukazi, yabaha omugisha, yamara yabeta Bantu. 3Adamu kayagobize emyaka kikumi mwo makumi gashatu nirwo yazaire omwana w'omwojo; omwana amushusira kimoi amweta Seti. 4Kayabaire yazaire Seti akarora emyaka endijo runana. Akazara abojo abandi n'abaisiki. 5Kityo ebiro byona hamoi ebyo Adamu yarozire, myaka rwendai mwo makumi gashatu; aho afa.
6Seti kayabaire aina emyaka kikumi n'etanu nirwo yazaire Enoshi. 7Kumara kuzara Enoshi akarora emyaka endijo runana na mushanju. Akazara abojo abandi n'abaisiki. 8Kityo ebiro byona hamoi ebyo Seti yarozire myaka rwendai mwo ikumi n'ebili; aho afa.
9Enoshi kayabaire aina emyaka kyendai nirwo yazaire Kenani. 10Kayabaire yazaire Kenani, akarora emyaka endijo runana mwo ikumi n'etanu. Akazara abojo abandi n'abaisiki. 11Kityo ebiro byona hamoi ebyo yarozire myaka rwendai n'etanu; aho afa.
12Kenani kayabaire aina emyaka nshanju nirwo yazaire Mahalaleli. 13Kayabaire yazaire Mahalaleli akarora emyaka endijo runana mwo makumi ganai. Akazara abojo abandi abojo n'abaisiki. 14Kityo ebiro byona hamoi ebyo Kenani yarozire myaka rwendai na ikumi; aho afa.
15Mahalaleli kayabaire aina emyaka nkaga n'etanu nirwo yazaire Yaredi. 16Kayabaire yazaire Yaredi akarora emyaka endijo runana mwo makumi gashatu. Akazara abojo abandi n'abaisiki. 17Kityo ebiro byona hamoi ebyo yarozire myaka runana mwo kyendai n'etanu; aho afa.
18Yaredi kayabaire aina emyaka kikumi mwo nkaga n'ebili nirwo yazaire Henoki. 19Kayabaire yazaire Henoki akarora emyaka endijo runana. Akazara abojo abandi n'abaisiki. 20Kityo ebiro byona hamoi ebyo yarozire myaka rwendai mwo nkaga n'ebili; aho afa.
21Henoki kayabaire aina emyaka nkaga n'etanu nirwo yazaire Metusela. 22Kayabaire yazaire Metusela, yaguma ahali Ruhanga, yarora emyaka endijo bikumi bishatu. Akazara abojo abandi n'abaisiki. 23Kityo ebiro byona hamoi ebyo yarozire myaka bikumi bishatu mwo nkaga n'etanu. 24Akaguma ahali Ruhanga, ahanyuma yaba atakizoka rundi aha rw'okuba Ruhanga akamutwara.
25Metusela kayabaire aina emyaka kikumi mwo kinana na mushanju nirwo yazaire Lameki. 26Kayabaire yazaire Lameki akarora emyaka endijo rushanju mwo kinana n'ebili. Akazara abojo abandi n'abaisiki. 27Kityo ebiro byona hamoi ebyo yarozire myaka rwendai mwo nkaga na mwendai; aho afa.
28Lameki kayabaire aina emyaka kikumi mwo kinana n'ebili nirwo yazaire omwana w'omwojo, 29eibara amweta Noa, nagamba ati, “Ogu niwe alitutambira enaku ezo tubona omu milimo n'okufa kubi nitukoza emikono yaitu, kuba eitaka Omukama akaliraama.” 30Kayabaire yazaire Noa, akarora emyaka endijo kikumi mwo kyendai n'etanu. Akazara abojo abandi n'abaisiki. 31Kityo ebiro byona hamoi ebyo yarozire myaka rushanju mwo nshanju na mushanju; aho afa.
32Noa kayabaire aina emyaka bikumi bitanu, nirwo yazaire Shemu, Hamu na Yafeti.
वर्तमान में चयनित:
Embandizo 5: RHAY01
हाइलाइट
शेयर
कॉपी
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
