मत्ती 9

एक लकवे दे रोगी गी चंगा करना

1पी ओ किशती उपर चढ़ीयै पार गीया, ते अपने शैर च आया। 2ते, केश लोग एक लकवे दे रोगी गी खट्टे उपर रखियै ओदे कोल लेई आए। यीशु ने उन्दा बश्वास दिखियै, ओस लकवे दे रोगी गी आखया, “ए पुत्तर, इम्त रख; तेरे पाप माफ़ ओईए।” 3ते केई शास्त्रियें सोचया, “ऐ तां परमेसर दी निंदया करदा ऐ।” 4यीशु ने उन्दे मन दी गल्लें गी समझीयै गलाया, “तोस लोग अपने-अपने मनें च बुरी सोच कि करा दे ओ? 5ठीक के ऐ? ए गलाना, तेरे पाप माफ़ ओए जां ए गलाना, उठ ते चल फेर। 6पर एसकरी के तुसेंगी पता चली जा के आऊँ मनुक्ख दा पुत्तर गी तरती उपर पाप माफ़ करने दा अख्त्यार ऐ, ओनें लकके दे रोगी गी आखया, ओठ ते अपनी खट चोक, ते अपने कर चली जा।” 7ओ एकदम उठीयै अपनी खट चुकियै अपने कर गी चली गीया। 8लोग ऐ दिखियै डरी गै ते परमेसर दी मैमा करना लगे जेस ने मनुक्ख गी ऐ नियां अख्त्यार दिता दा ऐ।

यीशु थमां मत्ती गी बलाया जाना

9उत्त्थुआं दा अगें गी ज्न्दे यीशु ने मत्ती नां दे एक मानुये गी चुन्गी दी चौकी उपर बैठे दा दिखया, ते उसी आखया, “मेरे पिछें ओई जाओ उथुन्यां दा उठीयै ओदे पिछें आई गीया।”

10“ते जिसलै ओ कर च रुट्टी खाणे गी बैठे तां मते सारे चुन्गी लेने आले ते पापी आईयै यीशु ते ओदे चेलें कन्ने रुट्टी खाणे गी बैठे। 11ए सब केश दिखियै फरीसियें ओदे चेलें गी आखया, थुआड़ा गुरु चुन्गी लेने आलें कन्ने ते पापियें कन्ने कि खंदा ऐ? 12ए सुनीयै यीशु ने उंदे कन्ने आखया, वैद पलें-चंगे आसतै नेई पर बमारें लेई जरुरी ऐ। 13एसकरी तोस जाईयै एस दा मतलब समझी लियो; आऊँ बलि दा दान नेई पर दया चानां ऐं। किके आऊँ तर्मियें गी नेई, पर पापियें गी बलाने आएदा ऐं।”

यूहन्ना दे चेलें दा उपवास करने दा सुयाल

14ओस बेलै यूहन्ना दे चेलें ओदे कोल आईयै आखया, “के गल ऐ के अस ते फरीसी इनें उपवास क्र्न्यां न, ते तेरे चेलें उपवास नेई करदे? 15यीशु ने उनेंगी आखया, के बराती, जेसलै तकर मराज उंदे कन्ने ऐ, बसोस करी सकदे न? लेकन ओ देन आई जाने न जिसलै मराज उंदे थमां बाख कित्ता जाग, ओस बेलै ओ उपवास करघंन। 16नमें कपड़े दा पैबन्द पराने कपड़े दे उपर कोई नेई लांदा, किके ओ पैबन्द ओस कपड़े थमां ओर केश खिची लैंदा ऐ, ते ओ मता फटी जंदा ऐ। 17ते लोग नमां अंगुरें दा रस परानी छागलें च नेई परदे न, किके इयां करने कन्ने मशकां फटी जनदीयां न ते अंगुरें दा रस रूडी जन्दा ऐ ते मशकां नाश ओई जनदीयां न; पर नमां अंगुरें दा रस नमीं मशकें च परदे न ते ओ दूऐ खराब नेई ओन्दे न।”

मरी दी कुड़ी गी जिन्दा ओना

18“ओ उंदे कन्ने ऐ गल्लां करा दा गै हा, के दिखो एक यहूदी अगबें ने आईयै उसी प्रणाम कित्ता ते आखया, मेरी कूडी हूंन गै मरी गेई ऐ, लेकन चलीयै अपना हत्त्थ ओस उपर रख, तां ओ जिंदी ओई जानी ऐ। 19यीशु उठीयै अपने चेलें समेत ओदे पिछें आई गीया। 20ते दिखो, एक जनांनी ने जिसी बारें सालें थमां खून पौंदा हा, ओदे पिछुंयां दा आईयै ओदे कपड़े दी चूग गी छुई लेता। 21किके ओ अपने मने च आखदी ही, अगर आऊँ ओदे कपड़े गी गै छुई लेगी तां चंगी ओई जागी। 22यीशु ने मुड़ीयै उसी दिखया ते आखया, बेटी इम्त रख; तेरे विश्वास ने तुगी चंगा करी दिता ऐ। इनें च ओ जनांनी उसै बेलै चंगी ओई गयी। 23जिसलै यीशु ओस अगबें दे कर च पुज्जया ते बौंसरी बजाने आलें गी ते पीड गी छोर मचांदै दिखया 24ओस बेलै आखया, पिछें अटी जाओ, कुड़ी मरी दी नेई, लेकन सुती दी ऐ। एस गल उपर ओ ओदा मजाक डुआना लगे। 25पर जिसलै पीड बार कढी उडी, तां ओसने अन्दर आईयै कुड़ी दा अथ्थ पकड़या, ते ओ जींदी ओई गयी। 26ते एस गल्ल दी चर्चा ओस सारै देश बेच फैली गयी।”

अन्नें दा विश्वास

27जिसलै यीशु उत्त्थुआं दा अगें गी गीया, ते दो अन्नें ओदे पिछें ऐ आखदे ओई आए, “ए दाऊद दी औलाद, साड़े उपर दया कर!” 28जिसलै ओ कर च पुज्जया, ते ओ अन्नें ओदे कोल आए, ते यीशु ने उनेंगी आखया, के तुसेंगी विश्वास ऐ के आऊँ थोड़ीयां अख्खीं खोली सकनां ऐं? उनै ओदे कन्ने आखया आं, प्रभु! 29ओस बेलै ओनें उंदीयां अखीयाँ छुईयै आखया, थुआड़े विश्वास दे मताबक थुआड़े आसतै उयांगै ओई जा। 30ते उन्दिआं अखीयाँ खुली गेईयां। यीशु ने उनेंगी ठाकीयै खबरदार कित्ता ते आखया खबरदार, कुसे गी बी एस गल दा पता नेई लगे के मैं थुआड़े आसतै के कित्ता ऐ। 31पर उनै उत्त्थुआं दा निकलियै सारै लाके च ओस गल दी चर्चा फलाई दिती।

एक जल्ले दी चंगाई

32जिसलै ओ दुए अन्नें बार जा करदे हे, ओस बेलै, लोग एक जल्ले गी जेसदे बेच दोष्ट आत्मा ही, ओदे कोल लेई आए; 33ते जेसलै दोष्टआत्मा कढी उडी तां जल्ला बोलनां लगी पिया। ते पीड ने रान ओईयै आखया, “इस्राएल च इयै नियां ओये दा असैं कदें बी नेई दिखया।” 34पर फरीसियें आखया, “ऐ तां दोष्टआत्मायें दे शासके दी मदद कन्ने दोष्टआत्मायें गी कढदा ऐ।”

मजदूरें गी पेजनें दी अर्ज

35ते यीशु ते ओदे चेलें गालील दे सारें शैरें च ते घरां च फिरदा रे, ते ओ उंदे प्रार्थनाकार च शिखया दिंदा, ते परमेसर दे राज दा शोभ समाचार दा परचार करदा, ते अर किसम दी बमारी ते कमजोरी गी दूर करदा रिया। 36जिसलै ओसने पीड गी दिखया तां उसी लोकें उपर तरस आया, किके ओ उनै पिड्डें आला लेखा हे, जिन्दा कोई गुआल नेई ओंदा, परेशान ते पटकें आला लेखा हे। 37ओस बेलै ओनें अपने चेलें गी आखया, “पक्के दे खेतर मते न, लेकन मजदूर थुड़े न। 38एस आसतै खेतरें दे मालके अगें अर्ज करो के ओ अपने खेतरें च कम करने आसतै मजदूरें गी पेजी दियै।”

वर्तमान में चयनित:

मत्ती 9: DOG

हाइलाइट

कॉपी