LUKA 20
20
1NA mũthenya ũmwe gũgĩkinya atĩrĩ, atĩ rĩrĩa aarutaga andũ ũhoro hekarũ-inĩ, akahunjia Ũhoro-ũrĩa-Mwega, athĩnjĩri-Ngai arĩa anene na aandĩki-marũa, marĩ hamwe na athuri, magĩũka harĩ we, 2makĩmwarĩria makĩmwĩra atĩrĩ, Twĩre: wĩkaga maũndũ maya na wathani ũrĩkũ? Kana ũrĩa wakũheire wathani ũcio nũ? 3Nake akĩmacokeria akĩmera atĩrĩ, Na niĩ nĩngũmũũria kiugo kĩmwe, na mũnjokerie: 4Atĩrĩrĩ, ũbatithania wa Johana woimire Igũrũ, kana woimire kũrĩ andũ? 5Nao magĩĩciria, makĩĩrana atĩrĩ, Tũngĩkiuga, Woimire Igũrũ, nĩegũtũũria, Nĩ kĩ kĩagiririe mwĩtĩkie ũhoro wake? 6Na tũngiuga, Woimire kũrĩ andũ-rĩ, andũ othe nĩmegũtũhũra na mahiga: nĩ gũkorũo nĩmetĩkĩtie atĩ Johana aarĩ mũnabii. 7Nao magĩcokia atĩ matioĩ kũrĩa woimĩte. 8Nake Jesu akĩmera atĩrĩ, O na niĩ-rĩ, ndimwĩra wathani ũrĩa njĩkaga maũndũ maya naguo.
9 #
Isa 5.1. Nake agĩitĩka kwĩra andũ ngerekano ĩno, atĩrĩ: Mũndũ ũmwe nĩaahandire mũgũnda wa mĩthabibu, akĩũkomborithia arĩmi, agĩthiĩ bũrũri ũngĩ, agĩikara kũu ihinda iraya. 10Na rĩrĩ, kĩmera gĩakinya, akĩrekeria arĩmi acio ngombo, makamĩnengere maciaro mamwe ma mũgũnda ũcio: no arĩmi makĩmĩhũra, makĩmĩhũndũra ĩtarĩ na kĩndũ. 11Agĩcoka akĩrekia ngombo ĩngĩ: o nayo makĩmĩhũra, makĩmĩconora, makĩmĩhũndũra ĩtarĩ na kĩndũ. 12Agĩcoka akĩrekia ĩngĩ ya gatatũ: o nayo makĩmĩtihia, makĩmwagararia rũgiri rũa mũgũnda. 13Nake mwathani wa mũgũnda ũcio wa mĩthabibu akiuga atĩrĩ, Ngũgĩĩka atĩa? Nĩngũrekia mũrũ wakwa ũrĩa nyendete mũno: hihi we nĩmakamũconokera. 14No rĩrĩ, arĩmi acio maamuona, makĩĩrana atĩrĩ, Ũyũ nĩwe ũkegaĩrũo mũgũnda. Nĩtũmũũragei, nĩ getha igai rĩake rĩtuĩke riitũ. 15Magĩkĩmwagararia rũgiri rũa mũgũnda, makĩmũũraga. Nĩ ũndũ ũcio-rĩ, mwathani wa mũgũnda akameka atĩa? 16Nĩagoka anine arĩmi acio, acoke ahe andũ angĩ mũgũnda ũcio. Nao maaigua ũguo, makiuga atĩrĩ, Kũroaga gwĩkwo ũguo! 17#Thab 118.22.Nowe akĩmarora, akiuga atĩrĩ, Akorũo ti ũguo, kaĩ ũhoro ũyũ wandĩkĩtwo ũkĩrĩ wa kĩ, atĩ
Ihiga rĩrĩa rĩaregirũo nĩ aaki
Nĩrĩo rĩtuĩkĩte o rĩrĩa inene rĩa koine?
18O mũndũ ũrĩa ũkagũĩra ihiga rĩu, nĩagathuthĩka; no ũrĩa ũkagũĩrũo nĩrĩo, rĩkamũharagania o ta rũkũngũ.
19Nao aandĩki-marũa na athĩnjĩri-Ngai arĩa anene magĩcaria ũrĩa mangĩmũnyitithia o ro thaa ĩo; na magĩĩtigĩra kĩrĩndĩ: nĩ ũndũ nĩmaamenyire atĩ nĩaagerekanirie ngerekano ĩo nĩ ũndũ wao. 20Magĩkĩmũcũthĩrĩria, makĩrekia athigani; nao magĩthiĩ metuĩte ta andũ ega, nĩ getha mamũnyite ũhoro-inĩ ũrĩa aaragia, nĩguo mamũneane kũrĩ andũ arĩa maarĩ na hinya o na wathani ũrĩa wa barũthi. 21Nao athigani acio makiuga atĩrĩ, Mũrutani, nĩtũũĩ atĩ nĩwaragia na ũkarutana ũtekũhĩtia, na ndwĩtĩkagĩra mũndũ nĩ ũndũ wa ũrĩa ahaana, no nĩũrutanaga ũhoro wa njĩra ya Ngai na ma: 22atĩrĩ, Nĩ wega tũrutagĩre Kaisari mbia cia igoti, kana ti wega? 23Nowe akĩmenya ũhinga wao, akĩmera atĩrĩ, 24Nyoniai ciringi#20.24 Ciringi: rora karatathi ka 1,418.. Rĩu-rĩ, ĩno ĩĩ na mũhianano wa ũ, o na rĩĩtwa rĩa ũ? Nao makĩmwĩra atĩrĩ, Nĩ cia Kaisari. 25Akĩmera atĩrĩ, Akorũo nĩ ũguo, nengagĩrai Kaisari indo cia Kaisari, nake Ngai mũmũnengagĩre indo cia Ngai. 26Nao makĩaga kuona ũndũ ciugo-inĩ icio ũrĩa mangĩhota kũmũthitaka naguo mbere ya kĩrĩndĩ: na makĩgega nĩ ũndũ wa ũrĩa aacokirie ũhoro, magĩgĩĩkirĩra.
27 #
Atũm 23.8. Na rĩrĩ, gũgĩũka kũrĩ we Asadukai amwe, nĩo arĩa moigaga atĩ andũ arĩa akuũ matikariũka; nao makĩmũũria 28#Gũcok 25.5.makiuga atĩrĩ, Mũrutani, Musa nĩaatwandĩkĩire ũhoro atĩ mũrũ wa nyina na mũndũ angĩkua arĩ na mũtumia na ndatige mwana, mũrũ wa nyina nĩathambie mũtumia ũcio, acokerie mũrũ wa nyina mbeũ. 29Na rĩrĩ, kwarĩ andũ a nyina ũmwe mũgwanja: na ũrĩa mũkũrũ wao akĩhikania, agĩcoka agĩkua atarĩ na mwana. 30Nake ũrĩa wa kerĩ agĩthambia mũtumia ũcio, [agĩkua atarĩ na mwana]; 31o na ũrĩa wa gatatũ nake akĩmũthambia; nao acio othe mũgwanja o ũndũ ũmwe, na magĩkua matarĩ na mwana. 32Thutha wa ũguo mũtumia ũcio o nake agĩkua. 33Nĩ ũndũ ũcio, rĩrĩa arĩa akuũ makariũka-rĩ, mũtumia ũcio agagĩtuĩka wa ũ, andũ acio? Nĩ gũkorũo aarĩ mũtumia wao othe mũgwanja.
34Nake Jesu akĩmacokeria akĩmera atĩrĩ, Andũ a mahinda maya nĩmahikanagia na makahikio: 35no rĩrĩ, arĩa magatuwo aagĩrĩru a gũkinya mahinda marĩa magoka, o na gũkinya hĩndĩ ĩrĩa arĩa akuũ makariũka, acio-rĩ, matikahikanagia kana mahikio: 36nĩ gũkorũo matikahota gũcoka gũkua o na rĩ: nĩ ũndũ nĩmagakorũo maiganaine na araika; na marĩ ciana cia Ngai, makĩrĩ ciana cia ũhoro ũcio wa kũriũka. 37#Thama 3.6.Naguo ũhoro wa arĩa akuũ atĩ nĩmariũkagio-rĩ, Musa o nake nĩaawonanirie, harĩa harĩ ũhoro wa Kĩhinga, rĩrĩa aatuire Mwathani ũũ: Ngai wa Iburahimu, na Ngai wa Isaaka, o na Ngai wa Jakubu. 38Rĩu-rĩ, we, ti Ngai wa arĩa akuũ, no wa arĩa marĩ muoyo: nĩ gũkorũo arĩa othe marĩ muoyo matũũragio nĩwe. 39Nao andũ amwe aa aandĩki-marũa makĩmũcokeria, makĩmwĩra atĩrĩ, Mũrutani, nĩwoiga wega: 40nĩ ũndũ matiigana gweta gũcoka kũmũũria ũndũ ũngĩ o na ũrĩkũ.
41Nake akĩmoria atĩrĩ, Andũ moigaga atĩ Kristo nĩ mũrũ wa Daudi nĩ ũndũ kĩ? 42#Thab 110.1.Nĩ gũkorũo Daudi we mwene oigire ibuku-inĩ rĩa Thaburi ũũ:
Mwathani nĩerire Mwathani wakwa atĩrĩ,
Ikara thĩ guoko-inĩ gwakwa kwa ũrĩo,
43Mũira wa ngatũma thũ ciaku ituĩke gaturũa ka makinya maku.
44O ũguo-rĩ, Daudi nĩakĩmũtuaga Mwathani; angĩkĩhota atĩa gũtuĩka mũriũ?
45Nake akĩĩra arutwo ake ũhoro ũyũ, andũ othe makĩiguaga, atĩrĩ, 46Wĩmenyagĩrĩrei aandĩki-marũa, arĩa mendaga gũceera mehumbĩte nguo ndaya, na makenda kũgeithagio ing’ang’a-inĩ, na gũikaragĩra itĩ cia mbere thunagogi-inĩ, o nacio iria cia gũtĩo maruga-inĩ; 47na no-o manyamaragia nyũmba cia atumia a ndigwa, o makĩhoyaga mahoya maraya nĩ ũndũ wa ũhinga: acio nĩo magatuĩrũo ituĩro rĩũru makĩria.
वर्तमान में चयनित:
LUKA 20: OGKBIBLE
हाइलाइट
शेयर
कॉपी
Want to have your highlights saved across all your devices? Sign up or sign in
©Bible Society of Kenya, 2019
