JOHANA 8
8
1No rĩrĩ, Jesu we agĩthiĩ kĩrĩma kĩa Mĩtamaiyũ. 2Ningĩ rũcinĩ tene agĩcoka o hekarũ-inĩ, na andũ othe magĩthiĩ kũrĩ we, nake agĩikara thĩ, akĩgwata kũmaruta ũhoro. 3Nao aandĩki-marũa na Afarisai makĩrehe mũtumia wanyitirũo agĩtharia, na maarĩkia kũmũrũgamia gatagatĩ-inĩ, 4makĩmwĩra atĩrĩrĩ, Mũrutani, mũndũ mũka ũyũ aanyitwo o agĩtharia. 5#Alaw 20.10; Gũcok 22.22-24.Rĩu-rĩ, watho-inĩ, Musa aatwĩrire tũhũre aka ta acio na mahiga nyuguto tũmorage: wee ũgũkiuga atĩa ũhoro wake? 6Na moigire ũguo mamũgerie, mone ũndũ wa kũmũthitakĩra. Nake Jesu akĩinamĩrĩra, akĩgwata kwandĩka thĩ na kĩara. 7Ningĩ maakĩrũmanĩria kũmũũria, agĩĩtiira, akĩmera atĩrĩ, Inyuĩ ũrĩa ũtarĩ ehia-rĩ, nĩakĩambe amũikĩrie ihiga. 8Agĩcoka o kũinamĩrĩra, akĩandĩka thĩ na kĩara. 9Nao, maaigua ũguo, makĩgwata kuuma ũmwe ũmwe, marutĩtie harĩ arĩa akũrũ, o nginya ũrĩa wa kũrigĩrĩria; Jesu agĩtigwo wiki, na mũtumia arũngiĩ o hau gatagatĩ. 10Nake Jesu agĩĩtiira, akĩmũũria atĩrĩ, Me ha, mũtumia ũyũ? Anga gũtirĩ mũndũ wagũtuĩra? 11Nake akiuga, Gũtirĩ, mũthuri ũyũ. Nake Jesu akiuga atĩrĩ, Na niĩ ndigũgũtuĩra; thiĩ, thutha ũyũ ndũkanacoke kwĩhia.]
12 #
Mat 5.14; Joh 9.5. Nake Jesu agĩcoka akĩarĩria andũ rĩngĩ, akiuga, Nĩ niĩ ũtheri wa thĩ; mũndũ aanũmĩrĩra niĩ ndarĩthiaga na nduma, ĩndĩ arĩgĩaga na ũtheri wa muoyo. 13#Joh 5.31.Afarisai magĩkĩmwĩra atĩrĩ, Ũkuumbũra ũhoro waku wee mwene; ũira waku ti wa ma. 14Nake Jesu agĩcokia akĩmera atĩrĩrĩ, O na ndoimbũra ũhoro wakwa niĩ mwene-rĩ, ũira wakwa no wa ma, tondũ nĩnjũĩ kũrĩa ndoimire, na ngamenya kũrĩa ngũthiĩ; inyuĩ mũtiũĩ kũrĩa nyumĩte kana kũrĩa ngũthiĩ. 15Inyuĩ-rĩ, mũtuagĩra mũndũ na ũmwĩrĩ; niĩ ndirĩ mũndũ nduagĩra. 16No ningĩ, o na ingĩtuĩka nĩndĩratuanĩra-rĩ, itua rĩakwa no rĩa ma, nĩ gũkorũo ndirĩ nyiki, nĩ niĩ na Ithe witũ ũrĩa wandekirie. 17#Gũcok 19.15.Na ningĩ, watho-inĩ wanyu nĩhaandĩkĩtwo atĩ ũira wa andũ erĩ nĩ wa ma. 18Nĩ niĩ nyumbũraga ũhoro wakwa niĩ mwene, o nake Ithe witũ ũrĩa wandekirie nĩoimbũraga ũhoro wakwa. 19Nao magĩkĩmũũria atĩrĩ, Thoguo e kũ? Nake Jesu agĩcokia atĩrĩrĩ, Niĩ mũtinjũĩ, o nake Awa mũtimũũĩ; mũngĩ’menyete niĩ, nĩmũngĩmenyete Awa nake. 20Ndeto icio aaririe e harĩa haarekagio mũhothi, akĩrutana kũu hekarũ; na gũtirĩ mũndũ wakĩmũnyitire, nĩ ũndũ ihinda rĩake rĩtiakinyĩte.
21Agĩkĩmera o rĩngĩ atĩrĩrĩ, Niĩ nĩ gwĩthiĩra ngwĩthiĩra, na inyuĩ mũkanjaria, na mũgakua mũrĩ o na wĩhia wanyu; kũu ngũthiĩ-rĩ, inyuĩ mũtingĩhota gũkinya. 22Tondũ ũcio Ayahudi makiuga atĩrĩ, Kaĩ ekwĩũraga, tondũ oiga, Kũu ngũthiĩ, inyuĩ mũtingĩhota gũkinya? 23Nake akĩmera, Inyuĩ mũrĩ a na thĩ, niĩ ndĩ wa na igũrũ; inyuĩ mũrĩ a gũkũ thĩ, niĩ ndirĩ wa gũkũ thĩ. 24Nĩkĩo ndamwĩra nĩ gũkua mũgakua mũrĩ o na mehia manyu; amu mwaaga gwĩtĩkia atĩ nĩ niĩ ũrĩa we, mũgakua mwĩ na mehia manyu. 25Magĩkĩmũũria atĩrĩ, Wee, nĩwe ũ? Nake Jesu akĩmera atĩrĩrĩ, To ũrĩa ndũire ndĩmwĩraga o gwata kĩambĩrĩria? 26Ndĩ na maũndũ maingĩ mbatairio nĩ kũmuugĩra o na kũmũcirithĩria; no rĩrĩ, ũrĩa wandekirie nĩ wa ma; na niĩ maũndũ marĩa njĩrĩtwo nĩwe, nomo njĩraga kĩrĩndĩ. 27Nao matiigana kũigua atĩ nĩ Ithe witũ aagwetaga akĩmera ũguo. 28Tondũ ũcio Jesu akiuga atĩrĩ, Rĩrĩa mũgakorũo mũhaicĩtie Mũrũ wa Mũndũ igũrũ, nĩrĩo mũkamenya nĩ niĩ ũrĩa we, na mũmenye ndirĩ ũndũ njĩkaga ndĩĩĩrĩte niĩ mwene, mũmenye atĩ ngiuga maũndũ maya ngwaria o ta ũrĩa Ithe witũ aandutire. 29Nake ũcio wandekirie tũrĩ o nake; ndandigĩte nyiki, amu hingo ciothe niĩ njĩkaga o maũndũ marĩa mamũkenagia. 30Rĩrĩa aaragia ndeto icio, andũ aingĩ makĩya kũmwĩhoka.
31Tondũ ũcio Jesu akĩĩra Ayahudi arĩa maamwĩtĩkĩtie atĩrĩ, Inyuĩ mwatũũra o mwĩtĩkĩtie uuge wakwa, mũrĩ arutwo akwa kũna, 32na nĩmũkamenya ũhoro-ũrĩa-wa-ma, naguo ũhoro-wa-ma ũmũkũũre ũkombo-inĩ. 33#Mat 3.9; Luk 3.8.Nao makĩmũcokeria atĩrĩ, Ithuĩ-rĩ, tũrĩ njiaro cia Iburahimu, na tũtirĩ twatuĩka ngombo cia mũndũ; nĩ atĩa ũguo woiga, atĩ, Mũgakũũrũo ũkombo-inĩ? 34Nake Jesu akĩmacokeria atĩrĩrĩ, Ndamwĩra o ma, ma Mũndũ o wothe wĩhagia nĩ ngombo ya wĩhia. 35Nayo ngombo ti ya gũikaraga mũciĩ tene na tene; mũriũ wa mwene mũciĩ-rĩ, we nĩwe ũikaraga kuo tene na tene. 36Tondũ ũcio akorũo nĩ Mũriũ ũkamũkũũra ũkombo-inĩ-rĩ, nĩ gũkũũrũo mũgakũũrũo kũna. 37Nĩnjũĩ mũrĩ njiaro cia Iburahimu; ĩndĩ-rĩ, nĩ kũnjũraga mũkwenda kũnjũraga, nĩ ũndũ uuge wakwa nduonete ũikaro thĩinĩ wanyu. 38Niĩ njugaga maũndũ marĩa nyonete twĩ na Awa; inyuĩ na inyuĩ mwĩkaga maũndũ marĩa mũiguĩte na ithe wanyu. 39Nao magĩcokia makĩmwĩra atĩrĩ, Ithe witũ no Iburahimu. Nake Jesu akĩmera, Mũngĩrĩ ciana cia Iburahimu-rĩ, nĩ gwĩka mũngĩĩkaga maũndũ ma Iburahimu. 40No rĩu mũkwenda kũnjũraga, ndĩ mũndũ ũmũheete ũhoro-ũrĩa-wa-ma, ũrĩa ndaiguire harĩ Ngai; ũguo tiguo Iburahimu ekaga. 41Inyuĩ-rĩ, mwĩkaga maũndũ ma ithe wanyu. Nao makĩmwĩra atĩrĩ, Tũtirĩ ciana cia maraya ithuĩ; twĩ na Ithe witũ o ũmwe, nĩwe Ngai. 42Nake Jesu akĩmera atĩrĩrĩ, Ngai angĩrĩ Ithe wanyu, niĩ mwanyenda, nĩ gũkorũo nĩndoimanire na Ngai, ngoka gũkũ nyumĩte kũrĩ we; amu ti gwĩtũma ndĩĩtũmĩte niĩ mwene; we nĩwe wandekirie. 43Mũtimenyaga mĩario yakwa nĩkĩ? NĨ rĩrĩ, nĩ ũndũ mũtiendaga kũigua ũhoro ũrĩa ndĩ naguo. 44Inyuĩ-rĩ, mũrĩ a ithe wanyu mũcukani, namo maũndũ marĩa ithe wanyu eriragĩria nĩmo mwendaga gwĩka. We aarĩ mũũragani kuuma o kĩambĩrĩria, na ndaigana kwĩrũgamania na ũhoro-ũrĩa-wa-ma, nĩ gũkorũo ndarĩ na ũhoro-wa-ma o na hanini ngoro yake. Rĩrĩa ekwaria maheni, nĩ ũhoro wa ngoro yake mwene aaragia; amu nĩ wa maheni, na nowe ithe wamo. 45Ĩndĩ niĩ-rĩ, tondũ njugaga ũhoro-ũrĩa-wa-ma, mũkarega kũnjĩtĩkia. 46Inyuĩ nũ ũngĩhota kuuga ndanehia, na a’hoote? Na ndakorũo nĩ ũhoro-wa-ma njugaga, mũregete kũnjĩtĩkia nĩkĩ? 47Mũndũ wa Ngai nĩathikagĩrĩria ciugo cia Ngai; gĩtũmi kĩa mũrege gũciigua inyuĩ nĩ atĩ mũtirĩ a Ngai.
48Nao Ayahudi magĩcokia makĩmwĩra atĩrĩ, Anga tũtikuuga wega twoiga wĩ Mũsamaria, na wĩ na ndaimono? 49Nake Jesu agĩcokia atĩrĩrĩ, Ndirĩ na ndaimono niĩ; niĩ nĩnjĩkĩrĩire Awa, na inyuĩ no kũ’menereria mũka’menereria. 50Na ti kwĩgoocithia ngwenda kwĩgoocithia niĩ mwene; e kuo ũrĩa wendaga ngoocagwo, na nĩwe ũtuanagĩra ituĩro. 51Ndamwĩra atĩrĩ, o ma, ma, Mũndũ aatũũra amenyereire ũhoro wakwa, ndarĩ hingo akonana na gĩkuũ. 52Nao Ayahudi makĩmwĩra, Aca, rĩu nĩtwamenya wĩ na ndaimono. Iburahimu-rĩ, ndaakuire, o na anabii? nawe wakiuga ũũ, Mũndũ aatũũra amenyereire ũhoro wakwa, ndarĩ hingo agagĩcama gĩkuũ. 53Kaĩ wee wĩ mũnene gwĩ ithe witũ Iburahimu, nake nĩaakuire? o na anabii o nao no maakuire; kaĩ ũgwĩtua ũ? 54Jesu agĩcokia atĩrĩ, Ingĩkĩĩgoocithia niĩ mwene, kũgoocwo gwakwa gwatuĩka ta kĩndũ hatarĩ; ũrĩa ũngoocithagia nĩ Awa, o ũrĩa muugaga atĩ nĩwe Ngai wanyu; 55na inyuĩ mũtirĩ mwamenyana nake; niĩ-rĩ, nĩndĩmũũĩ; na ingiuga, Ndimũũĩ, ndatuĩka wa maheni ta inyuĩ; no kaĩ nĩndĩmũũĩ, na nĩ’menyagĩrĩra ũhoro wake. 56Ithe wanyu Iburahimu nĩaakenaga mũno nĩ ũndũ atĩ nĩakona mũthenya wakwa; na nĩaawonire, agĩcanjamũka. 57Ayahudi magĩkĩmwĩra atĩrĩ, Wee ndũrĩ ũragĩkinyia mĩaka mĩrongo ĩtano, na githĩ wanona Iburahimu? 58Nake Jesu akĩmera, Ndamwĩra atĩrĩ, o ma, ma, Iburahimu ataanaciarũo-rĩ, niĩ no ndũire. 59Maaigua ũguo magĩkĩoya mahiga mamũikĩrie; ĩndĩ Jesu akĩĩhitha, akiuma kũu hekarũ-inĩ. [Na aatuĩkania gatagatĩ-inĩ kao agĩĩthiĩra, agĩkiuma kuo.]
वर्तमान में चयनित:
JOHANA 8: OGKBIBLE
हाइलाइट
शेयर
कॉपी
Want to have your highlights saved across all your devices? Sign up or sign in
©Bible Society of Kenya, 2019
