Luka 21
21
A xinyikiwo xa noni.
1Jesu i lo tlakusa mahlo, a wona vanhu vo fuma lava va chelako zinyikiwo zabye xikhwameni xa minyikelo. Mar. 12:41
2A wona ni noni ya xisiwana yi nga chela kona malana mambiri ma ringanako a dezana.
3Yena aku ngalo: Hizinene nziku ka nwina: A noni leyi ya xisiwana yi chelile ku hunza vona vontlhe; 2 Kor. 8:12
4hakuva vona vontlhe va chelile minyikelweni hi kutala ka zilo zabye; kanilezi yena hi kuvumala kakwe i chelile zontlhe lezi a nga hi nazo a ku hanya hi zona.
A kuhahlula ka Jerusalema ni kuwuya ka Jesu.
5Kota lezi vanwani va nga wulawula hi tempeli, lezaku yi bombisisilwe kuyini hi maribye yo saseka ni minyikelo, Jesu aku ngalo: Mat. 24:1; Mar. 13:1
6Hi xungetano ni lezi mu zi wonako, a masiku ma tata lawa ku to kala ku nga siyiwi laha ni ribye ginwe hehla ka ginwani, legi gi ta nga kala ku khungumulwa.
7Va lo mu wutisa, vaku: Mugonzisi, zi ta maheka rini lezi ke? Xi tava xiwoniso muni xi ta nga komba lezaku xi tshinele xikhati xa kutatiseka ka zontlhe lezo ke?
8Yena aku ngalo: Tlharihani lezaku mu nga pengiswi; hakuva vanyingi Va tata hi vito ga mina, va taku: Nzi mina yena; niku: A xikhati xi tshinele; kanilezi mu nga va lanzeli. Mat. 24:4; Efe. 5:8; 2 Tes. 2:3
9Laha mu ta ngazwa kulwa ni nyenganyenga, mu nga chabyiswi; hakuva zi fanele a kuva zi humelela kuranga; kanilezi a kugumelwa ku nga ta chikela hi xikhanzakanya xa zalezo.
10Zonake aku ngalo kabye: Hakuva a tiko gi ta vukela tiko, ni mufumo wu ta vukela mufumo. Mat. 24:7
11Ku tava kona kutsekatseka ka hombe ka misava, ni ka matshamu ma tsalangeneko ku tava kona tindlala ni mitungu; a masingita ni ziwoniso za hombe zi ta woneka le tilweni.
12Kanilezi na zi nga se ku humelela zontlhe lezi, Va ta mu khoma, va mu xanisa, va mu nyikela masinagogeni ni le mapaxweni, va mu yisa mahlweni ka tihosi ni vafumeli hi kota ya vito ga mina. Mar. 13:9; Kuv. 2:10; Miti. 4:3; 12:4; 1 Ped. 2:13
13Zi ta mu humela lezaku kasi ma nzi kustumunyela. Fil. 1:28; 2 Tes. 1:5
14Kanilezi tiyisani timbilwini ta nwina lezaku mu nga ta alakanyela hi mahlweni aku mu ta hlamulisa kuyini; Mat. 10:19; Mar. 13:11; Xip. 12:11
15hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10
16Mu ta nyikelwa hi vapswali va nwina, ni vanakuloni, ni va ka nwina, ni maxaka; va ta daya vanwani va nwina. Mika 7:6; Mar. 13:12; Miti. 7:59
17Mu ta vengiwa hi vanhu vontlhe hi kota ya vito ga mina.
18Kanilezi ku nga ta lobyiswa ni sisi munwe wa tihloko ta nwina. Mat. 10:30
19Hi kutimisela ka nwina mu ta ponisa mihefemulo ya nwina.
20Kanilezi loku mu wona Jerusalema na gi ranzelwe hi tiyimpi, pimani lezaku a kuhangalaka ka gona ku le kusuhani. Mat. 24:15; Mar. 13:14
21Hi xikhati lexo lava va nga le Judia, a va chavele zitsungeni; ni lava va nga lomo mutini a va hume; ni lava va nga lahandle, ngha va nga engheni ka wona.
22Hakuva lawa hi masiku ya kuphota, kasi zontlhe lezi zi tsalilweko zi fela ku tatiseka. Dan. 9:26; Zak. 11:1
23Va tava ni khombo lava va nga ni tinyimba, ni lava va anwisako hi masiku lawo! Hakuva ku tava kona a kukarateka ka hombe misaveni, ni zanga yi ta wela hehla ka tiko legi.
24Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25
25Ku tava kona a ziwoniso le gambyeni, ni le hwetini, ni le tinyeletini; ni laha misaveni a vamatiko va ta xaniseka, va kanganyiseka hi kota ya kudzinza ka bimbi ni mabyandlati. Mat. 24:29; Mar. 14:12
26Vanhu va ta titivala hi kuchava, ni ku langutela lezi zi tako tikweni; hakuva a mintamu ya tilo yi ta tsekatsekiswa.
27Zonake va ta wona Nʼwana wa munhu na ata hi refu, a hi ni ntamu ni kungangamela ka hombe. Mat. 24:30; Kuv. 1:7; 14:14
28Loku lezi zilo zi sangula ku maheka, ololokani mu tlakusa a tihloko ta nwina, hakuva a kutirulwa ka nwina ku tshinele. Rom. 8:9, 23
29Zonake i lo kanela kabye a mufananiso, aku: Langutani a sinya ya nkuwu ni tisinya tontlhe; Mat. 24:32; Mar. 13:28
30loku ti hluka, ma zi wona mu tiva ha nwece, lezaku a ximumu xi le kusuhi.
31Hizalezo laha mu ta nga wona lezi zilo zi maheka, zi tiveni lezaku a mufumo wa Nungungulu wu tshinele.
32Hizinene nziku ka nwina: Lexi xizukulwana xi nga ta hunza, na zi nga se ku maheka lezi zilo zontlhe.
33A tilo ni misava zi ta hunza, kanilezi a timhaka ta mina ti nga ta hunza. Mat. 24:35
34Kanilezi ti woneleni, kasi a timbilu ta nwina ti nga binziwi hi limito ni kuphophiwa, ni kukaratekela ka loku kuhanya, a siku lego gi nga dzuka gi mu chikelela hi xitshuketi kota wugungu. Rom. 13:13; 1 Tes. 5:6; 1 Ped. 4:7
35Hakuva lezo gi ta va chikelela vontlhe lava va tshamileko misaveni yontlhe. 1 Tes. 5:2; 2 Ped. 3:10; Kuv. 3:3
36Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5
37Laha hlikanhini i wa gonzisa lomo tempeleni; kanilezi loku gi hlwile i lo huma a ya etlela xitsungeni xi vitwako xa maOliva. Joh. 8:1, 2; Xip. 22:39
38Ni vanhu vontlhe va wo vinzuka ni mixo vata ka yena tempeleni, kasi ku ta muzwa.
वर्तमान में चयनित:
Luka 21: TSC72
हाइलाइट
शेयर
कॉपी
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
