MATIUS 3
3
Yohanes Bwi Babwim Ipic acacapiomef
(Mrk. 1:1-8; Luk. 3:1-18; Yoh. 1:19-28)
1Barewen. Jofay ara, Yohanes Bwi Babwim Ipic e Yudea capinmi cem opok asan ajisefen. 2Aram atakam atawefen. “E Onam Op Pemerintah aenawcow jofay, bare sotopnakap asisienawma. Inimas car e dosaas takas bak bapayemtotorey.” Inim aeefen. 3Ametnak ara, Allah atakam botaw ipic juwas Yesaya atakam aotawefen:
“Jipic cowok, cem opok asan atakam afakaytawcema. ‘E Tuhan ajarcow bokotpu mamkenemtiwey. E bokotpuam tarowata.’ Inim aecema.”
E Yesaya inim aeefen. E Yesaya atakam atawef ipic, bare e Yohanes arawen.
4Bare, e Yohanes e ajimomef pakaian, binatang juwas unta fin pakaian arawen. E ase manam pok ara, binatang picin arawen. E aramos pok, pikamam, emor bwiam, arawen. 5E Yerusalem owam, e Yudea capinmi ow takasam, e jo juwas Yordan ow takasam, e aramat ipicpu ajukusirienfesen. 6E owam e adosa afafasimtotorfesen. E Yohanesam e ow e Yordan bwi abwimefen.
7Aramat ipic, Parisi ow arkeam Saduki ow arkeam, ajukusirienawfes aporefen. E ow, e Yohanes, bwi a babwim ajukusirienawfesen. E Yohanes masirin, “Amer jiwinakasa, Car e Allah ajurusumcowas omar baysos atakam ca otawfan? 8Car e dosaas bak apayemamokomnew, bare akatas mamemey. 9Caram, ‘Abraham darakut araman,’ inim bi binip bacacerem arapok. Allah, awames ek, Abraham urpis baworomem, inim fakas aomomamar araman. 10Wow, seysi, os tamow sotopnakap aemapma. Jipic cowok, e akat eke bape opok os, amatiwcema. Aram e os jismak asapimapomcema. 11Dor e dosa bak apayemamokom ow, bwi abwimamin. Eras car dosa bak emcapayemamokom baporomas ara. E dofa asoromcan ipic nat, ow awut ara. Do kanim ara. Inimas dor e aramat ipic sandal bwemtowocentam asan opok. Aramat ipic, Roh Kudus e cajak aman afimimtamtotorceman. Aram jismak e cajak aman pwicakas aurumtiwcema inim cimin ara. 12Aramat ipic e of e po aemapomama. Ar amosnakin afomnemkurumcema. Aram e amos, cem atowoneycema. E nat, ar e apem jismak afamapomcema. E jismak, bare bwemsapiames asan opok.” Yohanes inim aeefen.
Yohanes, Yesus bwi abwimef
(Mrk. 1:9-11; Luk. 3:21-22)
13Barewen. Yesus Galilea capinmi bakan ajiosef, wunam Yordan jo capinmi aomeremefen. Ar Yohanes bwi a babwim akat aemefen. 14E Yohanes nat, “Dor bwi o babwim arapok. Or bwi do babwimji. O nat, ucimas do besomamenem?” jiporef opoken. 15E Yesus masirin, “Bare bwi babwimcan. Inimas aemcom, dar e Allah akat apormaras jipu aemcomom.” Inim aeefen. Bare, e Yohanesam Yesus atakam ji aeefen. 16E Yohanes masirin, bwi e Yesus abwimefen. Bwi abwimef masirin, Yesus e bwi asarimkunawemefen. E onam opam amuapefen. Yesusam Allah Roh, pari cimin aneyef aporefen. Ar e Roh e adam ton aneyapef aporefen. 17Atakamam e onam op ewneyefen. “Awamec ipic dotiw ara. Dor aramat ipic damos ajiomamin. Dor aramat ipic akat ara.” Inim aeefen.
वर्तमान में चयनित:
MATIUS 3: LAICNS
हाइलाइट
शेयर
कॉपी
Want to have your highlights saved across all your devices? Sign up or sign in
