Markus 10
10
1Nda maḍa a tsiro nda si ḅore njiya Yahudawa, nda ngerro ḅayatso Urdun, lektso miye pus a minna si hakan, a no kwalemeden ndadi kenneren.
2Farisawa ta si hakan a ḍiyen leme kannatso: “So feme no na ma a ḍaka mesen?”
3Nda mwaren a tsaren a chi: “Mino Musa a hiwownoyo?”
4Ta tsa: “Musa a tsa, na miya ḍaḍuwe malamtso da ḅel ḍimsitito, mayi ḳotiro.”
5Yesu a tsaren: “Gekelo kidti yedingowno nda ḍowno ḍuwe hiwatsi ino;
6Kenneneng a dimmatso vratso, mure ka metso Pwa a ḍatiren.
7Gekelo ano ḅwara ḅa ḍaka bagen ka nogen nda ndsa ka mesen,
8ten gbei ḅa ndsa hara hido, che gban ten, á gbei ahumwaha, harangeren hido.
9Sa Pwa a peiyeden, ḅé ḅwara a takan.”
10Avor hwodiye gban miyedi‐kwoden a minna a ḍiyen leme ano.
11Nda tsaren a chi: “Ma ḍaka mesen a minna a ḍimma itso, sharawne ndadi ḍa.
12Na kwotso ka nangero nga ḳo murongero ḅa ḍim ma som, sharawno ngadi ḍa.”
13Ta si gakan ka dziye kurkur gekelo nda paren, miyedi‐kwoden a ngbaltiren.
14Naya Yesu a na mano, yedingen a kidden nda tsaren a chi: “Ḍaka dziye‐kurkurye ta si gakei, ḅé huna ḳoren, gibo dziye‐miye che, homne da Pwa ne karen.
15Ḳa diyangen nadi boyowno, ḳat má luw homne da Pwa botsi ndse‐swado, ndárei perro vorsen.”
16Nda gbiripatiren, nda paren ka tyefungen a hulakaren.
17Naya nda dimma a no tuffe, ma nedo a maḍo ka tada a si a gyerero ahumwasen, nda ḍiyen: “Malami ma‐feme, henḅa ḍa ya na minno pitso nagi gwoḍi?”
18Yesu a tsan a chi: “Gomino hye tsei a chi ma‐feme? Tá ma‐feme do sie Pwa hido.
19Hye leyi hiwatso: Bé ḅelha, ḅé ḍa sharawne, ḅé gheri, ḅé mwa zheringye, ḅé ḍa kuta, hye ndukodo bagu ka nogu.”
20Nda tsan a chi: “Malam sye iyeno na hweyeren kenneneng henḅo lagba.”
21Yesu a niden a ḍik gen no, nda tsan a chi: “Sei hido hye ḍongen: Wudo, ḍerdo syekow kat, hye vo dziye‐poritso, hyeḅa ḍim ginetso a pwa hye si kwodi.”
22Nzimsen a muḍen ge lano, nda muḍo, há ningen, gibo tsi ne ka ginetso hananan.
23Yesu a niyo hei, nda boyo miyedi‐kwoden: “Kerker ndse‐ḍim ginetso a perro vor homne da Pwa.”
24Miyedi‐kwoden tadi ndello ka lemeden. Yesu a ngaḍo mwatso a tsaren: “Dziyedei, miye‐mbaha ginetso, kerker ta perro vor homne da Pwa.
25Ndse‐ginetso a perro homne da Pwa, ḅo perrigo jangatso lugwabtso a perro gwo lerume.”
26Tadi ndello ka lemeden tadi boyen: “Wano ḅa leyo mbohaden?”
27Yesu nda niden a tsa: “Gaka ḅware miyá mban a ḍa, gaka Pwa áḅo che, gibo gaka Pwa sye chang a ḍa.”
28Bitrus a tiya tsan: “Hi no hi ḍaka sye chang hi kwodu.”
29Yesu a tsa: “Ka diyangen nadi boyu: Tá bwara a ḍaka hwodiye, nagi dziye‐nogen iye‐murye, nagi dziye‐nogen iye‐maindye no, nagi nogen no, nagi dziyengen no, nagi gasye gekela, gekelo leme feme gban,
30má luw syengen a laka haru ḅogong avor ndsatsi ino: hwodiye ka dziye‐nogen iye‐murye, ka dziye‐nogen iye‐maindye, ka nuwetso, ka dziye, ka gasye peiyo ka tonotso; avor ndsatso ḅa si ndaḅa luw pitso nagi gwoḍi.
31Miye hananan iye ndsa akwamutso ta minna abei, avor miye abei hananan ta ndsa akwamutso.”
32Ten ne a no tuffe, ta weyo ḅa wudo Yerusalem; Yesu adi weyo ahumwasen, tadi ndello kan; miye di kwoḍo besen hweyi kalatso gerren. Nda ngaḍo a watiren ten bow a mbidi gbei, nda tiya a boyeren leme sa ḅa gen adi tsaren:
33“Hi no di weyo ḅa wudo Yerusalem; miya vodo Ndso‐Bwara a tuffo miye‐gbangbanye malamye ka miye‐dori, miya bashiden i‐ḅelwei; miyeḅa kipan a tuffe dziye‐kwasome.
34Tanḅa baggen ka leme, ta taffendo nauye, ta byengren ka kufwatso, ta ḅelten: betsi botye mwaken ndaḅa maḍo.”
35Yaḳub ka Yohanna dziye da Zabdi ta si gakan a tsan a chi: “Malam hi mwa hye ḍeino nagi mino hina ngiso gakow.”
36Nda tsaren a chi: “Mino huna mo na vowno?”
37Ta tsan a chi: “Hye mwa na hina ndsa ama a basa zume ama a basa legḍei ahakow avor fukatsodow,”
38Yesu a tsaren a chi: “Huná leyo sa huna ngiso. Ha ḅo kowno huḅa tsobo ka gba nadi tsobo kan? Ha ḅo kowno huḅa luw baptisma iche miya ḍei?”
39Ta tsan a chi: “Ha ne keino.” Yesu a tsaren a chi: “Gba nadi tsobo kan huḅa tsobo kan: baptisma miyadi ḍei, kwotso miya ḍowno:
40Ndsatso a tuffe zumedei ka iche a tuffe legḍeidei, á ingi no na vodo: niye miya kenno, ungeren no.”
41Naya miyeno bow a kello, yedingeren a ḅwaren aha Yaḳub ka Yohanna.
42Yesu a watiren a tsaren a chi: “Hu leya miye miya watiren dziye‐luw homne, tadi ḍa miye sye gbakye, miye‐gbanyedaren gban ta ḍaren bashitso.
43Miyá ḍa che avorsowno. Ma mo ḅa go magbano avorsowno, ḅa go lagbadowno.
44Ma moi ḅa ndsa akwamu avorsowno, ndaḅa go kissa da miye kat.
45Gibo che Ndse‐Bware a si, á gekelo kissawne na miya ḍan, gekelo nda go kissa nda si, nda vodo pisen so‐luwaha go miye hananan.”
46Ta tila Ariha. Naya ta dimma di Ariha ten no ka miyedi‐kwoden ka miye hananan, a hweile ndso‐ngisye, Bartimawus, ndso Timawus, tsi ne ndsa da tuffe.
47Naya nda kello Yesu ndso‐Nazarat no, nda mar kwormungen adi tsa: “Yesu, Ndse da Dawuda, pori go sopiye.”
48Miye hananan ta ngbalten, ma nda ndsa ḍong. Nda minna mar kwormungen kabagban a tsa a chi: “Ndse da Dawuda pori go sopiye.”
49Yesu a kango a tsa: “Wamren.” Ta wa adi tsan a che: “Yayu, ha ningu yang, maḍi, tsindodi warra.”
50Nda kada rukute a maḍo berket a si haka Yesu.
51Yesu a mwa a tsan: “Mino hye mo na ḍow?” Hweile a tsan a chi: “Malam na hen na vratso.”
52Yesu a tsan a chi: “Dso wudo, vodiyalomedow ḅo mbo leme.” Gbel nda naha a kwoden a no tuffe.
वर्तमान में चयनित:
Markus 10: BCYMRK
हाइलाइट
शेयर
कॉपी
Want to have your highlights saved across all your devices? Sign up or sign in
First published by the British and Foreign Bible Society in 1915.
