OBUCHACHILO 9

Indakano ya Nyasaye yakhola nende Noa

1 # Obucha. 1:28 Mana Nyasaye nalaamila Noa nende abaanabe abasiani tsikhabi naboola ari, “Mwibulane nimumeetekha mana mwitsule khushialo. 2Buli isolo, linyonyi nende ebindu biosi ebimoolanga nende tsinyeni bilamuria inywe. Biosi bili hasi wobunyali bwenywe. 3Mulaliitsanga buli shindu eshichendanga khandi eshili mwoyo. Khandi shinga olwa ndamuhelesia emimela okhuba eshiokhulia shienywe, nolwa emuhelesiiye ebindu biosi mbu, bibe ebiokhulia bienywe. 4#Abal. 7:26,27; 17:10-14; 19:26; Okhuk. 12:16,23; 15:23Ne shimulaliitsanga inyama niyishilimwo amalasile tawe, okhuba obulamu buli mumalasile. 5Omundu yesi yesi naba narusiaho obulamu bwomundu washie, yesi yakhanyoole eshinyasio, ne isolo yosi yosi niyirusiaho obulamu bwomundu, ndakhachihelesie eshinyasio shiokhufwa. 6#Okhur. 20:13; Obucha. 1:26Omundu yalongwa mwikondo lia Nyasaye, kho omundu yesi yesi naba niyera omundu washie, oundi yesi khandi yakhamwire. 7#Obucha. 1:28Nenyu inywe, emulaka mbu, mwibulane nimumeetekha muno khushialo.”

8Mana Nyasaye naboolela Noa nende abasianibe ari, 9“Bulano ekhola indakano ninenywe nende abolwibulo lwenywe, 10nende eshilonje shindi shiosi eshili mwoyo nende amanyonyi nende emiruko, nende buli isolo yokhushialo, nende biosi ebiorulile muliaro ninabio. 11Esuubisia mbu, shindilimululakhwo abandu nende tsisolo okhubirira mumuyembo kweifula khandi tawe. Ne khandi omuyembo kweifula shikulibakhwoho okhusasia eshialo tawe.” 12Mana Nyasaye naboola ari, “Ndalaraho eshilolelo shiendakano eyekholanga ninenywe nende buli shindu eshili mwoyo eshia muli ninashio bulano nende khulwa tsinzibulo tsiosi etsiakhetse olunyuma. 13Endetsangaho olulindi lwanje mumaleesi, ne lulaba eshilolelo shieindakano yanje nende abeshialo. 14Olwa endeera olucheka lweifula khushialo mana olulindi luloleshe mumaleesi, 15ndaletsulila indakano yanje hakari wanje ninenywe nende tsisolo tsiosi mbu, omuyembo kweifula shikulimululakhwo khandi ebilonje ebili mwoyo tawe. 16Olulindi niluli mumaleesi, ndalalulolanga nindiitsulila indakano yeyinziayo, eyandakhola nende ebilonje biosi ebiokhushialo ebili mwoyo.” 17Nyasaye naboolela Noa ari, “Shino nishio eshilolelo shieindakano hakari wanje nende ebilonje biosi ebili mwoyo ebili khushialo.”

Noa nende abasianibe

18Abasiani ba Noa abarula muliaro bali Shemu, Hamu nende Yafetsi. Hamu niye owali samwana Kanani. 19Bataru abo nibo abali abasiani ba Noa, ne nibo abebula abandu abali khushialo boosi.

20Noa niye owali omulimi wambeli. Niye owali owambeli okhuraaka omukunda kwemitsabibu, 21ne olwa yanywakhwo idivai, yameela, ne nafwalula tsingubotsie nakona shichula mwiheemalie. 22Olwa Hamu, samwana Kanani yalola mbu, samwana ali shichula, yarula natsia elwanyi naboolela abasiani babwe babili abo. 23Kho Shemu nende Yafetsi nibabukula ingubo nibachinga khumabeka kabwe, nibachenda eshinamukongo okhuula mwiheema, nibafwimba shichula shia sabwe nibamufutariire ne nibalalolakhwo shichulashie tawe. 24Olwa Noa yameelulukha ne namanya aka omwanawe wamakhokoro yali namukholeele, 25yaboola ari, “Kanani ali mushilaamo shiobubi! Alaba omusumba wabasumba khubasiani babwe.” 26Khandi Noa naboola ari, “OMWAMI Nyasaye, Nyasaye wanje, ahelesie Shemu ikhabi naye Kanani abe omusumba wa Shemu. 27Nyasaye ahelesie Yafetsi olwibulo olunji, lusalaane khushialo, ne abolwibulolwe bamenye nende abolwibulo lwa Shemu! Naye Kanani abe omusumba wa Yafetsi.” 28Olunyuma lwomuyembo, Noa yamenya emiyika ebikhumi bitaru nende amakhumi karano. 29Noa yamenya emiyika chiosi halala ebikhumi shienda namakhumi karano ne nafwa.

वर्तमान में चयनित:

OBUCHACHILO 9: OLUDC

हाइलाइट

कॉपी