Matthew 7
7
KETH MAINTING, VII.
1M MA gbitty anin, aniah ngha ma moa pehreh gbitty.
2Lo ngbittyeh nokon nkat, peh pehreh moa ko gbitty nkat: moaloa tre moa tooh yeo, peh moa hun tooh yeo.
3La wumleh moa keh sail tre kë folltë pintre moa, mboaehn keh utock u bomu tre komoa tëfolleh yeo?
4Ngho mboa foh kë pintre moa, nsem, ah foke oh sail tre ko kë foll, moa, nlehly, utock u bomu ko moa tëfolleh?
5No mbang moa yeo, m pong utock u bomu tre koneh moa tëfolleh yeo; nu nkeh nkeleng hallë foke pintre moa sail tre.
6Yempy tre pehrieh peh yahmung, m ma pong tumoi tre ëboll; m ma pong kurass ë tre kë pyurrsë tre ëboll; pyurrsë tre ngha ma gbeh atoock, ngha pinkin, ngha yettyeh moa, ngha sally moa.
7Ntum, peh moa kah peh; ntun moa kyo; n suntah kë fongfoll u tre, peh yeeryeh woa:
8No o no wonno gbo lum oh, woa sotoh; wonno tun yeo, woa kyo; lo no o no suntah, peh yëëry woa.
9Ngheneh ngha ayain yeo, lo traa woa tum woa hallë ëgboh, u kah woa pay?
10Lo u tum woa hallë ëyou, mboa woa kah kirr ë?
11Lo ngha, nghana cheh mbang, ngha shee la rë hallë kah ahpomah ngha nyërick nkeleng, ngho peh choe Papah moa wonno kë foy ushëë la rë hallë kah nyërick nkeleng ko aniah tre nghana tum woa?
12Yempy tre buleing nghono nyehmah leh peh nghah moa yeo, n nghah pehreh hokono: troang tre oh, ahprophet ah tre yeo nghonoky.
13Nloi fongfoll u toon tre: fongfoll u bomu koiky nah bomu nghoiky nghono yuck anin yeo ko kë ushinny; aniah ëgbir ngha gbeh kë nah ë lan:
14Yehpeh fongfoll u tre toon, naë tre woa cheh toon pehreh, nghono yuck anin kë foy oh; aniah teak nghana keh naë tre nghonoky.
15M baykeh ahprophet mbull ëtrehn, ngha hun ko ko no, ngha bë nyërick ntroyah sëlon kobeh tre, kereh kë ugbolleh ngha cheh ëgbill.
16No ngha shëë kë ëgbimang ngha. Aniah tre ngha kui ëgbimang tuneh kë gbandahbroop u trë ë? ngha kui ëbonnoh tre kë luhtë tre ah?
17Rum keleng tre u kum ëgbimang nkeleng; kereh, rum ë bang ah tre u kum ëgbimang mbang.
18Rum keleng tre u boaehn kum oh ëgbimang mbang; rum mbang n tre u boaehn kum ëgbimang nkeleng.
19Rum ë tre buleing ngheneh u bë ari ëgbibimang nkeleng yeo, peh ngho kett, peh pong ngho ko kë dyomeh.
20Mbah nshëe ngha ke egbimang ah tre.
21Aniah buleing nghana nghaleh, yeome, yeome, ngha boaehn loi kë baily foy, kereh nghana nghah gbo yempy tre pehmeh Papah më, wonno cheh kë foy, u yehmah gbo.
22Trim tre aniah ëgbir ngha ko hun ko ko më ngha nghaleh, yeome, yeome, pehndeh hë fohrë dim kë ilillë moa tre? chehn hinah ka took oh mpomul mbang n tre kë ilillë moa tre? kë ilillë moa hë ka nghah mpant nkaban ëgbir?
23Kereh yah ngha la fohm, ah shëë nghan, ngha kon ko ko më, aniah nghana nghah yeh mbang.
24Wonno tui lumtë më yeo, nu peh nghah yempy tre ah woa fohm, woa rë kë manleh nopokan cherryeh, wonno yuck kill woa ko pay atook.
25Uporr ë tre woa lill, men ëgbir ma soss, nu hieng kattul woa hun, ngha bung kill tre wonnoky, kill tre woa loollehn; yehpeh peh yuck ngho pay atook.
26Wonno chehn tui lumtë më, nu nghahn yempy tre ah woa fohm, woa rë kë manleh no punk nghono yuck kill woa ko shungeh:,
27Uporr ë tre woa lill, men n tre ma soss; hieng kattul woa, ngha bung kill tre wonneh, kill tre u lool ngho nghah kirah bomu.
28Yeh Jesus kung, ngha fohm kë, aniah tre ngha kaban nyërick n tre Jesus u ka fohm:
29Yehpeh u fohm kë manleh nopokan u bë fossoh, chehn kin ahgball ah tre.
वर्तमान में चयनित:
Matthew 7: BUY1816
हाइलाइट
शेयर
कॉपी
Want to have your highlights saved across all your devices? Sign up or sign in
First published by the Church Missionary Society in 1816.
