Sơnròp Gơlik Gơs Jơnau yal tơnggit
Jơnau yal tơnggit
Jơnau krơi is Sră Sơnròp Gơlik Gơs gơs gơtha la “Sơnròp bồ dà.” Sră do đơs bơh bơta crơng gơs trồ tiah, tòm ryas jơi kòn mơnus dê, bơta sơntòm tồi glài dê bal mơ bơta jê sồt hơđang plai ù, mơ Yàng Tom Trồ gơwèt mơ jơi kòn mơnus. Sră Sơnròp Gơlik Gơs kung rgơi cah gơs bàr pơnah: (1) Bơta crơng gơs dunnia mơ bơta yal yau jơi kòn mơnus dê. Pơnah do yal wơl bơh Adam mơ Eba, Kain mơ Abel, Nôe mơ dà kŏ, bal mơ bơta gơs theng Babel (tap 1–11). (2) Bơta yal yau bơh ồng pàng cau Juda. Sơnròp ngan la Abraham cau geh sền dờng màng bơh bơta dòn mơ bơta ồng dòn bơr Yàng. Pơnjat tai la jơnau yal bơh kòn klau Abraham dê la Isak, sau Abraham la Jakôp (kung geh sơnđan la Israel), mơ jơt bàr nă kòn klau Jakôp gơlik gơs jơt bàr nă cau at bồ jơt bàr jơi bơtiàn Israel. Sră do ơn nùs oă bơh rài kis Jôsep dê, dùl tòm jơt bàr nă kòn klau Jakôp dê, mơ ală bơta neh cèng Jakôp mơ jơh hìu nhă ồng mù ơm kis tòm lơgar Ejiptơ (tap 12–50).
Bulah sră Sơnròp Gơlik Gơs đơs bơh rài kis kòn mơnus, mơya mơnàng mơ hơđang rlau jơh sră do cih wơl bơh ală broă Yàng Tom Trồ neh lơh. Sră sơntòm mơ jơnau nền cê lah Yàng Tom Trồ neh crơng gơs trồ tiah mơ pơndut mơ jơnau ho lah Kơnràñ rơp pơnjat sùm kơlôi tus dê jơi kòn mơnus. Lòt gan jơh dô nơm sră ai tơnggit Yàng Tom Trồ la cau geh đơs oă rlau jơh. Bơtau cahrña mơ lơh glài tơmàl ală cau tìs glài, tề lam mơ dong kòl làng bol Kơnràñ dê. Sră yau do cih lòi wơl jơnau yal bơh bơta dòn dô nơm làng bol mơ dong prap gàr bơta dòn hơ̆ kis sùm.
Cah ală pơnah
Bơta crơng gơs trồ tiah mơ jơi kòn mơnus (1:1 – 2:25)
Sơntòm bơta tồi glài dê mơ bơta jê sồt bòl glar (3:1-24)
Bơh Adam tus di Nôe (4:1 – 5:32)
Nôe mơ dà kŏ dờng (6:1 – 10:32)
Theng Babel (11:1-9)
Bơh Sem tus di Abraham (11:10-32)
Ală ồng pàng: Abraham, Isak, Jakôp (12:1 – 35:29)
Jơi bơtiàn Esau (36:1-43)
Jôsep mơ ală oh mi khai dê (37:1 – 45:28)
Làng bol Israel tòm lơgar Ejiptơ (46:1 – 50:26)
वर्तमान में चयनित:
Sơnròp Gơlik Gơs Jơnau yal tơnggit: KPM2018
हाइलाइट
शेयर
कॉपी
Want to have your highlights saved across all your devices? Sign up or sign in
© 2018 United Bible Societies. All rights reserved.