GENESIS 3
3
Minung Ȇ-aw ngâilonâk
1LALPA Pathian siam mi lakah rûl chu a fing perpê chem. Rûl nih nunau sinah, “Pathian nih dûm lakah mi thing rah zeikhawm hi nan ei ding asi lo a nan ti tak na ma?” a ti
2Nunau nih chun, “Hi dûm ah mi thing rah zeital hi kan ei kho, 3a lâi ah mi tilo chu. Pathian nih, “A rah nan ei ding asi lo, tawngh khawm nan tawngh ding asi lo, nan ei chun, nan thi lai, hawng kan ti,” ti hen a sâng.
4Rûl nih chun, “Âwkrâwl, nan thi lai lo,” ti hen a sâng. 5“Pathian nih nan ei chun amah bang hen nan um lai le, a sia a ṭha nan theih awt mi a theih ruangah a ti mi makha a!” a ti
6Nunau nih thing ṭha tak leh rah dawh tak chu a muh le, ei hen hawng fing ding mi chu a chê awt chiam e! ti hen a ruat. Churawhchun, a rah zeimaw mi chu a kawih le, a ei rawh. Chun, a pasal khawm zeimaw mi chu a pêk le, anih khawm a ei rawh. 7An ei kâ hen theihthiamnâk an hawng nei le, takkaro an si zia anna theih rawh; churawhchun theipi nah an ṭhit le, anna aih. 8Chu zânlei ah chun LALPA Pathian chu dûm ah a hawng mi an theih le, thing nâwngah an thuptâk. 9Sikhawmsele Pathian nih mipa chu a kawh le, a sinah, “Zeiah na um?” a ti
10Anih nih, “Dûm ah na um mi ka theih le, takkaro kasi ruangah ka ṭih le, ka nan thuptâk asi,” ti hen a sâng. 11“Takkaro na um mi âunih an simh?” ti hen Pathian nih a deih. “Thing rah ei lo ding kan ti na mi kha nan ei mu?” a ti.
12Mipa nih chun, “Nunau ka sinah mi nih khan theirah chu hawng ka pêk le, ka ei ko rawh,” a ti.
13LALPA Pathian nih nunau sinah, “Zei rangah na ti êu?” a ti.
Nunau nih chun, “Rûl nih ei ding hen hawng ka perpet mi chu a,” ti hen a sâng.
Pathian nih Lâirêlnâk a Phuangnâk
14Chun, LALPA Pathian nih rûl sinah chun, “Hi ruangah hin rêp na si lai le, nangmah cho nih ramsa zawzawng lakah hi siat hi na phurh lai. Tu thawk hen na pâw hen na lâwn lai le, na dam sung zawng ah valeidip na ei ding asi. 15Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.
16Churawhchun, nunau sinah, “Na naupâwi hamhnâk leh na fa ringnâk nganfâk ka zualtir lai. Hi hâwi sikhawmsele na pasal duhnâk na nei kumza lai, anih nih na tlûnah thu a nei lai,” a ti.
17Chun, mipa sinah, “Na nupi thu na ngâi le, ei lah ka nan ti mi theirah kha na ei rawh. Chu na thilti ruangah chun tual chu siatbarh asi rawh. Na dam kar zawzawng ei tawng ding hen hamh tak hen rian na ṭuan lai rawh. 18Ling leh bua tla a zan lai le, mâng ah a kho mi tla na ei lai. 19Siam hen na umnâk valei ah na kîr nawlh lânlo chu, tual nih rah suah ding hen thlan suak hen hamh tak hen rian na ṭuan ding asi. Valei thawk hen siam na si le, valei lîlâ ah na chang nawlh lai,” a ti.
20Adam#3.20 ADAM: Hebrai ah hi min umzia chu ‘minung’ tinâk asi. nih a nupi chu Evi ti hen a min a sak, minung zawzawng nu asi ruangah. 21Chun, LALPA Pathian nih Adam leh Evi rangah ran vun hen puan a siam piak na le, a aih na.
Adam leh Evi Dûm Thawk Hen Narnâk
22Chun, LALPA Pathian nih, “Tuah chun minung chu kan lakah mi pakhat hâwi a hawng si rawh hen, a sia leh a ṭha theihnâk a nei rawh. Nungnâk thing rah ei hen nung kumza ding siang asi lai lo rawh,” a ti. 23Churawhchun, LALPA Pathian nih Eden dûm ah mi chu amah siamnâk tual nâwn ding hen a nar rawh. 24Chun, Eden saklei sîrah chun cherub tla leh nâmsâu alh zeilei zawng â zî kho mi a siah. Âuzawng nungnâk thing kiangah a hawng mi tla lakah vêng ding hen.
वर्तमान में चयनित:
GENESIS 3: BCLBV
हाइलाइट
शेयर
कॉपी
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.
