Jenesis 1

God i mekem wol ya

1Bifo we bifo olgeta, God i mekem skae mo graon wetem olgeta samting we i stap long tufala, 2be long taem ya, wol ya i narafala olgeta.#1.2: Narafala rod blong tanem tok ya i stat long stat blong vas 1 i olsem. Bifo, we bifo olgeta, taem we God i stat blong wokem skae mo graon wetem olgeta samting we i stap long tufala, 2 be long taem ya, wol i narafala olgeta. Hem i stap nating nomo, we i no gat wan samting nating i stap long hem. Tudak nomo i stap kavremap bigfala wota, mo Spirit blong God i stap go i kam antap long hem.#1.2: Tu narafala rod blong tanem tok ya long las haf blong vas 2 i stap, we wan i olsem. Tudak nomo i stap kavremap bigfala wota, mo paoa blong God i stap olbaot antap long hem. Mo narawan i olsem. Tudak nomo i stap kavremap bigfala wota, mo bigfala win i stap blu i go i kam antap long hem. 3#2 Kor 4.6Nao God i tok. Fastaem, hem i talem se, “I mas gat delaet.” Nao delaet i kamtru olsem we hem i talem. 4Mo taem hem i luk delaet ya, hem i luk we i gud tumas. Nao hem i mekem delaet mo tudak, tufala i seraot, 5mo i putum nem blong delaet se Dei#1.5: Dei. Long stori ya, fastaem i gat tudak i stap mo biaen delaet i kamtru. Nao from samting ya, oltaem ol laen blong Isrel oli stap talem se dei i stat taem san i godaon, tudak i kamtru, mo i stap gogo tudak i finis, san i kam antap, mo i godaon bakegen, nao tudak i kamtru bakegen. Long tingting blong olgeta, hemia nao i wan dei. Yu save luk tok ya DEI long Diksonari., mo i putum nem blong tudak se Naet. Nao dei* ya i finis. Hemia i fas dei blong wol.

6-7 # 2 Pita 3.5 Nao God i tok bakegen, i talem se, “I mas gat wan samting olsem bigfala ruf we i raon, blong mekem wota ya i seraot, blong haf blong hem bambae i stap antap long hem, mo haf blong hem bambae i stap aninit long hem.” Nao samting ya i kamtru, olsem we hem i talem. Hem i mekem samting ya blong mekem wota i seraot, nao haf wota i stap antap long hem, mo haf wota i stap aninit long hem. 8Mo i putum nem blong samting ya se Skae. Nao dei ya i finis. Hemia i seken dei blong wol.

9Nao God i tok bakegen, i talem se, “Wota ya we i stap aninit long skae i mas kam wanples, blong draeples i kamaot.” Nao samting ya i kamtru olsem we hem i talem. 10Nao hem i putum nem blong draeples ya se Graon, mo i putum nem blong wota ya we i kam wanples se Solwota. Mo taem hem i luk ol wok ya blong hem, hem i luk we i gud tumas. 11Nao God i tok bakegen, i talem se, “I mas gat ol naranarafala samting oli stap gru long graon ya. I mas gat olgeta we i save karem kakae insaed long graon, wetem olgeta we i save karem kakae antap.#1.11: Long olfala Oltesteman long lanwis ya Hibru, tok blong ples ya i tokbaot ol gras we i karem kakae, olsem wit mo bale, mo ol tri we i karem kakae olsem fig mo olif, mo fasin blong tok ya i kavremap olgeta samting we i gru long graon, we i stap givim kakae long olgeta. Long sem fasin, tok ya we i stap long Bislama antap, hem i kavremap olgeta samting we i gru long graon, we i stap givim kakae long yumi. ” Nao olgeta samting ya oli kamtru olsem we hem i talem. 12Graon i kam fulap long ol naranarafala samting we oli stap gru long hem, we sam oli stap karem kakae insaed long hem, mo sam oli stap karem kakae antap. Mo taem hem i luk ol wok ya blong hem, hem i luk we i gud tumas. 13Nao dei ya i finis. Hemia i namba tri dei blong wol.

14Nao God i tok bakegen, i talem se, “I mas gat ol laet i stap long skae blong makem dei mo naet. Ol samting ya bambae oli blong makem ol dei, mo ol yia, mo ol taem blong lafet.* 15Bambae oli stap long skae, oli saenaot i go long graon ya, blong mekem i gat laet.” Nao ol laet ya oli kamtru olsem we hem i talem. 16Hem i mekem san we i save saen strong, blong i stap saen long dei, mo i mekem mun we i no save saen strong olsem, blong i stap saen long naet, mo i mekem ol sta tu. 17Nao hem i putum olgeta oli stap long skae, nao oli saenaot i kam long graon ya, oli mekem i gat laet. 18Nao san i stap wok long dei mo mun i stap wok long naet, mo tufala i mekem we delaet i narafala, mo tudak i narafala. Mo taem hem i luk ol wok ya blong hem, hem i luk we i gud tumas. 19Nao dei ya i finis. Hemia i namba fo dei blong wol.

20Nao God i tok bakegen, i talem se, “I mas gat ol naranarafala fis blong stap long solwota, mo i mas gat ol pijin tu blong flae olbaot antap.” Nao ol samting ya i kamtru olsem we hem i talem. 21Hem i mekem ol bigbigfala fis blong solwota, wetem ol naranarafala fis we oli stap long solwota mo long wota, mo i mekem ol naranarafala pijin tu. Mo taem hem i luk ol wok ya blong hem, hem i luk we i gud tumas. 22Nao hem i blesem olgeta, mo i talem long olgeta se, “Ol fis. I gud yufala i gat plante pikinini blong yufala, blong solwota ya bambae i kam fulap gud long yufala. Mo ol pijin. I gud yufala tu i gat plante pikinini blong yufala, blong bambae yufala tu i kam plante.” 23Nao dei ya i finis. Hemia i namba faef dei blong wol.

24Nao God i tok bakegen, i talem se, “I mas gat ol samting we i gat laef i stap long graon ya. I mas gat ol anamol blong vilej wetem ol anamol blong bus, i stat long olgeta we oli bigbigfala, i go kasem olgeta we oli smosmol.” Nao ol samting ya oli kamtru olsem we hem i talem. 25Hem i mekem ol naranarafala samting we i gat laef we oli stap long graon ya. Ol anamol blong vilej wetem ol anamol blong bus, i stat long olgeta we oli bigbigfala, i go kasem olgeta we oli smosmol, be hem i mekem olgeta evriwan. Mo taem hem i luk ol wok ya blong hem, hem i luk we i gud tumas.

26 # 1 Kor 11.7 Nao God i tok bakegen, i talem se, “I gud yumi#1.26: Yumi. Mining blong tok ya long ples ya, hem i no klia. Fastaem, long taem we Jisas i no bon yet, plante man oli stap harem olsem we God i wan bigfala King, we i hae we i hae, mo i tabu tumas, mo i stap talemaot tingting blong hem long ol enjel we oli stap raonabaot long hem. Be biaen long taem blong Jisas kam kasem tede, plante Kristin man oli stap harem se tok ya i save karem tingting tu se God Papa mo God Pikinini mo God Tabu Spirit, trifala i stap wanples. mekem man, mo i gud yumi mekem we hem i tekem fasin blong yumi, i olsem yumi. Hem bambae i bos long ol fis, mo long ol pijin, mo long ol anamol blong vilej mo long ol anamol blong bus, i stat long olgeta we oli bigbigfala, i go kasem olgeta we oli smosmol. Olgeta evriwan bambae oli stap aninit long han blong hem.” 27#Jen 5.1,2#Mat 19.4; Mak 10.6Nao hem i mekem man, mo man ya i tekem fasin blong hem, i olsem hem stret. Fastaem, hem i mekem tu man nomo, wan we i man mo wan we i woman. 28Nao hem i blesem tufala, mo i talem long tufala se, “I gud yutufala i gat plante pikinini blong yutufala, blong olgeta we bambae oli kamaot biaen long yutufala, bambae oli save go stap long olgeta ples long wol. Nao bambae yufala i save mekem evri samting long wol ya oli stap aninit long han blong yufala. Mi mi putum yufala blong yufala i bos long ol fis, wetem ol pijin, mo ol narafala samting we i gat laef we oli stap long wol ya, i stat long olgeta we oli bigbigfala, i go kasem olgeta we oli smosmol.”

29Nao God i talem se, “Olgeta samting ya we oli stap karem kakae long graon, wetem olgeta we oli stap karem kakae antap, mi mi putum olgeta evriwan se oli blong yufala, blong oli stap givim kakae long yufala. 30Be ol gras mo ol narafala tri, mi putum olgeta se oli blong ol pijin wetem ol anamol, blong olgeta evriwan, i stat long olgeta we oli bigbigfala, i go kasem olgeta we oli smosmol, be oli gat kakae blong olgeta.” Nao ol samting ya oli kamtru olsem we hem i talem.

वर्तमान में चयनित:

Jenesis 1: BBR

हाइलाइट

कॉपी