JENESIS 1
1
Ka jingïathuhkhana shaphang ka jingpynlong
1Ha kaba mynnyngkong, haba U Blei u la thaw ïa ka pyrthei, ka pyrthei ka long kaba khlem dur bad kaba suda. 2Ka duriaw kaba khih phaloh kaba tap ïa kiei kiei baroh ka la shah tyllep ha ka jingdum ïong ngit, bad U Mynsiem U Blei u khih halor ki um.
3 #
2 Kor. 4:6
Nangta U Blei u la hukum, “To long ka jingshai” — bad ka jingshai ka la long. 4U Blei u la sngewbha ïa kaei kaba u la ïohi. Nangta u la pynïakhlad ïa ka jingshai na ka jingdum. 5Bad u la khot kyrteng “Ka Sngi” ïa ka jingshai, bad “Ka Miet” ïa ka jingdum. Ka janmiet ka la leit bad ka step ka la wan — kata ka la long ka sngi kaba nyngkong.
6-7 #
2 Pet. 3:5
Nangta U Blei u la hukum, “To long ka lyngngun haw haw ka ban pynïakhlad ïa ka um bad buh ïa ka ha ki ar tylli ki jaka” — bad la pyndep ïa ka. Kumta U Blei u la thaw ïa ka lyngngun haw haw, bad ka la pynïakhlad ïa ka um hapoh jong ka na ka um kaba halor jong ka. 8U la khot kyrteng “Ka Sahit bneng” ïa ka lyngngun haw haw. Ka janmiet ka la leit bad ka step ka la wan — kata ka la long ka sngi kaba ar.
9Nangta U Blei u la hukum, “Ai ba ka um kaba hapoh ka sahit bneng kan lang shi jaka khnang ba ka ryngkew kan paw” — bad la pyndep ïa ka. 10U la khot kyrteng “Ka Khyndew” ïa kata ka ryngkew, bad ïa kata ka um kaba lang shi jaka u khot kyrteng “Ka Duriaw”. Bad U Blei u la sngewbha ïa kaei kaba u ïohi. 11Nangta u la hukum, “Ai ba ka khyndew kan pynmih ïa ki jait jingthung baroh, kito kiba pynmih symbai, bad kito kiba pynmih soh” — bad la pyndep ïa ka. 12Kumta ka khyndew ka la pynmih ïa ki jait jingthung baroh, bad U Blei u la sngewbha ïa kaei kaba u ïohi. 13Ka janmiet ka la leit bad ka step ka la wan — kata ka la long ka sngi kaba lai.
14Nangta U Blei u la hukum, “Ai ba ki jingshai kin paw ha sahit bneng ban pynïakhlad ïa ka sngi na ka miet, bad kin kdew ïa ka por haba ki sngi, ki snem, bad ki Jingkhawai Niam#1:14 Jingkhawai Niam: Ha kane ka bynta ka lah ban mut ruh ïa ki aïom. ki sdang; 15kin tyngshaiñ ha kata ka sahit bneng ban ai jingshai ïa ka pyrthei” — bad la pyndep ïa ka. 16Kumta U Blei u la thaw ïa ki ar tylli ki jingshai kiba kham khraw, ka sngi ban synshar mynsngi bad u bnai ban synshar mynmiet. U la thaw ruh ïa ki khlur. 17U la buh ïa ki jingshai ha sahit bneng ban pynshai ïa ka pyrthei, 18ban synshar ïa kaba mynsngi bad ïa kaba mynmiet, bad ban pynïakhlad ïa ka jingshai na ka jingdum. Bad U Blei u la sngewbha ïa kaei kaba u ïohi. 19Ka janmiet ka la leit bad ka step ka la wan — kata ka la long ka sngi kaba saw.
20Nangta U Blei u la hukum, “Ai ba ki um kin dap da kiba bun ki kynja jingthaw ba-im, bad ai ba ka suiñ kan dap da ki sim.” 21Kumta U Blei u la thaw ïa ki mrad duriaw ba-ishyrkhei kiba khraw, ïa baroh ki jingthaw kiba im hapoh um, bad ïa baroh ki jait sim. Bad U Blei u la sngewbha ïa kaei kaba u ïohi. 22U la kyrkhu ïa ki baroh bad u la bthah ïa ki jingthaw kiba im hapoh um, ban kha roi bad ban pyndap ïa ka duriaw, bad u la bthah ïa ki sim ban ïaroi byllai. 23Ka janmiet ka la leit bad ka step ka la wan — kata ka la long ka sngi kaba san.
24Nangta U Blei u la hukum, “Ai ba ka khyndew kan pynmih ïa ki jait mrad baroh, ki jingri bad ki mradkhlaw, kiba rit bad kiba heh” — bad la pyndep ïa ka. 25Kumta U Blei u la thaw ïa ki baroh, bad u la sngewbha ïa kaei kaba u ïohi.
26 #
1 Kor. 11:7
Nangta U Blei u la ong, “Mynta pat ngin ïathaw ïa ki briew; kin long kum ma ngi bad syriem ïa ngi. Kin don ka bor halor ki dohkha, ki sim, bad ki mrad baroh, ki jingri ne ki mradkhlaw, kiba rit bad kiba heh.” 27#Jen. 5:1,2#Mat. 19:4; Mrk. 10:6Kumta U Blei u la thaw ïa ki briew, da kaba pynlong ïa ki ban long kum ma u hi. 28U la thaw ïa ki, shynrang bad kynthei, u la kyrkhu ïa ki, bad u la ong, “To phin ïoh bun ki khun ki kti, ba ki nonghiarpateng jong phi kin shong kin sah ha kylleng ka pyrthei bad wallam ïa ka hapoh ka jingsynshar jong ki. Nga buh ïa phi ban khmih ïa ki dohkha, ki sim, bad ïa baroh ki mradkhlaw. 29Nga la pynbiang ïa baroh ki jait symbai bad baroh ki jait soh na ka bynta jong phi ban bam; 30hynrei ïa ki mradkhlaw baroh bad ïa ki sim baroh nga la pynbiang u phlang bad ki jingthung ba mih sla ban long ka jingbam” — bad la pyndep ïa ka. 31U Blei u khmih ïa kiei kiei baroh kiba U la lah thaw, bad u la sngewbha eh. Ka janmiet ka la leit bad ka step ka la wan — kata ka la long ka sngi kaba hynriew.
वर्तमान में चयनित:
JENESIS 1: KHACLBSI
हाइलाइट
शेयर
कॉपी
Want to have your highlights saved across all your devices? Sign up or sign in
Khasi CL Bible
Copyright © Bible Society of India, 2016.
Used by permission. All rights reserved worldwide.
