KO SĒNESI 2
2
1Pea ko eni kuo ‘osi ‘a e ngaahi langi mo māmani, mo honau ngaahi hōsitē.
Ko e ‘aho hono fitú
2Pea na‘e faka‘osi ‘e he ‘Otua ‘i hono ‘aho fitu ‘a e ngāue na‘a ne fai; pea ne mālōlō ‘i hono ‘aho fitu mei he ngāue kehekehe na‘a ne fai.#‘Eki 20.11 #Hep 4.4,10 3Pea na‘e tāpuaki‘i ‘e he ‘Otua ‘a e ‘aho ko hono fitu, mo ne tapui ia: koe‘uhi ko ia ia na‘a ne mālōlō ai mei he‘ene ngāue kotoa pē, ‘io, mei he fakatupu me‘a mo ngaohi me‘a ‘e he ‘Otua. 4Ko e tohi eni ‘o e hako ‘o langi mo māmani, ‘o kamata mei hono fakatupu, mei he ‘aho na‘e ngaohi ai ‘e Sihova ‘Elohimi ‘a māmani mo e langi.
Ko e Ngouetapu ‘i ‘Ītení
5Pea kuo te‘eki ke ‘i he fonua ‘a e ngaahi ‘akau kehekehe ‘o e ngoue, pea kuo te‘eki ke tupu ‘a e mohuku kehekehe ‘o e ngoue; koe‘uhi kuo te‘eki ke faka‘uha ki he fonua ‘e Sihova ‘Elohimi, mo e ‘ikai ha tangata ke ngoue‘i ‘a e kelekele. 6Pea na‘e ‘alu hake ‘a e mao#2.6 mao; pe manga‘i vai, ka ‘oku ngali tonu ange ‘a e: maó. mei māmani, ‘o fakaviviku ‘a e funga kelekele kotoa.
7Pea na‘e ngaohi ‘e Sihova ‘Elohimi ‘a e tangata#2.7 tangata… kelekelé: ‘Oku tupu‘i lea taha ‘a e faka-Hepelū ‘o e tangatá mo e kelekelé. mei he efu ‘o e kelekele,#2.7 tangata… kelekelé: ‘Oku tupu‘i lea taha ‘a e faka-Hepelū ‘o e tangatá mo e kelekelé. ‘o ne hō ki hono ava‘i ihu ‘a e mānava mo‘ui; pea na‘e hoko ‘a e tangata ko e kakano mo‘ui.#1 Kol 15.45
8Pea na‘e tō ‘e Sihova ‘Elohimi ha ngouetapu ‘i ‘Īteni, ‘i hahake; pea ne tuku ai ‘a e tangata kuo ne ngaohi. 9Pea na‘e fakatupu ‘e Sihova ‘Elohimi mei he kelekele ‘a e ‘akau kehekehe na‘e hā faka‘ofo‘ofa, pea lelei ki he kai; kae‘uma‘ā ‘a e ‘Akau ‘o e Mo‘ui ‘i he loto ngoue, mo e ‘Akau ‘o e ‘Ilo-‘o-e-lelei-mo-e-kovi.#Fkhā 2.7; 22.2,14
10Pea na‘e ‘i ai ha vaitafe na‘e tupu ‘i ‘Īteni ke fakaviviku ‘a e ngoue; pea ‘i he‘ene hū kitua‘ā ne mavahevahe ko e matavai ‘e fā. 11Ko e hingoa ‘o e ‘uluaki ko Pīsoni: ko ia ia ‘oku ne takatakai ki hono kotoa ‘o e fonua ko Havila, ‘a e potu ‘oku ‘i ai ‘a e koula; 12pea ‘oku lelei ‘a e koula ‘o e fonua ko ia: ‘oku ‘i ai ‘a e mata‘itofe mo e maka ‘onike. 13Pea ko e hingoa ‘o hono ua ‘o e vaitafe ko Kīhoni: ko ia ia ‘oku ‘alu takatakai ki hono kotoa ‘o e fonua ko Kusa.#2.13 Kusa: Ko e fonua eni mei he fakatonga ‘o ‘Isipité, pea na‘e kau ki ai ‘a e ngaahi konga ‘o e ongo fonua lolotonga ko ‘Itiopea mo Sūteni. 14Pea ko e hingoa ‘o hono tolu ‘o e vaitafe ko Hitikeli: ko ia ia ‘oku ‘alu ‘i he tafafonua ‘o ‘Āsilia. Pea ko e vaitafe ko hono fā ko ‘Eufaletesi ia.
15Pea na‘e ‘ave ‘a e tangata ‘e Sihova ‘Elohimi, ‘o ne tuku ia ‘i he ngouetapu ‘o ‘Īteni ke ngoue‘i mo tauhi ia. 16Pea na‘e tu‘utu‘uni ‘e Sihova ‘Elohimi ki he tangata, ‘o pehē, ‘E lelei ‘aupito ho‘o kai mei he ngaahi ‘akau kehekehe ‘o e ngoue; 17ka ko e ‘Akau ‘o e ‘Ilo-‘o-e-lelei-mo-e-kovi ‘e ‘ikai te ke kai mei ai: he ko e ‘aho te ke kai mei ai kuo pau te ke mate.
18Pea folofola ‘a Sihova ‘Elohimi: ‘Oku ‘ikai lelei ki he tangata ke toko taha; ka u ngaohi ma‘ana ha tokoni ke ‘ao mo ia. 19Pea ngaohi ‘e Sihova ‘Elohimi mei he kelekele ‘a e fanga manu kotoa pē ‘o e fonua, pea mo e manupuna kehekehe ‘o e langi; ‘o ne ‘omi ki he tangata ke vakai pe ko e hā ha hingoa te ne ‘ai ki ai: pea ‘ilonga ha hingoa ne ‘ai ‘e he tangata ki he me‘a mo‘ui takitaha ko hono hingoa leva ia. 20Pea fakahingoa ‘e he tangata ‘a e ngaahi fa‘ahinga manu lalata, mo e manupuna ‘o e langi, mo e ngaahi fa‘ahinga manu kaivao; ka ki he tangata na‘e ‘ikai te ne ‘ilo ha tokoni ke ‘ao mo ia.
21Pea fakatō ‘e Sihova ‘Elohimi ki he tangata ha mohe ma‘u, ‘o ne mohe: pea na‘a ne unuhi hono hui vakavaka ‘e taha, ‘o ne fetongi kakano ke ma‘opo‘opo; 22pea ko e hui vakavaka na‘a ne to‘o mei he tangata na‘e fa‘u ‘aki ia ‘e Sihova ‘Elohimi ha fefine, ‘o ne ‘omi ia ki he tangata. 23Pea pehē ‘e he tangata, Ko e fai ko eni ko e hui mei hoto hui, mo e kakano mei hoto kakano: ‘e fakahingoa eni ko e Fefine, koe‘uhi na‘e to‘o ia mei he Tangata.#2.23 ko e Fefine… Tangata: ‘Oku vāofi ‘a hono pu‘aki ‘o e faka-Hepelu= ‘o e fefiné mo e tangatá. 24Ko ia ‘e tukuange ‘e he tangata ‘ene tamai mo ‘ene fa‘ē, kae pīkitai ki hono uaifi: pea te na hoko ko e kakano pē taha.#Māt 19.5; Ma‘ake 10.7,8; 1 Kol 6.16; ‘Efe 5.31
25Pea na‘a na fakatou telefua, ‘a e tangata mo hono uaifi, ka na‘e ‘ikai te na mā.
वर्तमान में चयनित:
KO SĒNESI 2: TMB
हाइलाइट
शेयर
कॉपी
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
