Matiye 6

Wərban wən aka wəbah sit məzurayɗe

1An munokum tatəɗɗaŋ wəza mogon vi Maŋgəlva, kədaɗɗanən vi ɗii dulukumən gən ɓa. An munokum tatəɗɗaŋ vas na, kərəhaŋ na riba səza Affukum na disiŋ ɓa.

2An əstatə baahsən məzuraya, kədaɗɗan vi ɗii dulukun gən ɓa va net məluvuluvuɗe adaɗɗaŋ adəv gəla nawpel wənnet Yahudiyenɗe, gəm aket tiveɗi. Adaɗɗaŋ vas na vi ɗii də gakdaketin gəni. Gesiŋ nədawnah sukum: Arəhənək riba net səkay. 3Amma noko an əstatə baahsən məzuraya, apsən məɗamma, ko baynok na makroko adawsənən ɓa. 4Aɗɗa mogon nok məɗamma, Affuk məzula an kədaɗɗa məɗamma wagəɗ suk riba.

Zezu tay wərban wən na zuliya

(Luka 11.2-4)

5An munokum tatə zuliyaŋ kədaɗɗaŋ vanet muluvuluvuɗe ɓa, səka aŋglaŋ wizu adəv gəleɗe nawpel wənnet Yahudiyenɗe ɓa. Aka zləzlaŋbray tiveɗi, aŋglaŋ kəzuli adaka vi ɗii dulenən gəni. Gesiŋ nədawnah sukum: Arəhənək riba net agrakə. 6Amma an kəŋgələk wəzuliya, atoŋ eŋgil anok da, amba təkiya ampan madamba akaman Affuk an na təki nawlay ɓa, Affuk an məzula an kədaɗɗa məɗamma wapsuk riba nani.

7An munokum tatə zuliyaŋ kəda mə gənən wəpel va net ɗiiyen də tafaŋ ɓa adaɗɗaŋ ɓa. Azet na Maŋgəlva wataf wəzuli neti vi adaw peleŋ diiɗa. 8Kədaɗɗaŋ venet ɓa, vi Affukum asənək an kədaŋglaŋ daga kəɓəlaŋ wəzuli sən ɓa. 9An munokum tatə zuli na, vaŋki kədaw nəhaŋ:

Aw Affəm na disiŋ, salala* kənani,

aɗɗa ko naway pak də gakdakan gən iya noko.

10Arban səm məlĩ noko.

Wəŋgla nok dəsan aka dəlva fuŋ va asan a disiŋ.

11Apsəm way an na tərsəm wəray dəpaŋka.

12Aviyan səm mambray namə,

va mədah viyan sit ɗiiyen məɗɗaŋ mambray azamə.

13Ataɗmə vi Satan ada mbəɗamə,

kapan wətaf nam ɓa.

Amma agil gəm səva Satan.

Vi məlĩ van noki də sembe də gakdaka, ha faɗə. Amin.

14Am munokum tatə viyanən mbrayen an ɗii adaɗɗaŋ sukuməni, Affukum na disiŋ waviyan sukum mambray nokum tamə. 15Amma an kaviyan sitin mbray an adaɗɗaŋ sukumən ɓa, Affukum na disiŋ aviyan sukum na mambray nokum ɓa'a.

Wərba wən aka əsee' meme

16An munokum tat əsee'eŋ meme kədar banən zukum sah venet muluvuluvuɗe adaɗɗaŋ ɓa, taŋ wərosonən ki hereti, vi ɗii dulenən gən na taŋ əsee'eŋ meme. Naw gesiŋ nədawnah sukum: Net arəhənək riba net grakə. 17Amma isi an əstat əsee' meme aɗah horoko, akot kiko, 18vi ɗii adasənən na əstatə see meme ɓa. Affuk an na təki məɗamən ndəni dəl sənən kaaka'ə Affuk an məwəl an kədaɗɗa məɗamma, wapsuk riba.

Arya na disiŋ

(Luka 12.33-34)

19Kəl dah zaɓanən arya nokum a duniya ɓa, atəki na məsuk-sləma də təki zazaya kawray gən ɓa, atəki net maheleŋɗe kaw soo' nən gəleɗe kaw halnən ɓa. 20Amma məzaɓan arya nokum a disiŋ, adaka məsuk-sləma də təki zazay aɓap na kawray gən ɓa, mahelɗe bo aɓapnənna wəhalən ɓa'a. 21Vi atəki arya nok asani makrok bo adaki adawsani.

Təki babar na gəɓa zə ɗəffa

(Luka 11.34-36)

22Haran ɗəf tay va pitirla na zəni. An horok tay mogoni, zuk wasan va naw kekeɓe'e. 23Amma an horok tay mogon ɓa, zuk pak tay ara guzliyo. An təki babar na zuk kəŋka ara guzliyi, guzli nan wasan diiɗa.

Maŋgəlva dit deleɗi

(Luka 16.13)

24Ɗəf tay naɗɗa wəza viyit ɗii gugiriɗ sula ɓa. Wazel ɗəffaŋka waŋglu ɗəf andaka, wagakdakan ɗəf aŋka, wazelen ɗəf andaka. Kəɓapaŋ na wəɗɗa wəza sən Maŋgəlva də wəgay sit wənnet deleɗ pak ɓa.

Wəsən Maŋgəlva

(Luka 12.22-31)

25Vi vaski nədawnah sukum: Kədawyanən zukum də wənna zəga naw zəma də zəga naw saa walla wənna lukut ɓa. Zeŋgille tay də sləman dayki wəzəma, zən bo dayki lukut də sləmani, vaski ɓa sa? 26Mula biŋgeɗi, aslgaŋ ɓa, aw bəlaŋ ɓa, zəga tay ada kalanən a maheɗ net ɓa, amma Affukum na disiŋ tay zəm giti. Kədayaŋ kiyit biŋgeɗ də sləma diiɗa ɓa sa? 27Naway səmbokum də sembe naw kay maŋgesl wəsva nan ko suɗike di?

28Vi mi kədawgayaŋ sənən wənna lukut di? Mule wəfiyeɗ nawra va ada fiyoŋgu. Aɗɗaŋ wəza ɓa, awhoŋ gabaga ɓa. 29Amma naw əntatə nah sukum: Ko Salmoŋ də arya nan diiɗaŋ pak də gul ɗaah lukut mogon va net wəfiyok ɓa. 30Maŋgəlva tay gulsən kevile awra dəpaŋka, pumpum offo wazla. An vaski na agul sukum na dayki as ɓa sa, munokum məs wətaf nokum tay diiɗa ɓa? 31Kəda nahaŋ na: Mi məl zəm di? Walla mi məl saa di? Walla mi məl gul di ɓa? 32Ɗii məs dətafaŋ ɓa taŋ wəkayetin zigeɗis pakə. Amma Affukum na disiŋ asənək pak wəraykum taya zet zigeɗiski. 33Məgaysən məlĩ na Maŋgəlva dabəŋ də əŋgla nani, asna wapsukum an dəmbər pakə. Kədawkayaŋ vi pumpum ɓa, vi pumpum wasən kini, tattuwãh an də dazan pay pak məkki sən pay nani. 34Kəda ɗumoŋ vi pumpum ɓa: Vi pumpum waɗumsən kini. Payan digil pak tay gaysən tattuwãh nani.

वर्तमान में चयनित:

Matiye 6: GDRNT85

हाइलाइट

कॉपी