Matiye 4
4
Wərak na Zezu
(Markus 1.12-13 / Luka 4.1-13)
1Dərɓaga nəska Əmpəs na Maŋgəlva akak Zezu awra vi Satan dərakan gəni. 2Zezu dəzəm zəga ɓa, pay kaklaw poɗo, may armaka. 3Satan azarka zani, apsən na: An Wət Maŋgəlva kənani anahsit girmeŋgeŋki dəkpaŋgaŋ gən zəga nawzəma. 4Zezu azlansənka: Ɗerewel amna: Ɗəf asana madaran vi way kaaka ɓa, amma də wəpel an dədawgilyen səma Maŋgəlva pakə.
5Satan akak awalaŋ gəla metiŋ salala, asugənək aka gəla metiŋ naw zuliya*. 6Apsən na: An Wətən Maŋgəlva* kənan na, azlah daga saŋka ha a fuŋ, vi ɗerewel anahək na:
Maŋgəlva waɗi wən nan set maslayɗe nan viko,
də kaslkun gəni də veti,
vi tuluk adaŋgbay aza gərəm ɓa.
7Zezu azlan sən na: Ɗerewel amna: Kədawrakan Maŋgəlva Ɗəfdaya nok ɓa.
8Yaŋ Satan apaŋ gən aka mosorgo məɓayən diiɗa, arban sənək milyeŋge na duniya də gakdak net pakə.
9Apsən na: An kukdukuk takprok vi ka gakdakawa wanəpsuko.
10Amma apsən na: Dok səzawa, Satan, appawa. Vi ɗerewel amna: Agakdakan Maŋgəlva Ɗəfdaya noko, anan katər gən kəlgəɗ sən wəza.
11Dəpaski Satan apan Zezu, yaŋ maslayɗe azoŋ azani aɗɗaŋ sənənək wəza.
Zezu atəŋ wəza nan a Galile
(Markus 1.14-15 / Luka 4.14-15)
12Yo adan Zezu apprəm na, məsgani Zaŋ a daŋgay, asilke, ambatka aka dələv na Galile. 13Asana a Nazaret ɓa, ambatək wəsan a Kafarnahum, awalaŋ gəla disiŋ ki pe'e, na Galile aka dələv an mərslani, Zabulon də Neftali. 14Də wəɗɗan vaski aknəhan wəpel na məs kleŋ Ezay anah na:
15Dələv na Zabulon də dələv na Neftali,
daga səka tive nawmbat a pe'e dəgar ki məlpa na
Zordan də Galile, aka dələv net ɗiiyen dəsənaŋ Maŋgəlva ɓa asuwaŋ,
16ɗii məsoŋ ara guzliyo wawlanən təki babar diiɗa.
Ɗii məsoŋ aka dələv namta də tiɗim tiɗim nani,
təki babar wakaseke.
17Dəpaski Zezu atəŋ wəpel wənna. Anahək na: Mətubiyə vi məlĩ na disiŋ go'oy.
Va Zezu aye mərmaŋ kilif poɗo
(Markus 1.16-20 / Luka 5.1-11)
18Adan Zezu adabal aba məlpa na Galile, awlek ɗii də məlma zit sula mərmaŋ kilfi. Simoŋ məs adawyaŋ na Piyer də Andre an məlməni tahəŋ wəsgetin zəveɗe net eret iŋkile. 19Zezu apsit na: Məsbawa, wanəkpaŋgokum məkayaŋ ɗiiyi. 20Go'ləŋ apetinik zəveɗe neti, asbanənka.
21Ambatək abe faraɗa, awlek ɗii də məlma zit sula meɓɓeti, Zak wətən Zebede, gəm Zaŋ an məlməni tahəŋ adəv bəlay də Zebede affiti, tayə zeɓetin zəveɗe neti. Zezu ayeke. 22Go'ləŋ apanənək bəlay də affiti asbanənək Zezu.
23Zezu abbalək a Galile pak arbanək wən adəv gəla nawpel wənnet Yahudiyenɗe, apelik Wən Nenek na məlĩ na Maŋgəlva ambəl gitik ɗii məs gbəgbaɗe pak dit ɗii məmbər sit pakə. 24Halabara nan atərayək aka dələv na Siriya pakə, akisənənək məzu zəmaŋ saha də gbəgba' temtem gəm məs gbəgbaɗe məɗeŋgreŋ. Zezu ambəl gitike. 25Ngaɓa net ɗii diiɗa asbanənək daga sə Galile, gəm səka dələv məs adawyaŋ na walaŋ gəleɗe klaw sə Zerusalem, daga sə Zude, gəm daga sə dəgar ki məlpa na Zordan.
वर्तमान में चयनित:
Matiye 4: GDRNT85
हाइलाइट
शेयर
कॉपी
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.