THILSIAM THU 5
5
Adam Ah Kipat Noah Chate Tiang
(1 Kh 1.1-4; Luk 3.36-38)
1 #
Thl 1.27,28 Zia hi Adam suante khangthu chuanna lekhabu chu ahi: Pathian in mihing a siam ni khan Pathian tawh kipua in a la siam ah.
2 #
Mat 19.4; Mar 10.6 Amau chu pawsal leh numei in a la siam ah, a maljawl ah, a siam ni ma ma khan a min ding un Mihing#Mihing hi Hebrai pau in Adam ahi a la sak tai.
3Adam chu kum za leh sawmthum ahi in, ama mêlpu chapa a hun nei ta’n, a min in Seth a sak a.
4Seth a nei nung in Adam chu kum za giat a dam nalai ah; chapa leh chanu dang dang le a nei nalai hi.
5Adam dam sung chu kum za kua leh sawmthum ahi’n, tichun, a thi tai.
6Chun, Seth chu kum za leh panga ahi in chapa pakhat Enosh a hing a.
7Enosh a nei nung in Seth chu kum za giat leh pasagi a dam nalai ah, chapa leh chanu dang dang le a nei nalai hi.
8Seth dam sung chu kum za kua sawm leh ni ahi’n, tichun, a thi tai.
9Chun, Enosh chu kum sawmkua ahi in chapa pakhat Kenan a hing a.
10Kenan a neinung in Enosh chu kum za giat sawm leh nga a dam nalai ah, chapa leh chanu dang dang le a nei nalai hi.
11Enosh dam sung chu kum za kua leh panga ahi’n, tichun, a thi tai.
12Chun, Kenan chu kum sawmsagi ahi in chapa pakhat Mahalalel a hing a.
13Mahalalel a neizaw in Kenan chu kum za giat leh sawmli a dam nalai ah, chapa leh chanu dang dang le a nei nalai hi.
14Kenan dam sung chu kum za kua leh sawmkhat ahi’n, tichun, a thi tai.
15Chun, Mahalalel chu kum sawmguk leh nga ahi in chapa pakhat Jared a hing a.
16Jared a nei nung in Mahalalel chu kum za giat leh sawmthum a dam nalai in, chapa leh chanu dang dang le a nei nalai hi.
17Mahalalel dam sung chu kum za giat sawmkua leh nga ahi’n, tichun, a thi tai.
18Chun, Jared chu kum za sawmguk leh ni ahi in chapa pakhat Enok a hing a.
19Enok a nei nung in Jared chu kum za giat a dam nalai in, chapa leh chanu dang dang le a nei nalai hi.
20Jared dam sung chu kum za kua sawmguk leh ni ahi’n, tichun, a thi tai.
21Chun, Enok chu kum sawmguk leh nga ahi in chapa pakhat Mathuselah a hing a.
22Mathuselah a nei nung in Enok chu kum za thum sung Pathian tawh a kivop zing nalai un; chun, chapa leh chanu dang dang le a nei nalai hi.
23Enok dam sung chu kum za thum sawmguk leh nga ahi;
24 #
Heb 11.5; Jud 1.14 Enok chu Pathian tawh a kivop zing nalai un; chun, ama chu Pathian in a lâkmang tâk ziakin, a um ta puai.
25Chun, Mathuselah chu kum za khat sawmgiat leh sagi ahi in chapa pakhat Lamek a hing a.
26Lamek a nei nung in Mathuselah chu kum za sagi sawmgiat leh ni a dam nalai in, chapa leh chanu dang dang le a nei nalai hi.
27Mathuselah dam sung chu kum za kua sawmguk leh kua ahi’n, tichun, a thi tai.
28Chun, Lamek chu kum za sawmgiat leh ni ahi in chapa pakhat a hing a.
29Zia ngei hi Lalpa’n lei chung a hânsia law ziak ah I nasepnau leh khut ah I sepgimnau ah hin ei thamuan ta’n ah, ti’n a min dingin Noah a sak tai.
30Noah a nei nung in Lamek chu kum za nga sawmkua leh nga a dam nalai in, chapa leh chanu dang dang le a nei nalai hi.
31Lamek dam sung chu kum za sagi sawmsagi leh sagi ahi’n, tichun, a thi tai.
32Noah chu kum za nga ahi’nung in, chapa Shem, Ham leh Japheth te hi a hun hing tai.
वर्तमान में चयनित:
THILSIAM THU 5: VAIPBSI
हाइलाइट
शेयर
कॉपी
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
