THA 13
13
Barnabas nei Solgo kalaisii lang ka-mpat
1Sateichii Antiyok kito kalei Charsh datei Lungkakalingmei ninado ralikapyiimei: Barnabas, Niger sii kalat Simion ninado Sairen mpfii Lusiyas, sateichii Herot sagong mah samtak katiiki kahaipii Manaen ninado Sol tei leile. 2Sateichii ahnyiinii Bangpii dato matasii malot- ryii leibangpii, rangii kamateinii tamle, “Barnabas nei Solgo Inii tha tiimatu tang karam jangpii latto takle; teijangpiinii mpoupiinago gujangpii aitoi mpat pyiilo.”
3Teitinglang ki ahnyiinii malot- ryiisii riitasii mpoupiina phyiiryiikii bah poikai pyiisii mpoupiinago lang mpat aitakle.
Barnabas nei Solnii Kaipras ki katat
4Aitiisii mpoupiinago rangii ka- mateinii lang mpatsii, mpoupiinanii Selusiya ki tat hum takle; sateichii tei kito Kaipras ki katang tei malyii gam tongsii gongtakle. 5Sateichii mpoupiinanii Salamis kitei gong wosek-kii, Saraamah kabi rasam tei Jehudimei ndwibam hangki liitsii tam mpatpyii takle sateichii Jon-nii ahnyiigo tiihale.
6Sateichii ahnyiinii dwipii ma- guisii kabam sazyii hangtei kaamaju pat tosii Paphos ki gongsek-kii, mei hangninii kamadat mahai katiimei, Lungkakalingmei jai katii zei Bar Jisu sii lat kalei Jehudimei sapfiimei hangniniigo ahnyiinii kadou wotakle. 7Mpounii dwipii maguisii kalei sazyii teiki mah apum katiipii Sargios Poulus sii lat kalei kati kahai sapfii mpou gotei kaswisii bam leile. Dwipii maguisii kabam sazyii mah apum katiipii teinii Barnabas nei Sol go lat tosii, Saraa mah kabi rasamtei shiitang karam jangpii tiile. 8Nlenii Eluma, kamadat mahai katiipii teinii (Grik lat kito mpou zei tei teile) mpoupiinago dangnaiwosii, dwipii maguisii kalei sazyii mah apum katiipii teinii malum tang karam kiteito karektoi tang karam pwidi fiitu takle. 9Nlenii Pol siido lat kaleipii Solnii rangii kamateipiinii tokryiisii, mpougo jutiit-tiit wosii tamle, 10“Nang sara kashyii mah nah sapfii mpou! Nangnii kabi hang gotei ngouroule. Nang kashyii chem katham kathampii tokryiile sateichii nangnii Bangpii mah kasang ka- majyii pwidi hang gotei tii-nkhuisii kalei tei ntak lakpo? 11Toinii julo, go phyiiryii Bangpii bah tei leile, nang mikchet tutang takle sateichii tinglang shangniikii katang nangnii leimik tei ngoulak takle;” sateichii teisek-kii mpougo mongjyiipii ninado kamyii teipii gomnei wotakle, satei- chii mei kangkanii mpougo bahto jum wosii chyiitat matutang karam jang- pii mpounii fiitu takle. 12Teitinglang ki Governor teinii pat kaleihang tei ngou wosek-kii, Bangpii mah ralika- pyii gotei madatsii malum wotakle.
Pisidiya kito kalei Antiyok kikii Polnii katam sam
13Sateichii Pol ninado mpoutai kaswimei hangnii Paphos sazyii kito malyii tong gongsii, Pamphaliya kito kalei Parga namdi kitei gongtakle, sateichii Jon-nii ahnyii dato tat n-nousanii Jerosalem ki nlaigong takle. 14Sateichii ahnyiinii Parga kito tat majupat tosii Pisidiya kito kalei Antiyok sazyiiki gong wotakle; sateichii ahnyiinii bam ntak piinei leimik tei Jehudimei mah ndwibamni tei liitsii bam takle. 15Sateichii Sa- raamah ajaitingshang larek ninado Lungkakaling meimah larek tei fiisang kaleitai Jehudimei ndwi kito apum tiikalei meiteinii ahnyii dakii lang magongsii tamle, “Kangsana- mei, meihang jangpii lung tiikamadi sam gonyiinii tam tang karam leileponii tamseilo.” 16Teito Polnii gungtu sat takle, sateichii mpou bahpiinii kahaisii tamle, “He, Isrel kito kalei sapfiimei ninado Saraago kahingmei hang, shiipyiilo. 17Isrel- meinah mah Saraa ainii nyiipfii nyii paomeigo kalai mpat pyiitakle sateichii ahnyiinii Izip sazyii kito kalei tinglang kak, mei aimeigo tiimadipyii takle sateichii ahnyiigo teibam kiteito mpounii bah poima- tusii pang mpatpyii takle, 18sateichii tingkum rekdai katang tei mpounii sazyii kamarong kiteito ahnyiigo koipyii jupyiile. 19Sateichii mpounii Kainan sazyii kito kalei lui sanago tiimaga aisii ahnyiimah sazyii hang- tei ahnyiigo toumatu tang karam jangpii, tingkum haimadai rekngiikii katang tei mpounii pyiitakle.
20Sateichii aitai tei Lungka- kalingpii Samuel katangtei mpounii samtak katiimei hang go pyiile. 21Teito ahnyiinii sagong khangle, sateichii Saraanii ahnyii dakii Benjamin ki tatreng Kiski nah sapfii mpou Solgo tingkum rekdai jangpii pyiile. 22Sateichii Saraanii mpougo poikalisii ahnyii mah sagong tiimatu tang karam jangpiinii Devit go mpatpyiile, mpou jangpiinii mpounii sakchyiido pyiisii tamle, Inii Jesse nah sapfii mpou Devit, gulung kito kamaning kamazhii hangninii dou- takle, mpounii Inii kamaning kamarei hangtei tiitangle. 23Sapfii mpou aipou gamto Saraanii pyiitanglesii riishii tiikabam taiswisii Isrelmeinah dakii Keikapyiipii Bangpii Jisugo pung gong pyiitakle. 24Mpounii gong kasuniito, Jon-nii Isrelmeinah hang dakii lung kakalimah dwi ka-mpum poitang karam jangpii reipii tam ralipyii takle. 25Sateichii Jon-nii mpou tha tiimasang pisek-kii, mpou- nii tamle, N-gu ai talesii gonyiinii maning leipo? Inii mpou tei makle, nlenii julo, gutaito mei hangninii gongtangle, Inii mpoumah pichot- ringdo nkwimang hektoi kajyii makle.
26“Lungkasyii kangsanamei, Abra- ham ki mpungmah nahmeihang ninado gonyii kak kito Saraago kahingmei, nyii dakii kaleikapyii karing kabi samtei m-mangpyii takle. 27Kadapokii Jerosalem kito kalei mei ninado ahnyii phyiiryiito apum katiimei hangteinii mpougo ninado bam ntak piinei leimik mata fii mpat kalei Lungkakalingmei mah sam gotei tikasu jangpiinii, mpougo kama luikaisii samtam tei madougong matu takle. 28Sateichii ahnyiinii gitang karam kaang mpou dato doumak kido mpougo gitoi aitang karam jang- pii ahnyiinii Pailat dato khangtakle. 29Sateichii mpou kaang kito ryii kabam matum madum tei ahnyiinii madougong malu kaleitai, mpougo tingphyiiryii teito poi m-mang wosii, roubam kikii kai aitakle. 30Nlenii Saraanii mpougo kataimei kak kito tiimaringpyii takle. 31Sateichii mpougo kaswisii Galili kito Jerosalem katang tat kapimei dakii mpounii leimik hangkii mangoupyii takle, aitoinii ahnyii ainii meihang dakii mpoumah sakchyii teile. 32Sateichii peipaomei dakii riishii tiikabam mah kabi rasam tei nyiinii gonyii dakii pung gong pyii leile. 33Katunii, Saraanii Jisugo mpat pyiisii ahnyii nahmei dakii teitei madougong mpyii takle; aitiisiido hangna kashang tam matoi lhii kikii ryiibam takle,
‘Nang gunah sapfii mpou teile,
tingnei Inii go pfii tiiwo takle.’
34Sateichii Mpounii Ahgo katai kito tiimaring kapyii jangteipiinii, kashyii kahong kitei nlailiit loilak leisii mpounii aitiisii tamle,
‘Inii gonyii dakii Devit mah kamatei malum wokabui soikalak satoi hangtei kaipyii tangle.’
35Kadapokii mpounii tam matoi lhii kaki kitodo tamle,
Gomah kamateipii gotei nangnii kashyii kahong tei
mangoupyii lakle.’
36Kadaponii Devitnii Saraa mah kamaning tei mpou hakito tiima- shangsii taitu takle; sateichii mpou- pei mpou paomeigo kaswisii poigoi aitakle sateichii mpou pumdo rou kito thamga takle. 37Nlenii Saraanii tiimaring kapyii ah teinii kashyii kahong tei ngoumakle. 38Teijang- piinii, kangsanamei, ai ai gonyiinii tiwolo, katunii mpou paikito kem tiimaga kapyii ai gonyii dakii tam ralipyii leile. 39Sateichii Moses mah ajaitingshang paikito gonyiigo tii- majyii peiwo kalak, matum madum hang kiteito mpou paikito kamalum mei hang go tiimajyiipyiile. 40Tei- jangpiinii lungkakalingmei mah larek kito tam kalei tei gonyii phyiiryii gonglak tang karam jangpii machyiiwolo, katunii,
41‘julo, he maning kamajaang mei, asungdo galo,
gado gatulo, kadapokii tingnei Inii tiikalei ai ai mei kata hangninanii gonyiigo adoi doi tiisii tiigatpii tampyii kado gonyiinii malum lakle.’”
42Sateichii ahnyiinii tatpat lei- bangpii, samhang ai gongkalei bam ntak piinei leimik ahnyii dakii kisii tamsei losii ahnyiinii khangtakle. 43Sateichii Jehudimei mah ndwibam kito ndwi kalei mei tei tat n-noupat sek-kii, Jehudimeido, Jehudimei kanat kajum Saraago kamaningmeido meihang kanii Pol ninado Barnabas tai swiwo takle; ahnyiinii ahnyiigo karashii sii Saraa mah kalungset kito tiigatpii bamtang karam jangpii ahnyiigo tam katwipyii takle.
44Sateichii gongkalei bam ntak piinei leimik tei namdiki meihang kanakii Saraa mah kabi rasam tei shiitang karam jangpii gong ndwiwo takle. 45Nlenii Jehudimeinii meihang gotei ngou wosek-kii, kamaimhiipii tokryiisanii, Polnii katam sam gotei jetdo jet tutakle sateichii tamdo tam mashyiitu takle. 46Teito Pol nei Barnabasnii lungdisii tamle, gonyii dakii Saraa mah kabi rasam ai tamrei tang karamle. Nlenii teitei gonyiinii gonyii dato kataitoisii kalui kaga karing doutang karam ai doumajyii maklesii gonyii roinapiinii maning kalu jangteipii, julo, nyiinii lui kakimeida tat tutakle. 47Kada- pokii Bangpiinii nyiidakii aitiisii kakhatpyiile,
‘Inii gonyiigo luikakimei jangpiinii kava hangninii tiipyii takle,
sazyii pouryiimei hangnii keikapyii tei doumatu tang karam jangpii.’
48Sateichii lui kakimei hangnii ai ai shiiwo sek-kii, ntado nta takle, Saraa mah kabi rasam godo tam matoile sateichii kalui gasii lungtang karam jangpii kalai kalumei hangnii malum wotakle.
49Sateichii Bangpii mah kabi rasamtei bamlyii hang kikii tam nhatu takle. 50Nlenii meinii sadzyii ngariit katii ninado Saraago kamalum mei sapwimei hang go Jehudimeinii katwikai pyiisanii Pol nei Barnabas phyiiryiikii tiikamage pyiitang karam jangpii sam kamoi tii mpat pyiisanii, ahnyii mah sazyii kiteito baatoi aitakle. 51Nlenii mpoupiinanii ahnei pi ki buinei mana kalei tei piitamtoi aisii Ikoniam sazyiiki tei gong takle. 52Sateichii boumei tei ka-ntapii ninado rangii kamateipii tokryii takle.
वर्तमान में चयनित:
THA 13: NAG2
हाइलाइट
शेयर
कॉपी
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
