यूहन्ना 19से लोकप्रिय बाइबिल छंद

शेयर

जब यीसु उआ सिरका पीन, तब कहिन, “पूर होइगा।” अउर ऊँ आपन मूँड़ नीचे काहीं झुकाइके, प्रान छोंड़ दिहिन।

एखे बाद यीसु इआ जानिके कि अब सब कुछ पूर होइ चुका हय; एसे कि पबित्र सास्त्र माहीं लिखी बात पूर होय, कहिन, “हम पिआसे हएन।”

तब यीसु अपने महतारी अउर उआ चेला काहीं जेसे ऊँ जादा प्रेम करत रहे हँय, लघे ठाढ़ देखिके, अपने महतारी से कहिन; “हे अम्मा, देखा, ईं तोंहार लड़िका आहीं।” पुनि यीसु अपने ऊँ चेला से कहिन, “ईं तोंहार महतारी आहीं”, अउर उहय समय ऊँ चेला उनखर देख-भाल करँइ के खातिर उनहीं अपने घरय लइगें।

पय जब ऊँ सिपाही यीसु के लघे आइके देखिन, कि ऊँ मर चुके हँय, त उनखर टागँय नहीं टोरिन। पय उन सिपाहिन म से एक जने भाला से उनखे पँजरे माहीं छेदिस, त हरबिन उनखे खून अउर पानी निकरा।

ईं बातँय एसे भईं, कि पबित्र सास्त्र माहीं लिखी बात पूर होय, कि “उनखर कउनव हड्डी न टोरी जई।” पबित्र सास्त्र म एकठे अउर जघा माहीं इआ लिखा हय, कि “जिनहीं ऊँ पंचे भाला से छेदिन हीं, ऊँ पंचे उनहिन काहीं देखिहँय।”

तब ऊँ पंचे यीसु काहीं लइगें, अउर यीसु आपन क्रूस उठाए यरूसलेम सहर से बहिरे उआ जघा तक गें, जउन “खोपड़ी के जघा” कहाबत रही हय, अउर ओही इब्रानी भाँसा माहीं “गुलगुता” कहत रहे हँय।

अउर सिपाही लोग काँटन काहीं गुँथिके मुकुट बनाइके, यीसु के मूँड़े माहीं धरिन, अउर उनहीं बैगनी रंग के ओन्हा पहिराइन।