LUKE 6से लोकप्रिय बाइबिल छंद

शेयर

Maidungtu pikhailo, sichiusai Tingwang niu naliuleng pikhai bine. Pachangjiu, kamajaobo madadse naliuniu daolune; naliuniu phungtad ngamdiu then, lungsa sibo nkhase naliutu pikhai bine. Naliuniu maidungleng madadbo kumjiu Tingwang niu naliuleng madad khai bine.”

Kawibo mai siniu palungchun gasu kawibo lungchunse phungpadle; khatdi kasabo mai siniu palungchun gasu kasabo lungchunse phungpadle. Palamra palungchun ga phuibambose pamunniu dinpadbo-e.

Sichiu makjiu, naliu mikremaidung situ lungsa silo khatdi paliuleng kawi kamkhai bilo; daolanra maningson makjiu apuk khai bilo, sichiusai kadibo tathuonse naliuleng bamme, khatdi Kukachangbo Tingwang nahdung naliu thiurabo-e. Palamra paniu thuonkiu simakmai nai kasamaileng kawibo pikhai-e.

Naliu Piu lungsa sibo kumjiu naliudi lungsa silo.”

“Maidungtu ladjan thiu mane, sichiusai Tingwang niu naliutu ladjan thiulakge; maidungtu din masa mane, sichiusai Tingwang niu naliutu din masa lakge; maidungtu kuak khailo, sichiusai Tingwang niu naliutu kuak khai bine.

“Chiudi alad nkingjiu bammai naliu khuga Iniu dinbo-e: Naliuniu mikremaidungtu lungsalo, naliutu mareng maileng kawi kam khailo, naliutu siangbo maitu thoikhai bilo, naliutu kam masa khaibo maileng kakheng thiu khailo.

Naliu khuga pi kamkhai nibo kumjiu, maidung lengdi kamkhai bilo.”

Mai khatniu nabiang khatlam kaphi khaisai, khatlamdi pijiu kaphi khailo; mai khatniu na-ntiang lenbose khoilu sai nungbo ntiang sidi pikhai bilo. Nakhuga kheng mai hinaleng wakhatra pikhai bilo, khatdi mai khatniu nagu khoilusai, sise khenglan mane.

“Kawibo bang siniu kasabo rasy masi makge, maksai kasabo bang siniu kawibo rasy masi pajai makge.”

Singbang hinatu parasy masibo gasu si-e; naliuniu ndutbang gasu tathusy raimakge, maksai mumsiken gasu thurengsy raimakge.