MATIUS 1
1
Dattara puwa-puwana Isa Almase
1:1-17
(Luk. 3:23-38)
1Iamo inni dattara puwa-puwana Isa Almase, ana'na Daud, ana'na Abraham. 2Abraham laanakangi Ishak; Ishak laanakangi Yakub; Yakub laanakangi Yehuda surang uranna siana', 3Yehuda laanakangi Peres na Zerah battu ri Tamar; Peres laanakangi Hezron; Hezron laanakangi Ram; 4Ram laanakangi Aminadab; Aminadab laanakangi Nahason; Nahason laanakangi Salmon; 5Salmon laanakangi Boas battu ri Rahab, Boas laanakangi Obed battu ri Rut, Obed laanakangi Isai; 6Isai laanakangi Karaeng Daud. Daud laanakangi Suleman battu rimaeng bahinenna Uria, 7Suleman laanakangi Rehabeam; Rehabeam laanakangi Abia; Abia laanakangi Asa; 8Asa laanakangi Yosafat; Yosafat laanakangi Yoram; Yoram laanakangi Uzia; 9Uzia laanakangi Yotam; Yotam laanakangi Ahas; Ahas laanakangi Hizkia; 10Hizkia laanakangi Manasye; Manasye laanakangi Amon; Amon laanakangi Yosia; 11#2 Raj. 24:14-15; 2 Taw. 36:10; Yer. 27:20Yosia laanakangi Yekhonya surang uranna siana' rihattu rieranginna mange ri Babel. 12Rihattu mulianginna battu ri Babel, Yekhonya laanakangi Sealtiel; Sealtiel laanakangi Zerubabel; 13Zerubabel laanakangi Abihud; Abihud laanakangi Elyakim; Elyakim laanakangi Azor; 14Azor laanakangi Zadok; Zadok laanakangi Akhim; Akhim laanakangi Eliud; 15Eliud laanakangi Eleazar; Eleazar laanakangi Matan; Matan laanakangi Yakub; 16Yakub laanakangi Yusuf bura'nenna Maria, tulalaherang injo Isa turiare' injo Almase.
17Jari, iangase'na rie'i sampulo appa' pinangka' battu ri Abraham sa'genna Daud, sampulo appa' pinangka' battu ri Daud sa'genna rihattu rieranna mange ri Babel, na sampulo appa' pinangka' rihattunna muliangi battu ri Babel sa'genna ri Almase.
Kalaheranna Isa Almase
1:18-25
(Luk. 2:1-7)
18 #
Luk. 1:27
Kalaheranna Isa Almase iyamo intu assimpole inni: Rihatunna Maria, idonNa, a'bajuang juapa surang Yusuf, ia tianammu battu ri Nyaha Tangkasa, rigelenapa assurangi assimpole se're kalabini. 19Saba' Yusuf bura'nenna, se'rei tau baji' nyaha na gele a'ra' lapakadaa areng bahinenna ri a'rakang tau lohe, ia a'ra'i lapela' assa'bu-sa'bu. 20Mingka rihattunna ia latimbang-timbang pattujunna, malaeka'na Allataala kajanjangang mange ri ia riso'na na appaui, ”Yusuf, ana' Daud, akomo malla' mualle Maria a'jari bahinemmu, saba' ana' nurie' injo lalang ri pomponna injo nubattu ri Nyaha Tangkasa. 21#Luk. 1:31Ia lamana'i ana' bura'ne na kau lamuare'i Ia Isa, saba' Iamo lappakasalama' ri umma'Na battu risikonjo kadorakannai.” 22Passala injo laa'jari solanna ripa'rupa nulapau injo Karaeng patteteang ri nabbi: 23#Yes. 7:14”Sitoje'na, ana'rara injo latianangi na lamana'i ana' bura'ne, na iyai lalaareki Imanuel.” (Nua'battuang: Allataala minahang ri ditte.) 24Riambaunnamo battu ritinrona, Yusuf lageokang assimpole nulapassuroang injo malaeka'na Allataala mange ri ia. Ia laalle Maria a'jari bahinenna, 25#Luk. 1:31mingka gele minang assipatinroang sa'genna larapi' hattunna Maria laanakang ana' bura'nena na Yusuf laarengi Isa.
נבחרו כעת:
MATIUS 1: LAI_SLY
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
@LAI 2012 Indonesian Bible Society (Lembaga Alkitab Indonesia)
