LUKAS 12
12
Pangajarang mange jua ri suro-suro
12:1-12
(Mat. 10:26-33, 19-20)
1 #
Mat. 16:6; Mark. 8:15 Rihattu injo assa'bu-sa'bui lohena tau a'domung, sa'genna assiosso'-ossokimu. Jari pakaramulamu Isa ngajara, riuru-uruna mange jua ri suro-suroNa, lakua, ”Tutuiko mange ri bibi, iamo intu ripamunape'na tau Farisi intu. 2#Mark. 4:22; Luk. 8:17Gele rie' manna se're nutattongko' nagele laribungkara na gele todo' rie' nutassa'bu nagele laripappiissekang. 3Injomo saba'na apa jua mupau lalang rikalammang lakalangngerangi lalang risinara, na apa jua mubisi'-bisi' mange ri toli lalang ri bili', injo laripa'nga'ngarangi battu rate ripa'buhungang sapo. 4Nakke appau ri kaui, oe baha'-bahaangKu; akoimo malla' mange ri iyai tuakkulle injo muno batangkale na maeng injo tide'mo nuakkulle lageokang. 5Lakujo'jokangiko inai parallu mukamallakangi. Malla'moko ri Allataala, Tuampa maengi ngalle nyaha, rie' kahasana laappabuang tau antama' ri naraka. Sitoje'na Nakke appau mange ri kaui, Iamo mukamallaki. 6Gelejua dongi' intu ribalukangi limangkaju, ballinna rua doe' ki'di'? Toje'i mannamamo appakonjoi gele rie' manna sikaju lakaluppai Allataala, 7na manna pole uhu' ri ulummu ta'rekeng ngase'i. Jari akomo malla', saba' riekang jua kau anggaranna na dongi lohe injo. 8Nakke appau mange ri kau: Inai jua tau ngani ri Nakke ri a'rakang paranna tau, Ana' Rupatau laani todo'i ri a'rakang sikonjo malaeka'na Allataala. 9Mingka inai lasassalia ri a'rakang paranna tau, ia larisassali todo'i ri a'rakang malaeka'-malaeka'na Allataala. 10#Mat. 12:32; Mark. 3:29Inai jua a'bisara labaliangi Ana' Rupatau, injo lariampungi juai kadorakaanna, mingka inai attua-tua ri Nyaha Tangkasa, gelemu lariampungi kadorakaanna. 11#Mat. 10:19-20; Mark. 13:11; Luk. 21:14-15Ampa rie' tau laparapa'ko mange ri pangadelang agama iyareka mange ri pamarenta na ri tukahasa injo, akomo bata-bata anteekamua na apa nuparallu lamupau passa'bi ri kalemmu. 12Saba' rihattu injomo Nyaha Tangkasa langajara ri kau apa nuparallu lamupappihaliang.”
Tau kalumannyang mingka ba'gai
12:13-21
13Rie' se're ri tau lohe injo appau mange ri Isa, ”Guru, pauwang sadai urangku siana' solanna labagei todo'a kaharisang.” 14Mingka appaui Isa mange ri ia, ”Urang siana', inaimo maeng Nakke laangka' a'jari hakkimmu iyareka pajarumang ri kau?” 15Lakuamo pole Isa mange ri tau lohe injo, ”Ngu'rangiko na tutuko mange risikonjo kangowaang, saba' manna injo se're inni tau lohe pa'barang-baranganna, tallasa'na gelejuai sangga nubattu rikakalumannyanganna injo.”
16Maeng injo a'bisarai Isa mange ri iyai se're pakkalebarang, lakua, ”Rie' se're tau kalumannyang, sanna' lohe hassele tanana. 17Na akkuta'nangi ri atina: Apamo parallu lakugeokang, saba' tide'mo tampa' panaroang hassele'na tanaku. 18Jari lakuamo: Iamo inni parallu lakugeokang; lakurokai sikonjo palampangku ampai kubaung nula'bi bakkakang na kunanro ri injo iangase'na hassele tanaku surang barang-barangku. 19Ampa maemmo injo lakupaui mange ri nyahaku: Nyahaku, lohemo pa'barang-barangammu attambung, akkulle ripake attaung-taung sallona; jari ammari-marimoko, nganreko na nginungko surang a'rannu-rannuko. 20Mingka pauna Allataala mange ri ia: Oe kau tau ba'ga, bangngi inni jua nyahamu larialle battu ri kau, na apa numaeng muparappung, inaimo opuna injo sallo'? 21Appakonjomu sarenna tau apparappung injo pa'barang-barangang tuju ri kalenna to'jua, ampa gele kalumannyang ri a'rakanna Allataala.”
Passala rikabata-bataang
12:22-34
(Mat. 6:25-34, 19-21)
22Appaui Isa ri ana'-ana' gurunNa, ”Kanara injomo Nakke appau mange ri kaui: Akokalena bata-bata passala ritallasa'mu, ripassala apamo lamukanre, na ako todo' bata-bata ri batangkalemmu, ripassala apamo lamupake. 23Saba' tallasa intu la'bi parallu battu ri kanre na batangkale intu la'bi parallu battu ri pakeang. 24Pariatisai tallasa'na jangang-jangang kalaa' injo, gele appatahuru surang gele anduru na tide' todo' palampang pannanroanna, mingka Allataala lasare ngase'i kanre. La'bi riekang jua kau anggaranna battu ri jangang-jangang injo! 25Inaimo ri kau intu, kanara ribata-batana jua akkulle latambai ummuru'na siallo? 26Jari, ampa geleko akkulle anggeokang passala nukaminang ki'di' injo, ngura bata-batako ripassala maraenganna? 27#1 Raj. 10:4-7; 2 Taw. 9:3-6Pariatisai pattimbona taju'-taju' injo, gele akkareso, gele todo'i attannung, mingka Nakke appau ri kaui: Suleman manna sanna' kalumannyanna gele makeang ballo assimpole taju'-taju' injo. 28Jari, ampa ruku' ri koko injo, allo inni rie'i attimbo na mintara'na mae risasai ampai ripabuang antama' ri api, ribelo-beloi appakonjo ri Allataala, la'bipa pole kau, oe tau gele intu tappa'. 29Jari, ako kalemo kabenterangi apa lamukanre iyareka apa lamuinung na andalaloi bentere nyahamu. 30Iangase'na injo labojai tau lino tugele injo tappa' ri Allataala. Mingka, Ammammu laisse'i ma'nassana muparalluangi iangase'na injo. 31Mingka bojai Pakkaraengang Allataala, jari iangase'na injo ripisangkakiang todo'i mange ri kau.
32Akoimo malla', oe kau bakkalang ki'di'! saba' Ammammu maeng a'ra'mu lapassareang ri kau Pakkaraengang injo. 33Balukang ngase'i barang-barammu na assareko passidakka! Pa'buakangi kalemmu pannanroang doe' nugele lakanre toa, se're pa'barang-barangang ri Suruga nugele lala'busu, nugele akkulle laseppaki palukka' na gele akkulle lapanra'ki bu'bu'. 34Saba' ri antee-tee juai mae tattaro pa'barang-barangammu, ri injo todo'i intu nyahamu.”
Tulusu a'jaga-jaga
12:35-48
(Mat. 24:43-51)
35 #
Mat. 25:1-13
”Parallui tulusu muka'ba' aja'mu na tuli pabola'i sulomu. 36#Mark. 13:34-36Paralluko assimpole ata attajang-tajang injo pamulianna karaenna battu ripa'bontingang, solanna ampa rie'mu na akkatto'i pallo'bi', lassiri ripambungkarang pallo'bi' ri ia. 37Sunggumoko ata rirapikang injo ri karaenna tulusu a'jaga-jaga rihattunnamo muliang. Sitoje'na Nakke appau mange ri kaui: Ia laka'ba' jarre' aja'na na lasuro ngase'i attolong nganre, na ia labattu lalapa'daha-dahaangi. 38Ampa ia rie'i muliang ritangnga bangngina iyareka ridanniarina na rirapikangi a'geo' appakonjo, jari sunggu ngase'moko. 39#Mat. 24:43-44Mingka piisseki ngase'i inni: Ampa opuna sapo laisse'i tette' sikura rie' palukka', ia gelei lapa'biang rinring saponna rikakka'. 40Parallui todo'ko tulusu sadia, saba' Ana' Rupatau larie'i mae rihattu nugele injo musanna-sanna.”
41Appaui Petrus, ”Karaeng, kambemoka Rikuangang ripakkalebarang inni iyareka sikuanna rupatau?” 42Lakuamo Isa, ”Jari, inaimo pagahe sapo mallang surang sara'de', lariangka'i ri karaenna laa'jari ponggaha risikonjo atanna laassare kanre mange ri iyai ampa hattunna. 43Sunggumoko ata rirapikang injo ri karaenna lageokang jamaanna, rihattu muliannamo karaenna. 44Sitoje'na Nakke appau mange ri kaui: Karaenna injo lalaangka'i a'jari pajaga risikuanna pa'barang-baranganna. 45Mingka, ampa daa sipa'na ata injo na appaui lalang ri atina: Karaengku gele juapai lamuliang, jari pakaramulamu larabung tassitau-tau, sikonjo ata baji' bura'ne iyareka bahine injo na nganre manginungi sa'genna huja, 46jari karaenna ata injo lamuliangi ri allo nugele lasanna-sanna, surang rihattu nugele laisse', na laripappa'i kallonna surang lalapassimpole passareanna sikuanna tau gele injo mallang. 47Ata laisse' injo a'ra'na karaenna, mingka gele appasadia iyareka gele lageokang nulakaa'raki injo karaenna, sanna'i larirabunna. 48Mingka inai gele laisse' nulakaa'raki injo karaenna na lageokangi apa nuparallu languppa panra'bung, injo siso'di' jua larirabungangi. Tau lohe injo ripassareang mange ri ia, lohe todo' laripa'bojai battu ri ia, na mange ri inai lohe rirannuangangi, loheampa pole ripa'bojai battu ri ia.”
Isa ngerang passisalakang
12:49-53
(Mat. 10:34-36)
49”Nakke rie' mae lappamballung api mange ri lino na anteekamua patajalliKu, a'bola'i api injo! 50#Mark. 10:38Nakke parrallu ririo lalang se're rioang, na anteemu kamua susana atiKu, rigelenapa a'rupa passala injo! 51Pa'ngare'mu ma'nassana Nakke rie' mae langerang kadameang ri lino inni? Gele, Nakke appau mange ri kaui, gele kadameang, mingka pa'beserang. 52Saba' pakaramula rihattu inni larie' pa'beserang rilima tau sibatu sapo, tallu a'bali rua, na rua a'bali tallu. 53#Mi. 7:6Laa'besere ngase'i, amma labaliangi ana' bura'nena na ana' bura'ne lalabaliangi ammanna, idong labaliangi ana' bahinena na ana' bahine lalabaliangi idonna, matoang bahine labaliangi ana' mintu bahinena na ana' mintu bahine lalabaliangi matoang bahinena.”
Amboto tanra hattu
12:54-59
54 #
Mat. 16:2-3
Lakuamo pole Isa mange ri tau lohe injo, ”Ampa anjanjangiko rammang ammenteng lau, lassiri mupau: Labosi sarroi, na passala injo a'jari toje'i. 55Ampa mupisa'ringi anging battu rateang ngiri', mukuai: Labambangi allo, na passala injo a'jari toje'i. 56Oe, tau munape', tanra-tanrana lino surang langi' muisse'i muboto, ngurai nagele muisse' muboto tanrana hattu inni?
57 #
Mat. 5:25-26
Ngura gele todo'i mutappuki kale-kalemamo apa nutoje' inni? 58Saba', ampa kaui na balimmui a'lampa assiparapakang ri pamarenta, bajikangangi a'dameko rihattummu juapa ritangnga lalang, solanna andako laerang mange ri hakking na hakking injomo lapassareangko mange ri pagahena na pagahenamo injo lapantamakiko ri pattarungkuang. 59Nakke appau ri kaui: Geleimoko laansulu' battu ri injo, ampa gelepai mubajara inrammu sa'genna lappasa.”
נבחרו כעת:
LUKAS 12: LAI_SLY
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
@LAI 2012 Indonesian Bible Society (Lembaga Alkitab Indonesia)
