UBWANDILO 5
5
Aba nnyumba ya Adamu
(1 Syambu 1.1-4)
1 #
Bwa 1.27-28
Ulu lo lubatiko ulwa bandu aba nduyungu lwa Adamu. Bo Kyala ikumpela umundu, alinkumpelela nkifwani kyake yuyo yu Kyala. 2#Mat 19.4; Mar 10.6Alinkumpela unnyambala nunkikulu, alinkwenda nukubasaya. Alinkubapa ingamu yakuti bandu. 3Lelo bo Adamu agonile ifyinja mia yumo, nifyinja amalongo matatu (130), popapo alinkumpapa umwana undumyana uyu afwene itolo nagwe kangi ali gwa nkifwani kyake, yo alinkumpa ingamu ya Seti. 4Bo Adamu ampapile Seti, alinkugona ifyinja aba mia bahano na batatu (800); ali na bana abangi abanyambala nabakikulu. 5Bunobuno mbumi bwake bosa Adamu agonile ifyinja aba mia bahano na bana, nifyinja amalongo matatu (930), popapo alinkwenda nukufwa.
6Bo Seti agonila ifyinja mia yumo, nifyinja fihano (105), alinkumpapa Enoshi. 7Bo Seti ampapile Enoshi alinkugona ifyinja aba mia bahano na batatu nifyinja fihano na fibili (807); ali nabana abangi abanyambala nabakikulu. 8Bunobuno lelo mbumi bwake bosa agonile ifyinja aba mia bahano na bana, nifyinja kalongo na fibili (912), popapo alinkwenda nukufwa.
9Lelo bo Enoshi agonile ifyinja amalongo mahano na mana (90), alinkumpapa Kenani. 10Bo Enoshi ampapile Kenani, alinkugona ifyinja aba mia bahano nabatatu nifyinja kalongo na fihano (815), ali nabana abangi abanyambala na bakikulu. 11Bunobuno lelo mbumi bwake bosa Enoshi agonile ifyinja aba mia bahano na bana nifyinja fihano (905), popapo alinkwenda nukufwa.
12Bo Kenani agonile ifyinja amalongo mahano na mabili (70), alinkumpapa Mahalaleli. 13Bo Kenani ampapile Mahalaleli, agonile ifyinja aba mia bahano nabatatu namalongo mana (840), ali nabana abangi abanyambala na bakikulu. 14Bunobuno Kenani mbumi bwake bosa, agonile ifyinja aba mia bahano na bana nifyinja kalongo (910), popapo alinkwenda nukufwa.
15Bo Mahalaleli agonile ifyinja amalongo mahano nalimo nifyinja fihano (65), alinkumpapa Yaredi. 16Bo ampapile Yaredi, alinkugona ifinja aba mia bahano nabatatu nifyinja amalongo matatu (830), ali nabana abangi abanyambala nabakikulu. 17Bunobuno lelo mbumi bwake bosa agonile ifyinja aba mia bahano nabatatu namalongo mahano na mana nifyinja fihano (895), popapo alinkwenda nukufwa.
18Bo Yaredi agonile ifyinja mia yumo, namalongo mahano nalimo, nifyinja fibili (162), alinkumpapa Enoki. 19Lelo bo ampapile Enoki, alinkugona ifyinja aba mia bahano nabatatu (800), ali nabana abangi abanyambala na bakikulu. 20Bunobuno lelo mbumi bwake bosa Yaredi agonile ifyinja aba mia bahano na bana, na malongo mahano nalimo nifyinja fibili (962), popapo alinkwenda nukufwa.
21Lelo bo Enoki agonile ifyinja amalongo mahano nalimo, nifyinja fihano (65), alinkumpapa Metusela. 22Bo Enoki ampapile Metusela alinkwenda na Kyala ku fyinja aba mia batatu (300); ali nabana abangi abanyambala nabakikulu. 23Bunobuno lelo mbumi bwake ali nifyinja fihano bamia batatu namalongo mahano nalimo (365). 24#Hib 11.5; Yuda 14Umwene Enoki alinkwenda bwila na Kyala; po lelo alinkusita nukuboneka nakuno abukile, namanga Kyala alimwegile.
25Bo Metusela agonile ifyinja mia yumo namalongo mahano namatatu nifyinja fihano na fibili (187), po alinkumpapa Lameki. 26Bo ampapile Lameki, alinkugona ifyinja aba mia bahano na babili, namalongo mahanno namatatu, nifyinja fibili (782); ali nabana abangi abanyambala na bakikulu. 27Bunobuno mbumi bwake bosa Lameki agonile ifyinja aba mia bahano na bana, na malongo mahano nalimo nifyinja fihano na fina (969); popapo alinkwenda nukulwa.
28Bo Lameki agonile ifyinja mia yumo namalongo mahano namatatu, nifyinja fibili (182), alinkupapa umwana undumyana; 29yo alinkumpa ingamu ya Noa, alinkuti, “Nkisu iki Untwa akigunile, umwanike uyu yo isakututwalilaga ubutusyo ku mbombo syitu syosa, nunkwiyula kwa maboko gitu.” 30Lelo bo Lameki ampapile Noa, alinkugona ifyinja aba mia bahano na malongo mahano na mana, nifyinja fihano (595), ali nabana abangi abanyambala nabakikulu. 31Bunobuno mbumi bwake bosa Lameki agonile ifyinja aba mia bahano na babili, namalongo mahano nafibili, nifyinja fihano na fibili (777); popapo alinkwenda nukufwa.
32Lelo bo Noa ali nifyinja aba mia bahano (500), ali nabana batatu, Shemu, Hamu na Yafeti.
נבחרו כעת:
UBWANDILO 5: NNBII
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
BAIBULO INONGWA INUNU © Bible Society of Malawi, 2017.