Phŭn Blŭng 8
8
Ia lip hr̂ŏ glaĭ
1Plai dŏng, Ơi Adai dŏ nŏng kơčăng mơ̆ng Nô-ê, dăp tơgr̂ư̆ čĭm glai-glo tơgr̂ư̆ čĭm plơi dŏ hr̂ŏm Nô-ê tăm kŏmpăn mơ̆n, nŭn Ơi Adai ngă br̂ơi angĭn bă nao r̂ai mơ̆ng lŏn kơnah, jr̂ŏng nŭn ia hr̂ŏ tui hr̂ŏ tui. 2Ơi Adai kr̂ĭ lôi amăng ia khlăm đah tul kơnah, dăp amăng ia mơ̆ng adai dih mơ̆n, wŏt ñu khă lôi ia jan mơ̆ng adai bĭ br̂ơi jan dŏng tah, 3nŭn ia hr̂ŏ tui mơ̆ng lŏn kơnah nao-nao. Tơl 150 r̂ơi,#An Phŭn 7:24. ia hr̂ŏ tui boih. 4Nŭn yơh, kŏmpăn đom mơ̆ng kŏ čĭ pơ čal Ararat, mơ̆ng r̂ơi ti pluh juh, blan juh. 5Plai ia dŏ hr̂ŏ glaĭ nao-nao, khă tơl blan pluh. Mơ̆ng r̂ơi ti sa, blan pluh, ƀôh kŏ čĭ ƀlo đĭ.
6Pă pluh r̂ơi dơdơi mơ̆ng anŭn dŏng, Nô-ê pih amăng phă ñu ngă mơ̆ng kŏmpăn, 7jr̂ŏng nŭn ñu br̂ơi čĭm ak ha dr̂ơi biă. Čĭm ak nŭn pŏl nao pŏl glaĭ pŏl nao pŏl glaĭ,#8:7 Pŏl nao pŏl glaĭ lơ «Pŏl nao r̂ai lơi-lơi.» khă tơl ia thu-thet mơ̆ng lŏn kơnah. 8Dơdơi mơ̆ng anŭn dŏng, ñu br̂ơi čĭm bơgŏm ha dr̂ơi biă mơ̆ng ñu mơ̆n, čiăng thâo kr̂ăn laĭ, ia hr̂ŏ mơ̆ng kơnah boih thâo. 9Plai čĭm bơgŏm nŭn sem ƀon ti găm čiăng bơdơi bĭ hmâo, nŭn ñu pŏl glaĭ pơ Nô-ê tăm kŏmpăn dŏng, yua ia dŏ nŏng bŏ mơ̆ng lŏn kơnah. Nŭn Nô-ê yŏl nao ngan mă čĭm bơgŏm mŭt r̂ai tăm kŏmpăn hr̂ŏm ñu. 10Jr̂ŏng nŭn ñu dŏ gon juh r̂ơi dŏng, nŭn ñu br̂ơi čĭm bơgŏm biă mơ̆ng kŏmpăn ha wŏt dŏng. 11Tơl jĕ klăm, čĭm bơgŏm pŏl glaĭ pơ ñu, ƀôh čĭm nŭn gong glaĭ hla kơyâo ôliw da, nŭn Nô-ê ñu thâo kr̂ăn laĭ ia hr̂ŏ mơ̆ng lŏn kơnah boih. 12Nŭn ñu dŏ gon juh r̂ơi dŏng, jr̂ŏng nŭn ñu br̂ơi čĭm bơgŏm biă ha wŏt dŏng, čĭm bơgŏm nŭn bĭ pŏl glaĭ pơ ñu dŏng tah.
13Mơ̆ng thŭn năm tuh sa, r̂ơi ti sa, blan sa, ia lip thu bih mơ̆ng lŏn kơnah. Nŭn Nô-ê pŏk lôi bŭng kŏmpăn, ƀôh kơnah găng tui. 14Mơ̆ng r̂ơi ti dua pluh juh, blan dua, lŏn kơnah găng bih boih. 15Pah anŭn Ơi Adai pơhiăp hr̂ŏm Nô-ê: 16«Br̂ơi ih biă wŏ mơ̆ng kŏmpăn, dăp bơnai, dăp nă, wŏt bơnai nă ih, br̂ơi biă hr̂ŏm ih mơ̆n. 17Wŏt tơgr̂ư̆ čĭm-br̂ĭm dŏ hr̂ŏm ih, br̂ơi ih ba bơbiă hr̂ŏm ih mơ̆n, čĭm thâo pŏl, dăp čĭm plơi čĭm glai, wŏt tơgr̂ư̆ čĭm thâo r̂ôi čĭm thâo hr̂o mơ̆ng lŏn kơnah, br̂ơi hmâo pĕn-phung-pĕn-phung bŏ mơ̆ng lŏn kơnah, čiăng ñu čeh lal čal nă lô đĭ mơ̆ng lŏn kơnah.» 18Nŭn Nô-ê biă mơ̆ng kŏmpăn, dăp nă, dăp bơnai, wŏt bơnai nă ñu biă hr̂ŏm ñu mơ̆n. 19Wŏt tơgr̂ư̆ čĭm-br̂ĭm thâo să pr̂an, dăp tơgr̂ư̆ čĭm thâo r̂ôi čĭm thâo hr̂o, wŏt bih čĭm thâo pŏl, bih-tih čĭm-br̂ĭm thâo pơpĭ mơ̆ng lŏn kơnah, biă mơ̆ng kŏmpăn ha djuoi ha djuoi#8:19 Ha djuoi ha djuoi Hêbrơ laĭ «Ha khŭl ha khŭl.» mơ̆n.
Ơi Adai kă klơi uăn bơgop hr̂ŏm Nô-ê
20Jr̂ŏng nŭn, Nô-ê ngă pr̂a ngă yang Yêhôwa, nŭn ñu tô̆ čĭm plơi tơgr̂ư̆ neo mơ̆ng čĭm lơgoh, dăp čĭm thâo pŏl tơgr̂ư̆ neo mơ̆ng čĭm lơgoh mơ̆n, ba nao ngă Yang Yêhôwa čuh lôi bih blao#An Lêwi 1:3-10. mơ̆ng pr̂a ngă yang nŭn. 21Tơl Yêhôwa ƀâo suai, ñu khư̆t tăm bŭt, ñu laĭ: «Kâo bĭ hơtŏm lŏn kơnah yua mơ̆ng mơnuih dŏng tah, wŏt klơi gơñu ƀlŏng tăm bŭt, gơñu khư̆t set mơ̆ng dŏ muai ơ mơ̆n. Kâo bĭ bơr̂ăm lôi bih nŏ yĕt-yĕt thâo să pr̂an dŏng tah, hla ti kâo ngă bơr̂ăm lôi pah ahlâo nŭn.
22Jơ̆ lŏn kơnah dŏ nŏng dŏ,
Nŭn yan a jai, yan a yuă,
Yan pơiă, yan ŏt,
Yan phang, yan jan,
Dăp r̂ơi, dăp mlăm,
Bĭ ñă ôh.»
נבחרו כעת:
Phŭn Blŭng 8: JKB
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
© 2024, Wycliffe Bible Translators, Inc.