Dubbii Nagayaa Ka Yohaannisii 21
21
Yesuus Darasoota Torbaatitti Dubbate
1Kanaan maayessa Yesuus galaana Xibiriyaadoosii biratti darasootatti deebi'ee isaanitti mudhate. 2#11:16; 20:24; 1:45 Simoon Pheexroosii fi ka Didimoos jedhamu Toomaas nama Qaanaa Galiilaa Naatinaa'elii fi ijoolleen Zabdewoosii darasoota keessaallee ka biraa namoonni lamaa isaan woliin turan. 3#Luq. 5:5 Simoon Pheexroos, «Ani Qurxummii qabu'uuf deema'aara» isaaniin jedhe.
Isaan, «Nullee si woliin deemna» jedhaniin. Bayanii gara yabalaa seenan; halkan san ammo womaa hin qabne. 4#20:14; Luq. 24:16 Haga bari'e Yesuus galaana bira dhaabate. Darasoonni ammo Yesuusiin ta'uu hin beenne. 5#Luq. 24:41 Yesuus, «Ijoollee tiyya! Waan nyaatan qabduu?» isaaniin jedhe.
Isaan, «Hin qabnu» jedhanii deebisaniif.
6 #
Luq. 5:4-7
Innillee, «Siiboo keessan yabala keessan gara mirgaatiin darbaa'a hin argattanii» isaaniin jedhe. Kanaaf hin darbatan; hennaa san sababaa baay'inna qurxummi'iitiif harkisuu dadhaban. 7#13:23; Mat. 14:28-29 Darasaan Yesuus jaalatu Pheexroosiin, «Goofta'aa bee!» jedhe. Kanaaf Simoon Pheexroos Gooftaa ta'uu haga dhagaye waan qullaa tureef uffata uffatee gara galaanaa uf darbe. 8Darasoonni kuuwwan ammo lafa irraa haga ciqilee dhibba lamaa caalaa guddaa waan hin fagaanneef siiboo qurxummi'iin guuttame harkisa'aa yabalaan dhufan. 9Haga gara lafaa bayan qurxummi'ii fi xoroshoo barbadaa irra jiru argan. 10Yesuus, «Qurxummii amma qabdan keessaa as fidaa'a» jedheen.
11 #
Luq. 5:6
Simoon Pheexroosillee gara yabalaa seenee qurxummii dhibbaa fi shantamii sadihii gugurdaa siiboo guutee gara lafaa harkise; haga kana maraa qurxummiin guddaa ta'ullee siiboon hin biinxamne. 12Yesuusillee, «Koottaa hurbaata nyaadhaa'a!» isaaniin jedhe. Darasoota keessaa tokkollee, «Ati eennu?» jedhee ka isa qoruu ugge hin jiru; waan akka inni Gooftaa ta'e beekaniif. 13#6:11; Mat. 14:19; 15:36; Hu. Er. 10:41 Yesuus dhufee xoroshoo fuudhee isaaniif kenne; akkasuma qurxummiillee'e.
14 #
20:19,26 Yesuus worra du'an jiddu'uu ka'ee hennaa sadeesso'ootiif darasootatti mudhate.
Yesuusii Fi Pheexroos
15 #
1:42; Luq. 5:8-10; Mat. 16:17; Yoh. 13:37 Haga xoroshoo nyaataniin maayessa Yesuus Simoon Pheexroosiin, «Ilma Yoona'aa Simoon! Kanniin caalaa na jaalattaa?» jedheen.
«Ee, Gooftaa, akka si jaaladhu atuu hin beetta» jedheen.
«Ilmoolee tiyya bobbaasi» jedheen. 16#Luq. 22:32; Phex. 1ffaa 5:2-4 Ammallee lammeessoo, «Ilma Yoona'aa Simoon, na jaalattaa?» jedheen.
«Ee Gooftaa! akka si jaaladhu atuu hin beetta» jedheen.
Yesuus, «Korbeeyyii tiyya eegi» jedheen. 17#13:38; 16:30; 2:25; Hu. Er. 20:28 Sadeesso'oof, «Ilma Yoona'aa Simoon! na jaalattaa?» jedheen. Sadeessoo, «Na jaalattaa?» jennaaniin Pheexroos gaddee, «Gooftaa kiyya! Ati waa maraa beetta; akka si jaaladhullee atuu hin beetta» jedheen.
Yesuusillee, «Hoolota tiyya bobbaasi; 18#21:7; Mat. 16:22-23; Hu. Er. 21:11; Phex. 2ffaa 1:14 Ani dhugama dhuga'aatiin siin jedha, hennaa nama dargaggeessa turte mudhii kee ufumaan hidhattee hulee feete deemta. Haa ta'uu ammo hennaa jaartee harka kee ol qabattee namni biraa mudhii kee si hidhee gara ati hin barbaanne si fida» jedheen. 19#12:33; 13:36; Phex. 1ffaa 4:16 Du'a attamiitiin Rabbiin kabajju'uuf akka ta'u mudhisu'uuf kana jedhe. Kana haga jedheen maayessa, «Na faana koottu!» jedheen.
Yesuusii Fi Darasaa Jaalatamaa
20 #
13:23,25 Pheexroosillee midhatee darasicha Yesuus jaalatu uduu isa faanaa deemu arge; innillee hennaa dhiyanaa gara qoma isaatitti siiqee, «Gooftaa'a, ka dabarsee si kennu eennu?» ka jedhee gaafate san. 21Pheexroosillee kana argee Yesuusiin, «Gooftaa'a! kunillee attamitti ta'a?» jedheen.
22 #
Mat. 16:28
Yesuus, «Haga ani dhufuuf akka jiraatu yoo jaaladhe hoo maaltu si dhibe? Ati na faana koottu» jedheen.
23Kanaaf darasichi sun hin du'u wonti jedhame uduu gara obboleewwanii gayee, haga Yesuus dhufuuf akka jiraatu yoo jaalate maaltu si dhibe?» jedheen malee hin du'u hin jenneen. 24#15:27; 19:35; Yoh. 3ffaa 12; Mudh. Yoh. 1:2 Waan kanniiniillee ka ragee fi ka barreesse darasaa kana; ragaanillee dhugaa akka ta'e hin beenna.
25 #
20:30
Yesuus waan biraallee heddu hojjateera. Akkasuma uduu marti isaanii tokko tokkoon barreeffamanii jiraatanii, kitaabbilee barreeffaman saniif lafti tun waan geettu natti hin fakkaatu.
נבחרו כעת:
Dubbii Nagayaa Ka Yohaannisii 21: KitWoy
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
