मत्ती 18

भगवान राः राज रे सींड़कू वरी बडेअय ईया हवे?

(मरकुस 9:33-37; लूका 9:46-48)

1 # लूका 22:24 हेना तोलोग चेलाकू ईसु थरे मेजकेन तेकू होंबोरे दोहो एनु, “सरग राज रे सींड़कू वरी बडे ईया इदाना?” 2हेना वरी ईसु मियाँहोड़ चोंडिज राःकेते हेंकू राः मँझर रेय चड़ाँ तेडिया, 3#मरकुस 10:15; लूका 18:17अवुरिय कहनी तेडा, “इंञ अपे थरे सही मेतेंञ कहनी यडा, अपे अपन अपन बुरा चाल वरी मन मेने पे बदलो वेरेदो, अवुर चोंडिजकू घयते अनायिन पे बनोः मेन दिन, अपे सरग राज रे एरो पे सेन सको एना। 4हेनाते जे नेय चोंडिज घयते अनानेजिय होडिञूँ, हें-नी सरग राज रे सींड़कू वरिय बडे गिआ। 5कनय हो नेय चोंडिज घियाअय इंञ ञुमू तेय अपनो विय रेदो, हेंय ईंञिय अपनोआँ।

पाप रे लोलोजोर राः परिक्छा

(मरकुस 9:42-48; लूका 17:1-2)

6लेकिन जे होड़कू इंञ थरे कू बिसवासेआ, हेंकू होड होडींञ कू मेंडे कनय मियाँहोड़ हो एर पाप केकू ते, भगवान वरी कू अलग कू रेदो, हेंय होड़ होटोः तुरे जनता चकी तोलकेते, समुन्धर रे अटड़ गोत्तेय हेना बढ़ियाँ गिआ, लेकिन नआँ वरी हो भगवान बगरा सजाय ओवाया। 7न दुनिया रे पाप रे एर लोलोजोर कू अखीर इदान कुआ! न घयते पाप रे एर लोलोजोर कू दुनिया रेनकू थरे अखीर तकलिप मेजुआ, पाप रे एर लोलोजोर हेना टेबोः दो मेने जुआ, लेकिन एटाःकू पाप रे एर लोलोजोराय थरे अखीर ते तकलिप मेजुआ। 8#मत्ती 5:30अगर तीम चहे कटम पाप रे लोजोर मी रेदो, हेना बोंगेर केतेम घिर गोत्ते; बाटंग कटम अवुर बाटंग तीम रह ते हमेसा सेंगेल धरोः तन हेना रेम एर डलोः सेथा दो, ठुठा कोःते चहे लंगड़ा कोःते जीवन मी ञँम हेना बढ़ियाँ गिआ। 9#मत्ती 5:29अगर मेड मी पाप रे लोजोर मी रेदो, हेना उडूंग केतेम घिर गोत्ते, बाटंग मेड रह ते नरक रेम एर डलोः सेथा दो, कनवाँ कोःते जीवन मी ञँम हेना बढ़ियाँ गिआ।

अडकेनाय भेड़ी राः उदाहरड़

(लूका 15:3-7)

10 # लूका 19:10 अँजोम पे, अपे नेकू होड होडिंञकू मेंडे कनय अलोपे मेरंगवा, कहेकि इंञ अपेंञ लाय वपे तना, नेकू रेनकू दूतकू सरग रे अपुंञ मड़ंग रे हमेसा कू दोहोना। 11[कहेकि इंञ होड़ होपोन अडकेन हेंकू बंचो लगाडिय मेजकेना।#18:11 कुछ उनानी हस्तलेख रे नआँ पद हो ञँमुआ] 12अपे काःतेपे अड़ींग तना? अगर कनय होड़ रेनकू सव गोटंग भेंड़िकू दोहोनू, अवुर हेंकू मेंडे रे मियाँटंग अडुः रे, निनानबे गोटंग बुरू रे अटु केकुते अडकेन हेनी छछापा एरोय सेनेना किदो? 13अवुरिय ञँमेयू, इंञ अपे थरे सही मेतेंञ कहनी यडा, मेने कू अडगन हेंकू निनानबे गोटंग भेंड़िकू वरी हो, अडतन हेनी भेड़ी लगड अखीर तेय खुसीआ। 14नेन घयते सरग रे इदानिया, हेनी अपापे हो नेकू होड होडिंञकू मेंडे रे कनय अलोकू बिलोः मेनतेय चहोः तना।

बिसवासी गति पेकू कसूरे रेदो हेंकू सुदा काःते बेवहार करेक इदाना?

(लूका 17:3)

15ईसु अनावुरिय कहनी तेडा, अगर कनय भाई अमाः बिरूध रेय कसूरे रेदो, मिनियें होड़ ते सेनकोःतेम टेबोः समझो वियू। अगर अमाः टेबोईय अँजोम रेदो, अम अमाअय भाई सुदा रिस्ता तम मी बंचो केडा।#लूका 17:3; गला 6:1; एकूब 5:19,20 16अगर हेंय मेनेय अँजोमे रेदो, अवुर मियाँ बा होड़ मी गती जोमू; ‘ताकि बार पेय होड़ राः गोवाही ते सगोर टेबोःपे फसलायू।’#बेवस्था 19:15 17अगर हेंय हेंकू राः हो मेनेय मनोवे रेदो, कलीसिया रेनकू थरेम लाये, कलीसिया रेनकू राः मेनेय मनोवे रेदो, हेंय अनजातकू अवुर मलगुजारी#18:17 नेकू मलगुजारी तिलाकू छछारोकू दोहोना, हेनाते होड़कू नेकू मेने कू बेस वकू दोहो एनु तिलाकू घयतेम अड़ींग वयू।#1 कुरि 6:1-6; रोमि 16:17; 2 थिस्स 3:6

18 # मत्ती 16:19; एहुन्‍ना 20:23 इंञ अपे थरे सही मेतेंञ कहनी यडा, जे-ना अपे नआँ धरती रेपे तो-लेआ, हेना सरग रे तोलुआ; अवुर जे-ना धरती रेपे लड़ायू, हेना सरग रे लड़ाआ#18:18 कनर टेबोः राः बारे ते नआँ याःते अलो, मेना याःते अलो मेनते नियम बनो केते पे मँदा कू रेदो, हेना सरग रे भगवान होय मँदाया, अवुर कनारा टेबोः अपे ठिके गिआ मेनते पे एने वकू रेदो, हेना सरग रे भगवान होय एने वआ।।#मत्ती 16:19; एहुन्‍ना 20:23 19फेर अपे थरे सही मेतेंञ कहनी यडा, अगर अपे मेंडे रे बा होड़ न धरती रे एक सूर कोःते कनारा कींञ असी रेदो, हेना सरग रे दोहोनाय अपुंञ हनवरी हेंकीञ लगड ञँमुआँ।#मत्ती 7:7 20कहेकि जहाँ ना बा होड़ चहे पेय होड़ इंञ ञुमू तेकू जवारुःआ, हेना रे इंञ हेंकू मँझर रेंञ दोहोना।”

मेने दयाअय सेवेखिया राः उदाहरड़

21 # लूका 17:3,4 हेना वरी पतरस ईसु थरेय मेजेना अवुरिय होंबोर तेडा, “ए परभु, अगर इंञाअय भाई ईञाअय कनासुरे महल रेय दोहोन रेदो, तीमिन एसेंञ माफिया? सात एस किदो?”#लूका 17:3,4 22हेना वरी ईसु हेंय थरेय कहनी तेडा, “सीरिफ साते एस मेनते इंञ मेनेंञ कहनी यडा, लेकिन सात एस राः सत्तर गुना मेनते।”#उत्प 4:24; मत्ती 6:14; कुलु 3:13

23“हेनाते सरग राज#मत्ती 13:24 अनेज रेनकू हरवाहकू थरे हिसाब तिलाअय राजा घयगिआ। 24हेंय राजा हिसाबिय असी तेडा, तहाँ दस हजार सोना राः सिक्‍का#18:24 ग्रीक भासा ते दस हजार तोड़े मेनते लिखल इदाना, एक तोड़ा दस हजार रूपया वरी हो बगरा गिआ राः दाम मेनमोट करज दारिय दोहो एना, हेंय कू अगतेडा। 25लेकिन हेंय थरे मिड़ागे लगड कनर मेने दोहो गना, हेना वरी गिरहत तू कहनी तेडा, ‘नेय अवुर कोड़ीहोन तू अवुर चोंडिज कुतय अवुर जे-ना नेय राः इदाना, हेना सींड़ पे केजायू अवुरू करजा पे असुलू।’ 26हेनाते हेंय हरवाह उकड़ुम केनतेय जोहार वडिया, अवुर अखीर गोड़ेन मुड़ेन केनतेय कहनी तेडा, ‘ए गिरहत रहा सहोवेमू, सींड़िंञ मिड़ागेः तमिआँ।’ 27तहाँ गिरहत तू सोग वडिय ते हेंय हरवाहिय बगी वडियू, अवुर करजा तय होय माफ गोत्तेडू।”#लूका 7:42

28“लेकिन हेंय हरवाह बहेरिय उडूंग एना, तहाँ गतितकू मेंडे मियाँहोड़ हरवाह सुदाय जुमो एना, हेंय सव दिनारिय#18:28 एक दीनार एक दिन राः बनी करजा तना; हेंय सबके डियतेय लिंबोड तेडिया, अवुरिय कहनी तेडा, ‘करजाम तिला केड हेना तंञ मी मिड़ाः गोत्ते।’ 29हेना वरी हेंय गतीत उकड़ूम केनते हेंय थरेय गोड़ेन मुड़ेन एना, ‘रहा सहोवेमू, सींड़िंञ मिड़ागेः तमिआँ।’ 30लेकिन हेंय मेनेनेय मनो गना, अवुर हेंय सेनकेन ते करजा अनायीनिय भरोवे मेन दिन, हेन जेहेल रेय दोहोन मेनतेय एर हुड़को गोत्तेडियू। 31अवुर हेंय गति हरवाहकू हेना ञेंलके ते अखीर कू मन उदास यनु, अवुर गिरहत तू थरे सेनकेन ते सींड़ टेबोः कू लाय गोत्तेडू। 32तहाँ गिरहत तू मेने सोग गनाय हरवाह राःकेडिय तेय कहनी वडियू, ‘ए बयमान हरवाह, अम इंञ थरेम गोड़ेन मुड़ेन एना, तहाँ सींड़ करजांञ माफ तेडा। 33जेयसे इंञ अम थरेंञ दया एना, हेन घयते गतिम थरेम दया एन सी।’#मत्ती 6:12 34अवुर हेंय गिरहत तू अखीर धको केनते, सजा एम कुराः ती रे, करजा अनायीनिय मिड़ाः मेन दिन, हेंकू राः ती रेय जिमा तेडिया।#मत्ती 5:6

35नेन घयते अपे हो कनय भाई पूरा मन ते मेनेय माफ वय रेदो, सरग रे इदानिय हेनी अपुंञ हो अपे सुदा नेन घयतेय करो वेआ।”#मत्ती 6:14,15; मरकुस 11:26

נבחרו כעת:

मत्ती 18: ksz

הדגשה

שתף

העתק