যোহন আজল্ কধাগান
আজল্ কধাগান
অন্য তিন্নো গম্ হবরত্তুন্ যোহনর্ লেখ্যে গম্ হবর্বো এক্কুবারে অন্য বাবোত্যেগুরি আরাম্ভ ওইয়্যে। ইবের্ আরাম্ভ ওইয়্যেদে এ কধাগান্ দিইনে, “পত্তমে কধাগান্ এলঅ, কধাগান্ গোজেন সমারে এলঅ আর কধাগান্ নিজেই গোজেন এলঅ।” যোহনে খ্রীষ্টর্ গোজেন রেজ্য উগুরে জোর্ দিয়্যে আর কোইয়্যেদে, পড়িয়্যেগুনে যেনে খ্রীষ্ট উগুরে বিশ্বেজ্ গরন্ সেনত্তে তে তার্ গম্-হবরান্ লেখ্যে। তে যেরেদি কোইয়্যেদে, “ইয়েনি বেক্কানি লেঘা অলঅ যেনে তুমি বিশ্বেজ্ গরঅ যে, যীশু মশীহ, গোজেনর্ পুয়ো, আর বিশ্বেজ্ গুরিনে যেনে তাল্লোই জিংকানি পঅ” (২০:৩১ পদ) মান্জ্য মুজুঙোত্ গোজ্যে খ্রীষ্টর্ সাত্তান আমক্ কাম্, যিয়েনিরে যোহনে চিহ্নো-কাম্ কোইয়্যে, সিয়েনিরে নিইনে তে তার্ গম্ হবরান্ সাজেয়্যে। পত্তি চিহ্নো-কামানি কনঅ না কনঅ ভাবে প্রমাণ গরে যে, যীশু গোজেন (২:৯; ৪:৪৬-৫৪; ৫:২-৯; ৬:১-১৪; ৬:১৬-২১; ৯:১-৭; ১১:১-৪৪)।
মূলুক্ মূলুক্ কধানি:
(ক) গোজেন পুয়ো যীশুর্ এজানা (১:১-১৮ পদ)
(খ) বাপ্তিষ্ম দিয়্যে যোহন আর যীশুর্ পত্তম্ শিচ্চ্যগুন্ (১:১৯-৫১ পদ)
(গ) মান্জ্য মুজুঙোত্ যীশুর কাম্ (২-১২ লামা)
(ঘ) শিচ্চ্যগুনো ইধু যীশুর্ শিক্ষ্যেদান্ (১৩-১৭ লামা)
(ঙ) যীশুর্ কষ্টভুগোনা আর মরাণা (১৮, ১৯ লামা)
(চ) যীশুর্ মরণত্তুন্ জেদা ওই উদোনা আর নিজোরে ফগদাং গরানা (২০, ২১ লামা)
נבחרו כעת:
যোহন আজল্ কধাগান: CBT
הדגשה
שתפו
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Copyright © 2021 Bangladesh Bible Society