Malakus Tow wə aghəə
Tow wə aghəə
Tûm i dzuŋu zə kuum Yeso Klisto tə̀ Malakus â tɔɔnə, Malakus â loʼ dzûmə Yeso, tə n fwaʼa zeeli tsə ghi Pita. À loʼ n wɔ Pita tə â zownə ndəmə ghəə ghey tə̀ tɔɔnə kuum Yeso. Tə â bwey dzəŋi ghi Pɔl n nəŋə i sə isə zey Pɔl â shi ndownə ni ndow koʼ dzəŋi u dzûmə tə Klisto tey tə â səd naŋa kaabə bənə. Màʼlə kən dii bə Yeso tə a loʼ wù tə khə daʼa kə n fwaʼ kə wi, n ghɔɔmə i wi, nsə n dii i wi.
I dii bə soʼo daʼa key tə khənə n kow zay u bəbə wə nsə ni neyzəə ghəə a ghə̂ a bəbə ghə.
Màʼlə kə tii kə kaʼ tsu tə Yeso a nə ney mmuu n Kəzə̀ mə n dzuu ə Jodan, dii nghee Satan â mɔmmə koʼnə wi tii. Dii nghee tə â baŋŋənə dzaŋa tə tii.
Malakus dii bə soʼo dii i Yeso, ngəd tə Yeso nsə ghə̂ ghən ghə â bàanə wi.
Màʼlə kə tii kə guŋ kɔʼ nghee ghə kwunə Yeso, chɔd wi, baa wi n zat kə fəkaʼ, nsə nghee tə zhəm dzəŋŋə bənə nə ivə.
Jìi zey ghə bayyə naŋa bənə ghəə ghə n màʼlə kən
Ni zey tsu tûm i dzuŋu i tii zə 1.1-13
Fwaʼ kə Yeso n mgbaŋ n mboʼo Galili 1.14–9.50
Yeso nuu tsu n Galili ndow taa ndow n Yerosalem 10.1-52
Wən zey ghə â weynə Yeso tii 11.1–15.47
Yeso zhəm dzəŋŋə nə ivə 16.1-8
Nghee Mûkəbii Yeso bə diinə wû wə tə̀ ghə̂ ghə nsə nghee tə kɔʼnə tii idəŋ 16.9-20
נבחרו כעת:
Malakus Tow wə aghəə: WEH
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
© 2022 CABTAL