KARARIADI 9
9
Pudadiandi ngu Mawu Ruata dingang i Nuh
1 #
Kar. 1:28
Mawu Ruata nangal᷊amati si Nuh l᷊au manga anae dang nuhengetang, “Puhintoute pakaul᷊i, tadeau hintou ngu matana su kal᷊abo u dunia. 2Patiku burung l᷊au kina dang binatang ko wal᷊inge sarung mataku si kau. I sire kaul᷊ie ene su l᷊al᷊ung u kawasau. 3Kaul᷊i e'e botonge makoa kinau, kere'e l᷊ai manga sasuang ko ijo; kaul᷊i e'e Daku ionggo si kau tadeau makoa kang i kumu. 4#Im. 7:26-27, 17:10-14, 19:26; Sau. 12:16, 23, 15:23Kitang simbau ko ta botonge kanengang i kumu e'e ko ghisi ko mborong pia dahange watu'u sinango e'e ene su l᷊al᷊ung u daha. 5Apang taumata l᷊au binatang ko mamate taumata sarung Daku ihukung pakapate. 6#Kar. 1:26; Sasu. 20:13 Taumata niriadi kere Ia; watu'u e'e i sai-sai ko mamate taumata, i sie sisane nge l᷊ai sarung ipate ngu taumata.
7 #
Kar. 1:28
Ore i kumu mambeng puhintou pakaul᷊i. Tadeau hintou ngu matana su kal᷊abo u dunia.”
8Mawu Ruata nuhengetang si Nuh l᷊au manga anae, 9“Su orasi i'i Ia mukoa pudadiandi-Ku dingang i kumu dang dingang u manga hintou ngi kumu, 10dang dingang u patiku ko niriadi ko wiahi, e'e ko manga burung l᷊au kaul᷊i u binatang u l᷊ul᷊unge, ore kaul᷊i u ko nusumuwang bou kapal᷊i e'e singkahindo dingang i kumu. 11I'i pudadiandi-Ku dingang i kumu: Ia mudiandi himoneu patiku ko niriadi ko wiahi ta sarung ipakawinasa ngu l᷊uwa. Sarung seng takoae l᷊uwa ko mupakawinasa dunia i'i. 12Kere tatia ngu pudadiandi ko sarang kal᷊iwuenge, ko Daku nikoa dingang i kumu dang dingang u patiku ko niriadi ko wiahi, 13Inau ko Daku nitaingang u rindipahi su winawa kere tatia ngu pudadiandi-Ku dingang u dunia. 14Sintinia, boko Ia manaka l᷊angi dingang u winawa, bou e'e rindipahi e'e ikawua, 15Ia sarung mutinaung diandi-Ku si kumu dang su patiku ko niriadi ko wiahi, e'e ko himoneu l᷊uwa seng ta sarung mupakawinasa patiku ko wiahi. 16Boko rindipahi ikawua su winawa, ia sarung mutuhung e'e dang mutinaung diandi-Ku ko sarang kal᷊iwuenge e'e su tal᷊oara u Ia dingang u patiku ko niriadi ko wiahi su dunia. 17E'e tatia ngu diandi-Ku ko Daku nionggo su patiku ko niriadi ko wiahi su dunia.”
I Nuh l᷊au manga anae
18Manga ana i Nuh ko nusumuwang bou kapal᷊i e'e ko i Sem, i Yafet, l᷊au i Ham. (I Ham ko iyamang i Kanaan.) 19I sire tilu ana i Nuh e'e ko i upung u kaul᷊i u taumata su dunia.
20I Nuh singkatau mangangawuhi, dang seng i sie kahimotongange nukoa anseri u anggori. 21Suapang i Nuh bou nanginung anggori i sie nabukang, Nil᷊uae kaul᷊i u pakeange bou e'e i sie natiki tintal᷊ang su l᷊al᷊ung u kemae. 22Su tempo ngi Ham, iyamang i Kanaan nakawua si yamange tintal᷊ang, i sie nusumuwang dang nangul᷊i hal᷊i e'e si sire rua manga tuhange. 23Bou e'e i Sem l᷊au i Yafet nangal᷊a kakingkaeng simbau dang nil᷊ehenge su wumbang i sire rua. I sire rua nul᷊umal᷊eng tutal᷊ikuri nusumu su kema e'e dang nanaka kakingkaeng e'e si yamang i sire. I sire namihu pahesi sire tadeau ta makawua si yamange ko tintal᷊ang e'e. 24Suapang i Nuh natilang bou bukange dang nakatitong apa ko nikoa u ana ko tuari su watangenge, 25i sie nangul᷊i,
“Nianeng i Kanaan!
I sie sarung makoa l᷊ang u manga ana u simbaue ko kal᷊al᷊aikange.
26Dalo su Mawu, Mawu Ruata ngi Sem!
Kanaan sarung makoa l᷊ang i Sem
27Mal᷊umbako Mawu Ruata manamba ngu al᷊amati-E si Yafet #9:27: Yafet: Areng i'i raringihang kere didato ngu Ibrani ko mangal᷊enge “natamba”. dingang mupakal᷊oahi u tampa katanakenge.
Mal᷊umbako hintounge matana singkahindo dingang hintou ngi Sem.
I Kanaan sarung makoa l᷊ang i Yafet.”
28Bou l᷊uwa e'e, i Nuh mborong nuwiahi tiluhasul᷊imampul᷊o su taunge l᷊ai. 29I sie nate umurie siohasul᷊imampul᷊o su taunge.
נבחרו כעת:
KARARIADI 9: PLT
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו