Pomulanya 23
23
Sarita Mangkonong Kapate i nSara
1Wali yako etu i Sara mawali tu’a kojomo. Ia satu dua mpuyu pei pitu nto’u panewa ia mate yau. 2Kapatenya etu nja’u tana Kana’an ri kota Kiryat-Arba to rato’oka seja Hebron. Wali ojo kapate i nSara etu i Abraham mawo kojo rayanya pei tumangi-mangi mangantangis ia.
3Roo see i Abraham mayoko yako ri awe indo nu ananya to namate etu pei yau mangaliwu tampa daraika dayo. Wali ia mampago tau to maroo nja’u lipu etu, etu semo to Het. Ia matunda sindara-ndara pei sira panewa manganto’o, 4“Pa’a-pa’a, aku ojo tau rata ri lipu ngkomi wali tare tana to aku puenya. See naka kuporapika resi komi ane re’e tana to napobalu ngkomi, waika aku sangkodi tana etu daraika dayo see aku maya mampongkeli yau indo nu anangku to matem etu.”
5Wali to Het sira mangansono, sira manganto’oka i Abraham, 6“Pa’a, kami manga’angga komi ewa makole ri oyo mami. Ewa si’i, pa’a. Boros kojo tampa to matao raika dayo ri lipu mami si’i. Wali pilis tampa to magaya kojo darapampongkeli yau indo nu anamu. Tare pasi samba’a kami to taa masanang mangawaika yau resi komi tampa daraika dayo etu.” Etu semo sono nto Het.
7Wali ojo pangandonge i Abraham gombo nsira etu, ia makore panewa ia madungku yau ri wawo ntana ri tango nto Het etu, apa ia mangantabe sira. 8Ia manganto’oka sira, “Ane buya raya ngkomi mangabiaka aku mampongkeli yau indo nu anangku ri lipu si’i, ane ewa see sawang mampansaruka aku resi i Epron, ana i nSohar. 9Apa nja’u tana to si ia to rato’oka Makhpela, nja’u wii nawunya ri woto mpantana re’e wayau mbatu. Wali porapika resi ia see ia damangawaika aku damangoli wayau mbatu etu. Aku damangabayarika doi olinya to gana kojo. Pasi aku damangika palaong to etu ri tango ngkomi samparia see manasa wayau mbatu etu mawali yau aku puenya. Ewa wetu kuporani see re’e dayo mami ri lipu ngkomi si’i.” Etu semo pamporapika i Abraham.
10Wali tempo i Abraham mampogomboka to Het etu, tempo etu sira re’e siromu ri tango mbombo ngkota. Pasi tempo i Abraham magombo etu re’e i Epron, pue mbayau mbatu to nato’o i Abraham etu, ia matunda seja ri oyo nu yununya. Wali ia mangansono ri tango nsira samparia. 11Ia manganto’o, “Gete, Pa’a, nempo taa rabayar, taa mawei! Aku buya rayangku mangawaika komi tana to etu. Pei si’a ojo wayau mbatu etu to dakuwaika komi, pasi nawungku seja! Pasi aku manganto’oka komi gombongku etu see nadonge nu yunungku boros si’i see sira mawali matamanasa tempo aku mangawaika yau resi komi tana etu. Wali inta pei pongkeli yau indo nu anamu to namatem etu.”
12Wali ojo pangandonge i Abraham gombo i Epron etu, sangkani wo’u ia madungku yau ri wawo ntana mangantabe tau to Het to boros etu. 13Panewa ri tango nsira samparia ia manganto’oka i Epron, to’onya, “Ewa si’i, Pa’a. Ane korom singkonong, aku damangoli yau nawu ngkorom etu, pei aku rani mangabayarika doi to masipato raolika tana etu. Wali oko doi olinya si’i see aku maya mampongkeli yau indo nu anangku nja’u ria.”
14Wali i Epron mangansono i Abraham, 15ia manganto’o, “Ewa si’i, Pa’a. Tana etu opo atu ngkomba doi pera olinya, wali gete, nempo masuli sangkodi pei ane resi kita dua taa bae batuanginya doi etu! To bae batuanginya indo nu anamu to namatem etu darapongkeli yau. Wali inta pei pongkeli yau indo nu anamu etu nja’u ria.” Etu semo gombo i Epron resi i Abraham.
16Wali i Abraham singkonong mangabayarika doi oli nawu to nato’oka i Epron etu. Ia rani mansaka mangabayar, see naka ia mangantimbang doi pera ri tango mata ntau to siromu nja’u ria, etu semo to Het. Tempo ia mangantimbang doi pera etu ia mangampake kilo to biasa napake ntau to payoli pasi to pobalu ri tempo etu. Roo ratimbang ia mangawaika i Epron doi pera opo atu ngkomba etu.
17Wali tana to noli i Abraham yako resi i Epron etu ewa si’i. Ia mangoli nawu nja’u Makhpela to ri tondo mata nu eo yako ri lipu Mamre. Pasi ri nawu etu re’e wayau ri woto mpantana pasi boros seja kaju. 18Wali samparia to etu inoli i Abraham damawali yau ia puenya. Pasi tempo ia mangawaika i Epron doi oli ntana etu, tempo etu samparia to Het to siromu ri tango mbombo ngkota etu sira mangkita, wali sira mawali matamanasa mpalaong to etu.
19Wali ojo karoonya i Abraham mangoli tana etu, ia yau muni ri tendanya pei mangoko lemba i nSara. Ojo pangokonya, ia mangkeni njo’u tana to owo nolinya etu panewa mampoduli yau lemba nu indo nu ananya etu ri raya mbayau mbatu ri woto mpantana. Wali dayo i nSara etu re’e ri Makhpela to mosu ri kota Hebron. Lipu etu re’e ri tana Kana’an. 20Wali ewa wetu semo sarita ri tempo i Abraham mangoli yau nawu pasi wayau mbatu to nja’u nawu etu darapake mangika dayo. Ia mangoli yau yako to Het semo.
נבחרו כעת:
Pomulanya 23: WNT
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
© 2018 New Tribes Mission, Sanford, FL 32771-1487, USA.
Printed in the United States of America