Luk 24
24
1Im ra dan nōbūm ra wik irora dūomūvelum ra velitenemi, penūri yumti dan, mūmūriuki ōv nūrah nempeneves, 2movasiven mōmū, dal irora, mūmōkesi nevat yovolevoli marugi nugūn velitenemi. 3Mirora dūmuntorĭmpewi ūnisog, mūtōkesi nokolisiran isen Novsūromon Iesū. 4Im pol sugkū irora dūmūfokerarū ugi imo, dūrū oveteme dūmūtūrū potipot irora ugi ōv némas mori dūmasevavtĭti; 5mirora dūmtetugi mūtelasep; dūmūnūwi punora ōvasiven mūmōkū, Kūmnesorugi iyi mori umnomūrep dal ōvun nemás, kū? 6Tawi iyi ĭgko, kō, ovsorasah; wentemi sugkū iyi yemenūwi pugkūm pol sugkū iyi ra Kalĭli, memokū, 7Itnesog, wonempirĭgi Netni isen neteme ra nokovenda ōvetemindi, montalugi, ĭm ra dan deselugi iyi umamsorasah. 8-9Mirora dūmuntemi nam isen, mūmūtorĭleki marugi velitenemi, mūmūnūwisū imosū punora Eleven, ĭm punora omwisū mōmū. 10Mēri Makdalenē, im Yōane ĭm Mēri dineme isen Yakobo, movasiven mōmū dal irora irora mori dūmūnūwi imosū punora ōvun Apostol. 11Im irora dūmūrlgi nam isenda sugkū nagkū nam wokon; mirora dūtūtavnirigi. 12Piter yemtūok memalō ra velitenemi memetagkelaū, memokesi ōv nemas lĭnen dūtipe teven; miyi yive memesepen navlugi ugi imosū dūtepū.
13Ra dan mori dūrū ra irora dūmavan ra sī nimote, īsūt marugi Yerūsalem sugkū ōvun mīl ēt, nin Emēus, 14mūmūnūwi punora irora, mūmōkū ugi imosū mon dūtepū. 15Im polekū dūmūnūwi punora irora mūtarugi, Iesū yemesenterowokonda memavan dal irora. 16Im nimĭnda dūtinorūleki mirora dūtūkili iyi 17Miyi yemtagkelora memokū, Sie imo nam mori kūmanūwi pugkūm, mūmnavan, mūmandigi sat? 18Im sī, Kleōpas, yemtamsi memenūwi, memokū, Kemante, kĭk ko sī, ra Yerūsalem metūrĭgi ugi imosū ūtepū yūi imo dansū, kū? 19Miyi yōĭmtagkelora, memōkū, Sie mori? Mirora dūōmūnūwi pugi, mūmōkū, Mori ugi Iesū neteme Nasaret, iyi yeti profet, horog wokon ugi ōv numpūrah im nam, ūnĭpmi isen Nōbū, mūnimĭnda ōv netevokontū omwĭsū; 20ĭm nokowo ōvun tavsogi tumpora, mōvun natemonōk enugkam ūsenteri iyi, mūmūrian iran, mūmūnūwi, mūmōkū, wantalugi, mirora litalugi ra nēūmparum; im ka kelōkū ugi iyi peviēōwara marima lō Isrēel. 21Im mōmū, ire isūma dan deselugi penuri imosū ūtepū. 22Irora ūve prūbokom ra velitenemi, mūtōkesi nokolisiran isen, 23mūvelum mūnūwi mōkū ovun agelō ūtūratumpeni punora, mūnūwi mōkū iyi umnomūrep. 24Im nugkon irora dal kam ūve ra velitenemi mokesi sugkū ōvasiven mori ūpmūnūwi, kō, irora ūtōkesi iyi. 25Miyi yemenūwi punora, memokū, Ah, kĭmi ōvun numgī! kūmandumorō wontavnirigi omwisū mori ōvun profet dūpmūmūnūwi, mūmōkū ugi. 26Aremī Kristo andĭgi nesorū ugi imosū mōmentorĭmpe ra nilasilaswi isen, kū? 27Miyi yematipotni ra Mōses, movun profet omwisū, memenūasumperi punora nam ugi iyi pe iyi, ra mumpon ōvun netĭyisū mori. 28Mirora dūmūmpotipot nimote mori dūmōkū dūmūvewi, miyi yemumpi sugkū iyi onavan mōmūgo empe, 29mirora dūmūfūarag iyi mūmūnūwi, mūmōkū, Etendōwi dal kam popōwo umalebōkewi. Miyi yive ūnisog, memokū antelap dal irora. 30Im polekū iyi yemtesĭgi dal irora, iyi yivi yōūp, memumpalug memorūsevi, memovunora. Dūtinptĭpelah nimĭnda, mirora dūmūkili iyi; 31miyi yemesepenēeve marokonda. 32Mirora dūmūsepenūnūwi punora, mūmōkū, Im owaū ūnisog nōwant polekū iyi yemenūwi pugkos ūselat memenūasumperi pugkos ōvun netiyi tumpora.
33Mirora dūmūtūok ra nempugon mori, mūmūtorĭleki ra Yerūsalem, mūmōkesora eleven, mirora dal mori dūmūnūwi, mūmōkū, 34Itnesog iyi Novsūromon ovsorasah ĭm Sīmon okesi. 35Mirora dūmūnūwi, mūmōkū ugi imosū ūselat ĭm nokowo iyi yemesepen netūratumpeni punora pol sugkū yemorūsevi yōūp.
36Im pol sugkū dūmūnūwi, mūmōkū ugi imosū, Iesū yemesepen netūrū dal irora ileboteven, memenūwi punora, memokū, Ninparata irami.
37Mirora dūmugkerĭtwi, mūmetet, mūmōkū dūmōkesi sī naviat. Miyi yemenūwi punora, memokū, Kūmēōmpele irasie? 38Kūmūntarūtarū ūnōwami irasie? Okesi ōv nokovug ĭm nōag, it yaū pe yaū. 39Worafrefi yaū mokesi, popōwo sī naviat otūmantipe fan ĭm nōiran sugkū kūmagesi irag. 40Im pol sugkū iyi yemenūwi imo, iyi yemesesi punora ōv nokoben ĭm noan isen. 41Im polekū dūtūtavnirĭgi popowo ugi navos mūmavlugi, iyi yemtagkelora, memokū, Kūmantipe ĭgko nevag ĭm laūwo kū? 42Mirora dūmūvūgi nugkon nomū torum, ĭm huni marugi vēwon. 43Miyi yivi meni ūnimĭnda. Miyi yōmenūwi punora, memokū,
44Imo nam mori yaū mepmenūwi pugkūm pol sugkū yaū dal kĭmi, memokū, Itnesog, onampesog omwisū dūmūtīyi ra ōvun selnivi nam isen Moses, mōvun profet, mōvun narūfo, mūmōkū ugi yaū. 45Miyi yemtīpelah nimĭnda ūnisog irora ma sugkū wagkili ōvun netiyi tumpora, mōmenūwi punora, memokū; 46Aremī Krĭstō andĭgi nesorū, wamsorasah marugi nemás ra dan deselugi; 47ĭm aremĭ wonterenūwi punora lōsū lōsū magkū ugi nevīeves nōwan, ĭm nefielintugi sat sū, ra nin isen wonatipotni ra Yerūsalem. 48Im kĭmi kūmnumpūvsok ugi imosū. 49Im ūrĭgi, ya umentamūli nievūos isen Itemen sorūg irami; kō kĭmi ūtendōwi ra sĭti Yerūsalem afeli nempugon kimi kwonevakūmūgi horog marugi pokōp.
50Miyi yemtōrora ratilat mefeli ra Betani; miyi yemovkisah ōv nokoven isen, memtesukives irora. 51Im polekū iyi yemtesukives irora iyi yememlag marokonda, memuriukisah iyi ra pokūp. 52Mirora dūmūtevita iran mūmūtorĭleki ra Yerūsalem ugi navos tamas; 53mirora dūmūtendōwi ra nimo tumpora, mūmnarūfoves mūmuntesukives Nōbū.
נבחרו כעת:
Luk 24: ERGNT79
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Erromangan New Testament © British and Foreign Bible Society, 1909,1979.
