Yoane 4
4
1Im Iyi Novsūromon yemokili ma ōvun Faresi dūmūrĭgi ma Iyi yemtōrora memumbaptiso iranda ōvun nūrie mōmū sikat ra Yōane. 2Kō, Iyi Iesū yetūmbaptĭs, irora ōvun nūrie eni. 3Iyi yemūwi Yūdia mempe ra Kalĭli. Miyi yemavan ileboteven Samēria. 4Miyi yive ra sī nimote ra Samēria, nin Sikar, 5ra nokoren nūrū Yēkob yemampugi Yosef netni eni. 6Nūitokeli eni Yēkob yūi. Iesū yemumpoh ugi navan memetesep sugkū ra nempĭamtugi nūitokeli; poakas poakas. 7Sī nasiven Samēria yivelum woretaligi nū. Iesū yemenūwi pugi, memokū, Ovoyaūwi yoomoneki. 8Ovun nūrie eni dūmūve ra nimote mūmōkū wampasi nevag. 9Nasiven Samēria yemtagkeli, memokū, Kĭk neteme Isrēel kemnesenug yaū ugi nū nasiven Samēria, kū? Popōwo ōveteme Isrēel ūtūm mosēevasi dal oveteme Samēria.
10Iesū yemenūwi pugi memokū, Nagkū kokili ĭtemas eni Nōbū, miyi mori onūwi punok, mokū, Ovoyaūwi yoomoneki, kĭk pesenĭgi Iyi, miyi povunok nū nomūrep. 11Nasiven mori yemenūwi pugi, memokū, Narisah, Tawi nūrah sorum worerevenisah ugi, im nū ĭmpwap ĭsūt ūuinēa imo nū nomūrep kemumpi? 12Kĭk mōmū horog ra Yēkob itemen enugkam, kū? yemampugkam imo nūitokeli, iyi yemamoneki marugi, mōvun netnin e isen, mov nūrahsū eni. 13Iesū yemtamsi memenūwi pugi, memokū, 14Iyi sī umnamoneki imo nū ōmampiumnōk; kō, iyi sī amoneki nū mori ya ampugi otūōmampium-nōk; ĭm nū mori ya ampugi antendōwi ūnisog iyi sī navūanda umentavwansah mafeli ra nomūrep ūbrūni. 15Nasiven mori yemenūwi pugi, memokū, Narisah, ovoyaū nū mori, ma ya otūōmampiumnōk, metūōmampelum igko woretaligi. 16Iesū yōmenūwi pugi, memokū, Eve movrugi asūm, mōmūvelum Igko. 17Nasiven mori yemenūwi, memokū Tawi asūg. Iesū yōmenūwi pugi, memokū, kĭk onūwi ves, mokū, Tawi asūg; 18kemumpi rasūma sūkrīm; im marima iyi mori kĭk okevi tawi asūm. 19Kĭk onūwi mokū itnesog. Nasiven mori yemenūwi pugi memokū Ya umnelavenūri memagkū kĭk sī profet. 20Irora ritemame dūmūtevĭta ra imo numpūo, im kimi kūmanūwi, mūmagkū, ra Yerūsalem oti nūrū nisekonda ōvetemesū woretĭvĭta.
21Iesū yemenūwi pugi, memokū, Nasiven, tavnirigi nani enyaū, umampelum nempugon pol sugkū kimi kūtūontevĭta iran Itemen ra imo nuinpūo, kū ra Yerūsalem. 22Kūmuntevita kūtūmagkili sie; ka kemlentevĭta kakemlagkili sie, popōwo nēōwara umamne ra Isrēel. 23Kō, umampelum nempugon, okotanepugon marima, mōveteme mori ūmuntevīta itnesog wontevĭta iran Itemen ugi Naviat mĭtnesog; ĭt iyi Itemen umneserokonda sugkū memagkū wontevĭta iran. 24Iyi Nōbū naviat; mirora mori ūmagkū wontevĭta iran, wontevita iran ugi Naviat mitnesog. 25Nasiven mori yōmenūwi pugi, memokū, Ya umagkili Mesia umampelum, mori Krĭstō; pol sugkū Iyi ampelum Iyi anūasūmperi ugi siemesū pugkam. 26Iesū yōmenūwi pugi, memokū. Yaū mori, ya umanūwi pugkīk.
27Mōvun nūrie eni dūmūvelumpe mūmavlugi popōwo Iyi yemam ūndū sī nasiven; kō, tawi sī yemtagkeli, memokū, Sie kemnesorugi? kū, Sie kemanūwi pugi? 28Navisen mori yemowi nūrah eni nimsin nū mempe ra nimote, 29memenūwi punora oveteme, memokū, Uvelum mokesi sī neteme iyi onūwi poyaū memokū ugi siemesū ya umnumpi; Iyi mori Krĭstō, kū? 30Mirora dūmūve, mūwi nimote mūmūvelum pugi. 31Mōvun nūrie eni dūinūnūwi pugi, mūmōkū, Rabi, vag. 32Miyi yemenūwi punora, memokū, Nevag sorūg woreni kūmūtū magkili ugi. 33Mōvun nūrie mori dūmūsepen tagkelora, mūmōkū. 34Sī ovugi nevag kū? Iesū yōmenūwi punora, memokū, Nevag sorūg worumpi tarū eni Iyi mori yemtamūli yaū, monokompeli numpūrah eni. 35Kĭmi kūmanūwi, mūmagkū, ītĭs devat mampelum nempugon, worovūo, kū? Urĭgi, ya umanūwi pugkūm, memagkū, Wolasah, mokesi ōvun denūok, marima umnasevōves ugi novsen. 36Miyi sī umnalekon semsimugi umumpĭ nipmi, memsemsimugi novūan ra nomūrep ūbrūni, ma iyi mori umnaseviugi novsen, miyi mori umnalekon semsimugi novūan wonavos semsimokonda. 37Imo nam itnesog, Sī umnaseviugi, ĭm sī umnalekon semsimugi novūan. 38Ya otamūlokūm woralekon semsimugi imo mori kūtūmagelaū ugi; oveteme mōmū dūmagelaū ugi, ĭm kĭmi kūvī fan ra ōvun numpūrah isenda.
39Sikat oveteme Samēria ra nimote mori dūmūtavnirigi Iyi popōwo ugi nam eni nasiven mori, yemumpūvsok iran, memokū, Iyi onūwi poyaū mokū ugi siemesū ya umnumpi. 40Im pol sugkū oveteme Samēria dūmūvelum pugi irora dūmūsenĭgi mūmokū Iyi antendōwi dal irora; miyi yemetewi yūi dan dūrū. 41Im sikat mōmū dūtavnirĭgi Iyi popōwo ugi nam eni Iyi. 42Mirora dūtuūnūwi pugi nasiven mori, mūmōkū, ka keletūmien-tavnirigi marima popōwo ugi nam sorum, kō, popōwo ka kelorĭgi sugkū, im ka kemlagkili ma itnesog, Iyi mori Krĭstō, Neowara ra lōsū lōsū.
43Penūri dan dūrū mori iyi yemowi uūru yūi mempe mafeli ra Kalĭli; 44ĭt Iesū yemenūwi, memokū, Utūmesesie ūnĭpini eni sī profet ra nūrū eni 45Kō, pol sugkū Iyi yivelum ra Kalĭli, oveteme Kalĭli dūmūvĭ, ĭt irora dūniōkesi siamesū mori Iyi yemumpi ra Yerūsalem ra nempugon naĭgari, It irora dūmūve ra narigari tumpora.
46Im Iesū yōīmpelūm ra Kana ra Kalĭli ra nūrū mori yemumpi nū woreti win; sī fan lō, ĭm netni ĭtnataman eni yamarat ra Kapernaum. 47Miyi yemorigi ma Iesū yemōwi Yūdia mōimpelum ra Kalĭli, Miyi yive pugi memesenĭgi, memokū oyep menumpi horĭgives netni eni, it iyi yemtī nūrū. 48Im Iesū yemenūwi pugi, memokū, Nagkū kimi kūtūagesi ōvun numpūrah horog, mōvun nokesenepūp, kūtūontavnĭrigi. 49Miyi fan lō yōmenūwi pugi memokū, Narisah, elum, yep, pol sugkū netūg ōtūmas. 50Iesū yemenūwi pugi, memokū, Eve; netum umnomūrep. Neteme mori yemtavnirĭgi nam mori Iesū yemenūwi pugi, mempe. 51Im polekū yemumprokyep ōvun lĭvsaū eni dūmūvtit iran mūmūnūwi pugi, mūmōkū, Netum umnomūrep. 52Miyi yemtagkelora memokū ugi nempugon pol sugkū iyi yematipotni meti horĭgives. Mirora dūmūnūwi pugi, mūmōkū, Nimi pōakas-arap namri emlag marugi. 53Mitemen eni yemokili ma Iesū yemenūwi pugi ra nempugon mori, memokū, Netum umnomūrep; miyi yemtavnĭrigi, momwisū ra mumpon nimo eni sugkū. 54Imo numpūrah horog dūrūgi mori Iesū yemumpi penuri iyi yemowi Yūdia mōĭmpelum ra Kalĭli.
נבחרו כעת:
Yoane 4: ERGNT79
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Erromangan New Testament © British and Foreign Bible Society, 1909,1979.
