Yoane 2
2
1Im dan deselugi sī nempōelah Kana ra Kalĭli, dineme Iesū yūi. 2Dūmūvrugi Iesū mōvun nūrie eni ra nempōelah. 3Yumwi win ĭm dineme eni Iesū yemenūwi pugimemokū, Tawi wĭn enirora. 4Iesū yemenūwi pugi memokū, Nasiven, kemagkūo ugi yaū? nempugon enyaū otūvelum. 5Dineme eni yemenūwi punora ōvun lĭvsaū, memokū, Wumpi sugkū Iyi anūwi pugkūm magkū ugi. 6Yemeteralē yūi ōvun nūrah nevat mesikī woretaligi nū wororowugi sugkū oveteme Isrēel dūmnumpi, mirorago dūmūtalug sugkū ōvun kalon narolem dūrū. 7Iesū yemenūwi punora, memokū, Uvūarugi ōvun nūrah. 8Mirora dūmūvūarasah. Miyi yōmenūwi punora, memokū, Umūtalug marima marugi mūriuki pugi neteme netevūrah nevag ra narigari. 9Mirora dūmūriuki. Im pol sugkū neteme netevūrah yematgavwi nū mori yeti win metūkili yemnea (ko, ōvun lĭvsaū mori dūmūtaligi nū dūmūkili), neteme netevūrah yemenūwi pugi asūon, memokū, 10Oveteme ūmantipe win aremī mampum, penūri, pol sugkū dūmamoneki, win aremī mōmū virok; kō, kĭk ofĭnte wīn aremi mafeli nempugon aremi. 11Imo natipotni ōvun numpūrah horog Iesū yemumpi Kana ra Kalĭli, mempīatumpeni nilasilaswi eni. Mōvun nurie eni dūmūtavnirĭgi Iyi.
12Penūri imo Iyi yemyep ra Kapernam, Iyi im dineme eni, ĭm ravensieme, mōvun nūrie eni; mirora dūmorokotelap yūi, tawi dan sikat.
13Paska enirora oveteme Isrēel yemumpotipot, ĭm Iesū yivesah ra Yerūsalem, 14memokesora oveteme ūnisog nimo tumpora, mirora dūmūvasi ōvun okes, mōvun pugipugi, mōvun ūmpon im nugkoneme dūmūsēevasi muni mūmūtesep. 15Miyi yeinumpĭgi neles woretelesi, yemetevelegunora marugi nimo tumpora, mōvun okes, 16mōvun pugipugi sugkū, memwoselĭgi muni enirora mori dūmūsēevasi, memtorepesi ōvun nevlok, memenūwi punora mori dūmūvasi ōvun ūmpon, memokū, Uriuki pelah imosū; ūtūumpi nimo eni Itemen yaū sī nimo nevasi. 17Mōvun nūrie eni dūmuntemi nam yemetiyi, memokū, Ya umantevūlūl ugi nelintugi ĭm nagalau ra nimo enugkĭk. 18Mōveteme Isrēel dūmūtagkeli, mūmōkū, sie numpūrah horog kĭk osesi pugkam ma kĭk emnumpi imosū? Im Iesū yemtamsi memenūwi punora, memokū, 19Utūvavtĭti imo nimo tumpora ĭm ya ōmafĭntūok ran dan desel.
20Mōveteme Isrēel dūmūnūwi, mūmōkū, Nevisū fortisĭkes irora dūmnumpi imo nimo, ĭm kĭk ōmafĭntūok ran dan desel, kū? 21Kō Iyi yemenūwi memokū nokolisiran nimo tumpora. 22Im pol sugkū iyi yemevsorasah marugi nemás ōvun nūrie eni dūmūntemi ma Iyi yemenūwi imo punora; mirora dūmūtavnirĭgi ōvun netīyi tumpora ĭm nam mori Iesū yemenūwi.
23Im ra nempugon Iyi ra Yerūsalem ra narigari paska sikat dūmūtavnirĭgi nin eni, momokesi ōvun numpūrah horog mori Iyi yemumpi. 24Kō, Iesū yetūtesiio iranda, popōwo Iyi yemokili omwisū, 25metūmokū sī onumpūvsok ugi sī neteme, it iyi yemesepen nokilisū ūnōwanda oveteme.
נבחרו כעת:
Yoane 2: ERGNT79
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Erromangan New Testament © British and Foreign Bible Society, 1909,1979.
