Mateo 11
11
1Nga chaali lino Yesu wamala kuyakomelesha alondeshi yaakwe ikumi na yaili, atina kweeneko, apita ukuyusambilisha nu kusuunda um-misi yao.
Yesu na Yoane Kabatisha
(Lk 7:18-23)
2Nga Yoane uku nyololo, pano wapulika imilimo yi Klisto, watumile alondeshi yaakwe, yakamtondoshe: 3Cheene! weewe uli wino alwiisa naanti tuloleele unji?” 4Yesu wayaneena, waati: “Yangini mkaneene Yoane ifiintu fino mulupulika na ukufilola: 5Apofu yalulola, aya matenda yalupita na ya ntana yaluswefiwa, yachipuuli yalupulika, nafwi yalututululwa, napiina yalusuundwa iswii-isiifu. 6Ali ni nkata weesi wino atalukumika na chimwi munoondi.”
7Nga pano yao yapita, Yesu ataampa ukuneena amaumba ifiintu fya pali Yoane, ati: “Mwayiile uku nyika ukuyulola chaani? Isote lilutelengana nunsa? 8Leelo mwafumile ukuyulola chaani? Untu wino wasiite imyeenda imitele? Lolini, aantu yano yakuswaala imyeenda imitele, yali un-ng'anda sha yeene. 9Leelo uku chaani mwafumile? Ukuyulola kalausha? uMwenemo ndumuneena: na wino alusile kalausha nkaani. 10Wiyo uwino waandikilwe ifiintu fi: ‘Lolini, ntumi ntumi yane, akukoleelele apa maaso yaako; wino alukuteyanyisisha iisila yaako inkolelo.’ 11uMweenemo ndumuneena: muli yano yafiilwe na ayaanachi, pasi umwi wino waloleka alusile Yoane Kabatisha, leelo wino unnoono um-weene-wa-mwiyulu, unkulu uukunnuta. 12Ukufuma amaanda yi Yoane Kabatisha fika na li, uweene-wa-mwiyulu ululoleka uku maka na ya maka yaluupoka. 13Kuno yakalausha yooshi ni Ntaambi yalawizye ukufika na pa maanda yi Yoane; 14nga ndi mukasime ukusumila, wiyo ali Elia wino alwiisa. 15Uwa makutwi apulike.
Yesu wasokesha aantu
16“Leelo aantu ya pa kasalaka njakolanye na chaani?, Yakoliine naanche yano yateenzi apa sokoni, yano yalwiita achao, yati: 17‘Tumumile mwiilwa, neemwe mutakasi ukuchina; twali tululila, leelo mutaluloosha.’ 18Kuno Yoane wisiile ataluulya naanti ukuunwa, yati: ‘Ali ni ichiwa.’ 19uMwaana-ntu wisiile alulya na ukunwa, yaati: ‘Alawi walaka na kaili unkoleshi, ikataakwe na yakalifya yikodi na aya maifyo.’ Leelo amaano yalumanyika fino aya chuumi kufuma uku milimo yaakwe.”
20Apano wataampa ukucheesela imisi yino imilimo yaakwe tupu iya maka yachisilwe, kuno itafipesile. 21“Akalaanda kaako Kolasini, akalaanda kaako Betsaida! Kuno ifipeshaamaano fino fyaombike kuno muli, ngi fyaali fiombeke uku Tilo ni Sidoni, ngali yafipela kali uku kuswaala amasaaka nitwi. 22Leelo ndumuneena: Tilo ni Sidoni shitalunwamilwa wi mweemwe uwaanda wa uputushi wa milaandu yao. 23Neewe Kapenaumu, Cheene! Ulukula kufika nu mwiyulu? Ulwikilila kufika ukushimu; kuno ifipesha-maano fino fyaombike kunuuli, ngi fyaali fiombeke uku Sodoma, ngangi unsi uo ulipo nileelo li. 24Leelo ndumuneena, fino isii ya Sodoma italunwaamilwa ukuluta weewe apa waanda wa uputushi wa milaandu yaakwe.”
Yesu alwita antu yapuze
(Lk 10:21-22)
25Liyo kweene Yesu afwaanga, ati: “Nakusamalisha Taata, Mweene wiyulu ni nsi, kuno ifiintu fi wafisa aya kumanya na ya maano, waswelwila ana anoono. 26Endita Taata, kuno ifino chikusiipile weewe.” 27Ati: “Napiwa ifiintu fyooshi na Taata, nga kuushi wino amanyile uMwana, shiko Isi, na kuushi wino amanyile Isi, shiko Mwaana na weeshi wino Mwaana akasiime ukunndaanga. 28Nguni kunoondi mweemwe mweesi yano muluchuula na yano mwanwaamilwa ni fiseendo, kuli neene mwampuusa. 29Tolini unndale wane, musambilile kunoondi, kuno neemwi nafyaalika, naucheefya um-mweeso, neemwe mwampuusa um-myeeso yiino. 30Kuno unndaale wane watonta, ni chiseendo chaane chapepela.”
נבחרו כעת:
Mateo 11: FNT1988
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
New Testament in Fipa © United Bible Societies, 1988. Bible Society of Tanzania.
