مَرکاس 16

ایسّائے پدا زندگ بئیگ

(مَتّا 28‏:1‏–10؛ لوکا 24‏:1‏–12؛ یوهَنّا 20‏:1‏–10)

1شَبَّتئے رۆچ که گْوَست، مَریَم مَگدَلینی، آکوبئے مات مَریَم و سالومَه شتنت و وشبۆاِش گپت که ایسّائے جۆنا پِرَ مُشێن. 2یکشَمبِهئے بامگواها#16‏:2 اَسلیگێن یونانی نبشتانکَ گوَشیت: ”هپتگئے ائولی رۆچئے بامگواها“. دێم په ایسّائے کَبرا شتنت. 3وت‌مان‌وت هبر کنگا اَتنت که کَبرئے دَپئے ڈۆکا کئے په ما لێٹێنیت و دورَ کنت؟ 4بله وهدے چمِّش چست کرتنت، دیستِش که ڈۆک لێٹێنگ بوتگ. ڈۆک سکّ مزن اَت. 5کَبرا که پُترتنت، دیستِش که راستێن نێمگا ورناے نِشتگ و اِسپێتێن کباهے گْوَرا اِنتی. هُشک و هئیران بوتنت. 6وَرنایا گوَشت: ”متُرسێت، شما ایسّا ناسِریئے شۆهازا اێت که سَلیب کَشّگ بوتگ. آ زندگ بوتگ و جاهی جتگ. نون اِدا نه‌اِنت. بچارێت، اے هما جاگه اِنت که اِدا آییئے جۆن اێر اَت. 7نون شما برئوێت، پِتْرُس و آ دگه مُریدان هال بدئیێت که ایسّا چه شما پێسر جَلیلا رئوت و سرَ بیت. اَنچۆ که وت شمارا گوَشتگ‌اَتی، همۆدا آییا گندێت.“ 8جنێن سربتگ#16‏:8 سَربَتَگ، بزان سرگَردان، دودل. و لرزان چه کَبرا دَر آتک و جِستنت. چه تُرسا گۆن کَسّا اے بارئوا هبرِش نکرت.

ایسّائے زاهر بئیگ#16‏:9 لهتێن کوَهنێن دَزنِبِشتا، بند 9آ بگر تان بند20 مان نه‌اِنت.

(لوکا 24‏:13‏–35؛ یوهَنّا 20‏:11‏–18)

9یکشَمبِهئے سَباها ماهَلّه، جاه جنَگا رَند ایسّا چه سجّهێنان پێسر مَریَم مَگدَلینیئے دێما زاهر بوت. اے هما مَریَم اِنت که ایسّایا آییئے هپت جِنّ کَشّتگ‌اَت. 10مَریَم شت و هما مردمی هال داتنت که ایسّائے همراه بوتگ‌اَتنت و نون مۆتک آرَگ و گْرێوَگا اَتنت. 11بله وهدے آیان اے هبر اشکت که ایسّا زندگ بوتگ و مَریَما دیستگ، باوَرِش نبوت.

12رَندا، ایسّا دگه شِکل و دْرۆشمێا دو مُریدئے دێما زاهر بوت. اے مُرید دێم په مێتگێا رئوگا اَتنت. 13مُرید پِر ترّتنت و اے دگه مُریدِش هال داتنت، بله مُریدان اِشانی هبر هم باور نکرت.

ایسّا وتی یازدهێن کاسدانی دێما زاهرَ بیت

(مَتّا 28‏:16‏–20؛ لوکا 24‏:36‏–49؛ یوهَنّا 20‏:19‏–23؛ کاسِدانی کار 1‏:6‏–8)

14رَندا ایسّا وتی یازدهێن کاسدانی دێما هما وهدا آتک و زاهر بوت که آ وراک ورگا اَتنت. ایسّایا کاسد آیانی ناباوَری و سِنگدلیئے سرا ملامت کرتنت، چێا که هما مردمانی هبرِش باور نکرتگ‌اَت که آیان ایسّا چه جاه جنَگا رند دیستگ‌اَت. 15گۆن آیان گوَشتی: ”دنیائے سجّهێن کئومانی کِرّا برئوێت و وشّێن مِستاگا سر کنێت. 16هرکَس که ایمانَ کاریت و پاکشۆدیَ کنت، آ رَکّیت. بله کَسے که ایمانَ نئیاریت، مئیاریگَ بیت. 17باوَرمندان اے نشانی گۆنَ بنت: منی نامئے سرا مردمانی جِنّانَ کَشَّنت، نۆکێن زبانان هبرَ کننت، 18ماران په دستَ گرنت و اگن زَهر هم بوَرنت، آیان هچّ پرواهَ نبیت. نادراهان دست پِرَ مُشنت و آ وشّ و دْراهَ بنت.“

ایسّا آسمانا رئوت

(لوکا 24‏:50‏–53؛ کاسِدانی کار 1‏:9‏–11)

19اَنچۆ که هُداوندێن ایسّایا گۆن آیان وتی هبر هلاس کرت، آسمانا برگ بوت و هُدائے راستێن کَشا نِشت.

20ایسّائے مُرید، په آییئے مِستاگئے شِنگ و تالان کنگا هر جاهَ شتنت و هُداوند هم آیانی همراه اَت. هُداوندا گۆن بازێن مۆجزه و اَجَبَّتێن نشانیان وتی هبرانی بَرهَکّی سابتَ کرت.

נבחרו כעת:

مَرکاس 16: HPKB

הדגשה

שתפו

העתק